السلام عليكم اخواني
وكل عام وانتم بخير

زوجي سافر باجازه العيد
ونزلني مع الاطفال بيت اهلي
طبعا سافر برا سياحة ووناسه
وانا بين 4 جدران مع الاطفال
وطبعا عطاني مصروف لي وللاولاد

البارح تعب ولدي
واخذته مع اخوي المستوصف

هو يسافر يهيص
ونسايبه يشيلون عياله للمستشفى

انا مفروسه منه
خاصه اني عانيت معه كثير الفتره الماضيه
وهو بكل برود راح سافر مع اصحابه
ويشوف هالشي حقه لانه رجل
وانا لاني امرأه ابلعها واسكت
واضف عياله لحد مايرجع من وناسته

اللي يقهر كل ماكلمني يتشكى
ان الديره حر وزحمه هناك
واذا شفت الصور والفيديو انواع الضحك والوناسه

امس علمته ان ولده مريض
واكتفى بالسؤال عنه وعطيه كيت وكيت
بالليل قال ايش فيك اليوم
قلت سلامتك انا اقابل الولد وانت انبسط
قال خلاص طلعتي هالسفره من عيني
مارديت عليه


هو راجع بعد يومين
انا زعلانه منه مرررره
بس تعبت من المشاكل
خاطري مكسوووور يا ناس
مدري كيف اتعامل معه اذا رجع


وللامانه هو واعدني بسفره بعيد الاضحى
بس زوجي شاطر بالكلام ومقصر بالافعال
وانا مره ضايق صدري من تصرفاته وانانيته


عطوني اراءكم

انا ما ابغى اتخانق معه
بس ابغى احسسه بتأنيب الضمير
ولا ابغاه يعيد هالتصرف
انو يرميني باجازه العيد ويسافر يستانس مع اصحابه


ياليت اقتراحاتكم

كوني منأكدة اذا هاوشتيه او نكدتي عليه... ماراح ياخذك لمكان!!

خلي تأنيب الضمير يجي من عندو..

هو عارف انك زعلانة.. لما يجي استقبليه زين وقولي مبسوطة لانك طلعت ... وبعيونك شوية حزن.. حزن مو غضب!!!!!

راح ياخذكم من نفسو..

ومثل ما قلتلك الرجال بحاجة بين الفينة والأخرى يسافر لحالو... الي يزعجك فقط رفقة السوء والاماكن المشبوهة..

اكرر يا كنافة هو يعرف انك زعلانة.. واكيد ناوي يعوضك.. اذا اظهرتي زعلك مرة ثانية حيصير نكددددد

من حقه يطلع يستانس ويرفه عن نفسه وين المشكلة في الموضوع
يعني حاسدته على هالاربع ايام ليه يسافر ويتركك عند اهلك
ثقي ثقة تامه لو انك تفهمينه وماعندك مشاكل معه فراح يكنسل سفرة اصحابه وياخذك معاه بدلا منهم
شكلك من النوع النكدي

يعني استقبله عادي تقريبا

رايك قهرني.. يعني هو مسافر نكاية فيني
لو يحبني ابدا ماعملها
انا اقول هالكلام مع نفسي بعدين اتعوذ من ابليس

بعدين زوجي طول السنه يطلع يستانس
يوميا يشوف اصحابه ويرفه عن نفسه
بينما هو كاتم انفاسي
واخرتها استغل اجازه العيد وسافر وخلاني

انا مو نكديه
بس بشر.. مو جماد

ياليت اللي يرد يعطيني اقتراح يفيدني
بدون مايقول انتي نكديه وما اعرف ايش
هالكلام بس يضيق صدري بدون فايده

وترى الباشا سافر وهيص وهو اللي نكد علي العيد

قبل يومين رايحه عزيمه لاهل زوجي
شافتني وحده وقالت: مسكينه سافر وتركم
كذا قدام الحريم
قلت لها: الله يرجعه بالسلامه وسكت
شمت الناس فيني
حسيت نفسي من هذولا الهيلق
اللي زوجها يسافر ويرمي المسؤوليات عليها

مع ذلك اتعوذ من ابليس بدل المرة الف
فلا احد يبرر له رجاء
بس كيف اتعامل معه اذا رجع؟

صدقيني الرجل الي زوجته مريحته على الاخر يحاول انه مايفارقها ويسحب على كل اصحابه علشان زوجته
انا اطلعت على بعض مشاكلك السابقة
واضح ان كل واحد فيكم يجامل الثاني بس علشان تمشي الحياه

بصراحه اختي انا شايف انك جالسه له على الحبه
طيب واذا اخوانك ودوا ولدك للمستشفى ايش فيها خاله ووداه للمستشفى لان ابوه مسافر هذا الطبيعي وين المشكله
وبعدين انتي متضايقه انه مبسوط ومستانس
اشوف بصراحه انك تدورين الزعل دواره

استقبليه مثل ما يحب... بكل شي..


وخلي يحكيلك عن سفرو،، وانتي افرحيلو لكن خلي شوية حزن بعيونك بسسسس.. هو بيفهم اكيييد،، انتبهي تحكي اي كلمة والا ماراح يوجعو قلبو عليك.. اذا سكتي صدقيني راح يأنبو ضميرو أكتر.. وكوني له متل ما يحب بكل شي..