السلام عليكم ورحمة الله وبركاته..

بنتي الكبيرة خلصت من الصف الرابع والحمد لله ورايحة على الخامس الابتدائي ..
قبل ماتخلص المرسة اتفقت معاها بعد مانرجع من السفر تبتدي تلبس عباية وشوي شوي تتعلم وتلبس الشيلة ..
لأني لاحظت عليها من فترة تغيرات في جسهما وحسيت مرحلة البلوغ قربت .. وشرحت لها بطريقة مبسطة عن الدورة عشان لو جاتها ماتتفاجا وتخاف ..
بس سبحانك ربي واحنا بلندن جاتها الدورة لأول مرة .. صغيرة حبيبتي .. بصيح هههههه ..
حاليا رافضة فكرة الحجاب .. وأنا خايفة عليها الحين هي محاسبة .. لكن فعلا صعبة مرة وحدة تتحجب بدون تدريب وتعويد ..
خصوصا انها اكبر بنت بالعايلة .. مافيه بنات أكبر تتشجع لما تشوفهم فصايرة تستحي وتقول بعد سنة بتتحجب ..

عطوني طريقة اقنعها بدون اجبار ..

أهلا أم الدانة
كان عزيزتي المفروض تدربيها تدريجيا بعمر أقل ,,,ابتداء بالعبائة ,,شوي شوي بالحجاب
ما رأيك بأخذها معك لمحل العبائات لتختار بنفسها حجاب أنيق
و جمَلي لها اللبس , للغاية و اذكري لها وجوبه و أنه أمر ضروري امتثال لأمر الله
و أنك يا ابنتي تطيعين الله و ليرضى عليك والخ من الكلام الجميل المحبب لها

العيال كبرت^__^ ,

__________________

شيليتيني هم بنتي من الحين


يا حياتي والله باقي صغيرة بنتك

والله انا اشوف انك انتي اكبر قدوة لها و راح تقلدك لا شعوريا


لا تشيلين هم ان شالله ربي يهديها بس تعالي لها باللين

البنت سهلة تنجاب مو زي الولد عنييييد الله يعين


انا اشوف بنتي تحاول تقلدني فكل شي حتى في طريقه لباسي

وهي بنتك الكبيرة اتوقع ما راح تتعبي معها


هي فترة و زي ماقالت مسز داني خذيها المحل و خليها تختار عبايتها بذوقها

و كل مرة علقي على طريقتها فالعبايه انها حلوة ماشالله

ووصي خالاتها و عماتها يمدحونها و يعززو فيها هالشي

و الله يعييييينك و يعيننا و كل المسلمين

__________________

‏
الوعي هو الملاذ ..

أستغفر الله العظيم ؛
( الفردوس غايتي )

ربي يحميها واخوتها وتشوفيهم باعلى المراتب

اجلسي معاها وفهميها بالمنطق
هي مش رافضة المبدا بس تقول بعد سنة

طيب وش الفرق من الحين للسنة الجاية
خلاص البسيه الان .. لكن لو ضليتي سنة ماتلبسيه راح تاخذي ذنوب
وانتي احسبيها كل طلعة بذنب !!
واعطيها بيدها فلوس واتفقي معاها تروحو السوق وتشترو العبايات والحجابات
الي تحبهم ،، وكمان اتفقي معاها تسوي لها حفلة بعد العيد تعزم فيها صاحباتها
ونسوان العيلة بمناسبة لبسها للحجاب

والله يعينكم ..ويعينا
اذا انتو بالدول الاسلامية شايلين هم الحجاب
احنا المغتربين باوروبا وامريكا ايش نقوللل؟؟؟
بتتي عمرها سنتين ومن الان نفكر انا وابوها متا نحجبها

