السلام عليكم

اولا اشكركم على هذا المنتدى اللي يريح الواحد

بغيت اقولكم مشكلتي عشان تساعدوني وتنصحوني

انا الحمدلله اخاف ربي بس اسوي شي مب زين وحرام واتم مضايجة طول الوقت بسبه هذا الشي

زوجي الله يسامحه يدخل مواقع اباحية وكم مرة كلمته بس ما شي فايدةالمهم وبعدين يطلع من البيت وينسى يمسح الهيستوري يعني المكان اللي يطلع فيه المواقع اللي داخلنها
والشيطان يقص علي ويخليني ادخل واشوف واشوف لين ما يجي ريلي تقريبا ساعتين او اكثر
وبعدها اضايج وااااااايد
ما اعرف ليش ادخل مع انه الحمدلله انا اخاف ربي وما ارضى بس من يطلع زوجي ما اعرف شو يستوي فيني وادخل
انا ما ابا اتم على هذا الحال
والله اني مستحية موت بس شو اسوي
اخاف اوصل لمراحل اكبر يعني ممارسة العادة السرية
ارجوكم ساعدوني



الاشراف / تم تعديل العنوان ليكون بالفصحى

وليه توصلين للعاده السريه وزوجك موجود ؟؟؟



((فيما معنى الحديث))
كان الرسول صلى الله عليه وسلم في احد الأيام ماراً واذا مرت بقربه امرأه ، فذهب لاحد زوجاته ولم يكن يومها ، فجامعها في مكانها


عليه افضل الصلاة واتم التسليم
شايفه اشلون ؟؟؟ عشان ما ينشغل بالمرأه اللي مرت صوبه ، طفا اللي صار مع زوجته وبالحلال ، مع انه ماكان يومها ولا كان المكان مناسب



وفيه برامج يا اختي تمنع المواقع الجنسيه ، انتي ممكن تستخدمينها كحل مؤقت
ويستلزم عليكي تشغلين زوجك من اول ما يوصل للبيت ، بالباس والروائح الساحرة
تخلقين له جو ثاااااااااااااااني ،، عشان ينشغل فيكي عن معصية الله سبحانه


واحتسبي الأجر
ترى كل نبضه توصل لقلبك الحياة وتضغ الدم لجسمك وتستخدمينه حرام انتي محاسبه عليه
تخيلي محاسبه على كل نبضه


الله يلطف فيها ان شــاء الله ويرحم حالنا
ولا يكلنا لأنفسنا طرفة عين

الله يوفقك ويسدد خطاكٍ حبيبتي ويعينك على ما ابتلاكٍ
اللهم امين

__________________

اسمعي نصيحتي وشيلي الجهاز من بيتك بكبره ....

اختي حفظك الله من كل مكروه ووفقك الى مبتغاك
اختي نصيحتي لكي ان تجعلي الله امام ناظرين وحاولي ان تشغلي نفسك باشياء عديدة لماذا لا تشتركين في دار النساء لكي تستفيدي من وقتك ثانيا اكثري من الاستغفاروقوي ايمانك بالله فانتي بنعمة لا يعلم بها الا الله كثير من اخواتنا يتمنو النعمة اللتي انتي بها الا وهي الزوج فلا تجعلي للشيطان بابا يدخل عليكم
وفقك الله لما فيه الخير

__________________

اللهم احفظ مولودتي حنين وام حنين يارب العالمين

مشكورين بصراحة احس بتشجيع اني اترك هذا التصرف
والله مشكورين