الاخت روح الطير بعد مااطلعت ع موضوعاتك لاحظت فيك تتكلمين عن طريقة تربية ابنك
وانك تنمين شخصيته عشان يكون يعتمد عليه ماشاءالله
اتمنى منك تساعديني في تنمية ثقة ابني بنفسه وتقوية شخصيته
وكيف اتعامل معه لان شخصية ابني ضعيفه ويخاف
وانا تعاملي معه متذبذب مرات اقسى ومرات ألين
ابي منك لوسمحتي تساعديني كيف اتعامل معاه وكيف اخليه شخص يعتمد عليه
الله يجزاك حير ويجعل مساعدتك لي بميزان حسناتك
ويصلح لك اولادك وابوهم.

سامحيني تاخرت .. النت كانت فيه مشكلة اليوم ..
لي عودة

هلا حبيبتي جمانة ..

سامحيني ما شفت موضوعك غير متأخر ، و كانت عندي مشكلة بالنت من أمس ..
و توها انحلت ..

.
.

و ابشري يالغالية ..

بس حابة أقول لك بالبداية ، إنه كل أم ترى طفلها مميز ..
فأبداً ، ما أحاول أقيس ابني بمنظاري .. و لا منظار أبوه هنا معاك ..

و لا راح أحاول امتدحه .. و بأحاول أعطيه على ( قد حجمه ) ..
و بأقيس النتائج ، على حسب تعامله مع العالم الخارجي و مع الآخرين ..

.
.

مثال :

كنت في بيت قريبتي و عندها طفل عمره 3 سنوات ..
ولدي عمره 6 .. و ولد أختي 8 سنوات .. كانوا بيلعبوا سوا ..

جاني ولدي مقهور و معصب و ماسك أعصابه ..
و يقول ( ماما .. شوفي الولد هذا دففففني )
يقصد ولد قريبتي الصغير دفه ..

قلت له ( معليه ، الولد صغيييير .. بعّد عنه و ما يفهم ) ..

تركني و رجع لهم ، و شايفته ماسك أعصابه و مجهز ( قبضته ) .. نفسه يضرب الولد و يدفه ..
و شفت ولد أختي اللي عمره 8 سنوات .. بيحرض ولدي .. و يقول له
( رووووح اضررررربه .. ياللا رووووح اضربه .. و اللي يضربك ، اضربه إنت كمان )
و بيستفز ولدي عشان يضرب الولد الصغير مثل ما ضربه ..

ولد أختي هذا الكل يوصفه إنه ( حقود ، و عصبي و ما يحترم لا كبير و لا صغير ، و يمد يده على أمه )

شفت ولدي واقف و يطالع بالصغير و نفسه يسترد كرامته ..
و نفس الوقت هذاك يحرضه .. اخر شي ( ولدي ترك الصغير ) و رجعوا يلعبوا كلهم من جديد ..

- عرفت وقتها ، إنه الحمد لله .. ولدي حنون و ما يستقوى عالصغار ..
( كنت أحرص من صغره ، إني أزرع الشي هذا فيه .. عشان أفكر لبكرة لما يكبر .. يكون حنون علي و على أبوه و أخوانه )

- إنه ما يتأثر بكلام غيره إن ما كان مقتنع به ..
و الدليل ما سمع كلام ولد أختي و هو في ثورة غضبه ..
( ولدي عنيد ، و ما يعمل أي شي هو مو مقتنع فيه .. كثير ينتقدوه بالصفة هذه ..
لكن أمي كانت تمدح الصفة هذه فيه ، و تقول لي .. ولدك عاقل و لازم تقنعيه بالشي عشان يعمله )

- إنه صاحب قرار ..
( فكر .. و قرر إنه خلاص ما يضرب الولد الصغير )

.
.

و نفس الوقت ،.
إذا واحد أكبر من ولدي أو في نفس عمره ، ضربه .. ولدي ما يسكت له ، و يدافع عن نفسه ..

,
,

على دا الأساس ، ممكن أوضح لك ..

هذا مجرد مثال ..

راجعة ..

لكن كم عمر ولدك ؟ و هو أكبر واحد ؟ أو الوحيد ؟

ماشاءالله
الله يحفظه لك ،، عارفه بإنشغالك ومقدره وبإنتظارك اذا سمحت لك الفرصه،
ولدي عمره تسع سنوات
هو الكبير بعده ولد بعدين بنت

عزيزتي جمانة ..

اعتذر عن التأخر بسبب الإنشغال و أعطال النت ، ولدي الصغير كسر الراوتر ..
و تعرفي زوجي يومه بسنة ، و كنت أدخل من الجوال ..

.
.

بالنسبة لولدي ، أتمنى إني أكون مثل ما قلتي ..
لإني أسير في تربيتي له ، بشكل مخالف لما تربيت عليه و ما تربى عليه زوجي ..

يعني بالطريقة اللي ( أتمنى إنها تكون ناجحة و مفيدة ) ..

.
.

دائماً ، أضع أمام عيني الأمور التالية :

- إني ما راح أعيش العمر كله ( لولدي ) ، و بيوم من الأيام ( راح أفارقه ) ..
إن كان بموتي ،، أو زواجه ..

و شفت بنفسي ، لما أبويا مات ( كيف تعبت من بعده ) ..
فما أبغى ولدي يتعب من بعدي ..

علشان السبب هذا .. و لإني صنعت استقلاليتي و شخصيتي بنفسي بعد موت أبوي :



- أحاول إنه ولدي ، يكون بشخصية مستقلّة ..
- إنه يتخذ قراراته بنفسه ..
- إنه يكون رحيم و عطوف ..
- إنه يكون واثق من نفسه ..
- يكون جريئ بالتحدث مع الأشخاص و غير خجول ..
- أي شي جديد أتعلمه بالحياة ، أحاول إنه يتعلمها لكن .. بطريقة تناسب ( عمره و عقله ) ..

.
.

الطريقة :

الطريقة :


- أوكله بأعمال بسيطة ( مناسبة لعمره ) ..
- أتركه مرات يرد و يتحدث هو ( بدون أي تدخلات مني ) ..
- لا أعاقبه إن قام بالرد على الآخرين بطريقة خاطئة ، أراعي إنه ما زال ( طفل ) ..
و لكن أحاول توجيهيه ..
- أكون قدوة له ، فيراقبني بطريقة تعاملي معه أو مع الآخرين و أرى تأثير ذلك عليه ..

.
.

أمثلة .. و استنتاجات :


-

ماشاءالله
متابعه معك

معليه.. احاول ارد و مباشرة اضغط ارسال ..
لانه النت يعلق مرات و لازم اعيد تشغيل اللاب توب .. :-)

الله يجزاك خير واخذي راحتك لاتكلفين نفسك فوق طاقتها
متى ماسمحت لك الفرصه ادخلي وألقى ردودك
وعادي استرسلي ع راحتك الله يجعلها بميزان حسناتك.

بأكتب من جهاز العمل

حاليا بننقل من البيت ، و لازم اعمل اشتراك جديد .. لاإنه الإشتراك القديم بإسم زوجي ..
و وقفوه ، لإنه ما بيسدد لهم ..

و طلبت من زوجي ، يطلع لي خط هاتف ثابت بالبيت الجديد مرة وحدة ..
فمرة متعطلة أموري بسبب النت ..