الله يستر عليهم ويحفظهم ويهديهم

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

عندي خطه بتاكل قلبها
على مايبدوا انكم بعائلة مثقفة جدا وفاخره
وهذا يعني انك راح تفتحين باب عميق ومهم وراح تكوني وبنتك قدوة للباقيات
راح تحدثي اختلاف وفكرة اخرى
افعلي لها حفلة وسميها بحفلة العفاف
اطلبي من الامهات والصغيرات يشتروا حجابات وعبايات فاخره(تهدف للستر لا زخرفة الدنيا)
ضعي حلوى كثيره مغلقه في مقدمة المكان الذي ستلقون فيها كلماتكم لهاتحدثن واخبريها بان العبائة كتلك الحلوى
لتقدمن لها الهدايا من الحجاب
وقبلي راسها امامهن وقولي نعم هذه هي ابنتي انظروا لها!
لا تكثري الحديث معها اثناءها فالحفلة المفاجئة ستحدث تغييرا
دعي الجميع يلبس جلاليب واشعلي العود والبخور وصوت اسلامي لنشيد عن الحجاب للخضر راائع
ودعيهن جميعا يقدمن لها كل الاحتراموالتقدير ونظرة الوقار
اختي
لا تساليها عن شعورها
اتركيها فبداخلها الف فكرة وشعور
اتركيها تنتهي وتعود لتخبرك من تلقاء نفسها

__________________
الحمد لله..اللهم صل على محمد و ال محمد

التفريغ المنهجي

ما عندي حل بس كنت ابغى اقولك ليش بنتك ما تبغى تلبس حجاب
لانه اذا لبست حجاب رح يعرف الكل انها بلغت !! وهي ما تبغى احد يعرف لانها مره صغيره واكيد اول وحده من صفها جاتها الدوره وكل شيء ملخبط عندها وموضوع البلوغ مضايقها جدا واكيد رح تخبي هذا الخبر عن صديقاتها ورح تنكر انها بلغت الين ما تشوف انه صجباتها بدؤوو يبلغو

شفت صورتها بالتقرير السياحي
شبر ونص حيبيتي الله يحفظها صغيره حيل على البلوغ

موقفك صعب الله يعينكم

__________________

حاليا عمرها 10 .. يعني بأي سن ممكن أبدأ معاها ؟؟ انا لما حسيت ان مرحلة البلوغ قربت .. توقعتها تجيها بعد سنة مثلا .. ماتوقعتها بهالسرعة .. وكنت ناوية ابتدي اعودها هذه الصيفية .. لكن الدورة سبقتني وسبقتها ..
إن شاء الله اليوم آخذها للمحل واخليها تختار بنفسها ..
هي مقتنعة بالعباية ولكن ليس الحجاب ..
وأمس كلمتها انها محاسبة وان ربي يكتب لها سيئات في كل مرة تطلع فيها من غير حجاب ..
بس تقول تستحي لأن مافيه احد من بنات صفها محجبات ..
حاولت أفهمها ان كل بنت تبلغ في سن مختلف .. وأول ماتبلغ لازم تتحجب فما عليك من البنات حولك ..
بنتي واايد تخاف من كلام البنات بالذات .. لأنها ماتحب يحرجونها .. وسبحان الله بنات هالزمن غير ..
احنا أول كنا نراعي بعضنا ومانحب نجرح او نحرج بعضنا البعض .. ألحين صاروا يقطون تعيقات ويحرجون من غير مايهتمون في مشاعر زميلاتهم .. .. وبنتي حساسة جدا للكلام .. حاولت ازرع فيها الثقة .. وقلت لها إذا ربج راضي عليج ماعليج من كلام احد ..مادري أحس صعب اقناعها ..


أيه والله العيال كبرت وكبرونا معاهم ..

شايلة هم صديقاتها بالمدرسة وايش راح يعلقون عليها ..

نقطة جيدة اللي ذكرتيها .. أكلم عماتها يشجعونها معاي لما يشوفونها بالعباية ..
لو خواتي وأمي بجنبي كان ممكن ساعدوني وتسهل الموضوع .. الحمل يثقل علي ..
الحمد لله على كل حال ..

فكرة حلوة الحفلة ..
بنتي تحب الحفلات والكيكات والهدايا ..
وكل شي تسويه تبي عليه مكافأة ..
اليوم بكلمها لو لبست الحجاب بعمل لها حفلة كبيرة وبعزم صديقاتها إن شاء الله..

جميلة جدا فكرة الحفلة .. وناوية اطبقها ان شاء الله ..
وياارب تقتنع .. دعواتكم ..

شكرا حبيبتي ..