السلام عليكم ورحمة الله وبركاته ...

قبل ايام طلعنا رحنا سوق الذهب زوجي كان يبغى يشتري لبنتنا حلق لأذنها ... وجلس يتأمل بالحروف والاسماء وسألهم اذا في قلادة بإسمي قالوا لا ... واشترينا الحلق بس وطلعنا .... قلت له ليه تسألهم اذا بتشتري مو ضروري خلها بعدين لما يتصلح وضعنا ... قال مين قال بشتري بس اسأل... انقهرت من رده ... بس سكت ... وهو يدري ان نفسي فيه من زمان ... المهم اليوم وقبل شوي جاب لي هديه مغلفه وعليها كرت ... فتحتها وكاتب عبارات والهديه كانت سلسله بإسم " سموره " والله انصدمت وخاصة زوجي قليل الهدايا ونادرا يجيب هدية ... انحرجت منه وماعرفت وش اقوله ... وبنفس الوقت حاسه بقهر مدري ليه ... رجعت قلت له ليه مكلف على نفسك وماله داعي خلها لما الوضع يتحسن.... قال عادي الرزق جاي ... وانا من غبائي قمت وعطيته فلوس .... قلت له خليه عندك يمكن نحتاجه ... عصب علي انتي نكديه وانتي وانتي والحق علي اللي عطيتك هديه .... تجين تهينيني بهالفلوس ... قلت له ماقصدي شي حاولت افهمه ماعطاني وقت والحين طلع واراسله ولا يرد علي .... والله ماكان قصدي اهينه بس مدري ليه هو يعتبره اهانه ... مافيها شي لو ساعدته شي لي يعني هالسلسال حقي خلاص قلت بساعده .. اذا شي له ولا لبنته او ولده مابعطيه عشان مايقول اني اهينه ... مدري ليه زعل ... انا اللي سويته خطأ ؟ وليه يعتبره اهانه ..!

__________________
-

فأجبر خَاطري .. بفيّض نعَمك ❤ ....

تخيلي انت متكلفه ورايحه تشترين هديه لصديقة عزيزه على قلبك حابه تفرحينها وتدخلين على قلبها السرور
بالمقابل جت واعطتك فلوس تقديريه لقيمتها ؟

بالله ماتنقهرين من تصرفها ؟
كأنه بتصرفها تقولك هديتك ماهمتني عندي فلوسي تكفي

وهذا اللي حسه زوجك وخلاه ينقهر ويحس بالاهانه

سمورة... ارجعي للوراء.. ليش انقهرتي يوم كنتو بمحل الذهب.. وقالك مين قال بشتري السلسال انا بس اسأل..؟ انا بالنسبة لي هو قالك كذا عشان يغيضك لكن نيته يعمل لك مفاجأة بعدين... وهاد الي صار..

وليش ماقلتي شكرا حبيبي وطرتي من الفرح بل رحتي تجيبي الفلوس؟ يعني مستكثرة تشكريه؟ تقوليله اتفضل هاد بهاد مالك فضل علي ولا تحلم اشكرك عالهدية؟؟؟

مافي تفسير اخر لا تزعلي....

جرحتيه جرح كبير يكفي ان زوجته وضعها المادي افضل منه... بل زدتي تحسسه او بالاحرى عقدته من الموضوع بتصرفك الجارح.. ليه بس ليه

وعليكم السلام ورحمة الله
اهلا اختي
هو المفروض انج فرحتي بالهديه وعطيتيه بوسه على الطاير وبعض الكلمات الرومنسيه هذا هو المفروض
لكن اعطيتيه المال بحسن نيه وهو المفروض تعطينه بوقت غير وقت الهديه
لكن صار اللي صار

الحين ارسلي له رساله فيها عبارات شوق ومحبه وتقدير واعتزاز به
وهو اكبر هديه وهديته تضل محفظه وهي اغلى هديه وصلتك .....الخ الكلمات الحلوه
بعدها بيني له تصرفج ان قصدج اسعاده وتفريحه مثل مافرحج وحبيتي تهدينه نفس ثمن هديته
ومو قصدج شيء ثاني

واختمي كلامج تقديري لك زوجتك المحبه


ـــ
بعد الرساله اتركي له فرصه يفكر لاتتصلين عليه ولاشيء
وهو راح يفهم ويستوعب قصدج باذن الله


موفقه








ـ

__________________

بالعكس شكرته في البدايه وفرحت من كل قلبي ... بس هو يدري ان هالشي نفسي فيه من زمان وماجابه .. وجابه هالايام فقلت يمكن عشان ادفع ... وهو مايبغى يطلب منحرج قلت مارح اخليه ينحرج واجيب له بنفسي ... ماتوقعت بيزعل ... والله ابدا ابدا ماقصدي اني اجرحه ... ولا حابه احسسه اني افضل منه ... مدري كيف كنت افكر ...

__________________
-

فأجبر خَاطري .. بفيّض نعَمك ❤ ....

كأنك تدفعين قيمة الهدية الله يهديك

__________________

وبدأت تحدي إنقاص الوزن الهدف إن شاء الله 55 كيلو

سويت كل هذا ... ماقصرت معاه بكلمه ... ورجعت عطيته ... ماجا ببالي انه بيزعل توقعت بيفرح ... ان شاء الله برسل له

__________________
-

فأجبر خَاطري .. بفيّض نعَمك ❤ ....

قلت دامه ماقصر معي مارح أقصر معه واعطيه... انا ماقصدي اعطيه قيمة الهديه ولا اعرف قيمتها بالاساس ... بس عطيته كذا ... اما اذا وراه غرض من الهديه الله اعلم ..

__________________
-

فأجبر خَاطري .. بفيّض نعَمك ❤ ....

كل مرة تعطي مبرر شكل لكن هذا الي فوق هو الحقيقة...


قوليله بس انا حبيت افرحك مثل مافرحتني وما فكرت زين قبل ما اتصرف... من كثر فرحتي ورغبتي في اسعادك تهورت وعميتها...