السلام عليكم وحمه الله وبركاته
بدخل فالموضوع على طول
عندي مشكله من 6 شهور ويوميا تاخذ حيز من تفكيري وتنكد علي

ببدا بنبذه عني وعن صديقتي سبب المشكله
انا بنت عمري فالعشرينات وبنت خالي نفس العمر تقريبا
تربينا معبعض وكنا نلبس نفس الشي ومثل الخوات
اهلها مدللينها و شخصيتها محبوبه اكثر مني ... من الصغر كنت احس خالاتي يفضلونها
كنت احبها ومعجبه فيها واشوفها مثلي الاعلى(لانها اكبر مني بشوي) لكن نفس الوقت اغاااار منها لان اي شي تتمناه تلاقيه و يعاملونها معامله مميزه
شخصيتها تجذب الناس بكلامها و تبين انها مهتمه بالشخص اللي تبغي تتقرب منه و سطيييه (همها الماركات) وتهتم بالمظاهر كثير و تغاااار جداااا لو حد مدح غيرها لازم الاهتمام كله عليها ... قدام خالتي اول ما تدخل تلاعب اولادها لو خالتي مش منتبهه ما تهتم فيهم ... لو واحد من الصغار قالي مثلا احبك تزعل وتجلس تجبره يقولها يحبها اكثر ... لو طفله قالتلي لا تروحي ظلي بيتنا تجي بنت خالي تقولها اذا فلانه ظلت(انا) انا بروح وتجبر الطفله تقولي روحي عشان ما تزعل منها بنت خالي بمزح طبعا لانه كل الصغار يحبونها اكثر فيخافو يزعلونها
بعد ما درسنا في نفس الجامعه علاقتنا صارت اقوى وخصوصا اخر سنه دايييييما نطلع مع بعض فالاسبوع مرتين وطول الوقت نتكلم عالبلاكبيري
استمتع فالحديث معاها واحبها .... لكنها فالمناسبات تطنشني حتى تجلس مع البنات اللي تعتبرهم من مستواها (ماركه من راسهم لرجلهم) وتقدرهم وتحقرني عشانهم( ما ابغي ادخل فقصص حتى اثبت هالشي حتى ما يطول الموضوع)

المهم تخرجت وركضت ما خليت مكان حتى اتوظف و كنت اقولها كل حطوه لان كل شي نقول لبعض وكانت تقول معضم الوقت ماودها تشتغل
بعد ماوقعت العقد انجنت وفتره قياسيه توظفت
للاسف مش مرتاحه فوظيفتها لان زميلاتها يقولو لها متكبره
وانا الحمدلله زميلاتي حنونات ... فكانت تنقهر اذا قلت شي عن وظفتي لاحظت انها تغار فصرت ما اتكلم كثير


فجاااااااااااه وقفت تكلمني انصصصدددمت والله العظيم ما قلتلها اي شي انا حساسه جدا و اثمن الكلام قبل ما اقوله وخصوصا معاها لاني احبها
انا ما اعرف شو الموضوع اكلمها عادي تطنشني تغير صور البلاكبيري بس اللي كتبته ما قرته وترد اخر اليوم كلمتين
اقولها شو فيك ليش متغيره تقولي اناومش متغيره ابدا

حاولت معاها كذا مره وصارت تروح بيت جدي يوم مختلف
واذا تقربت من بنات خالتي الباقيات ثاني يوم تطلع معاهم و تنكت معاهم على تويتر
اي وحده منهم اطلع معاها ثاني يوم بنت خالي طالعه معاها و فجاه صارو اقرب الصديقات

من خمس شهور ما تكلمنا الا رؤوس اقلام
انا مفتقدتنها جداااا وما اعرف شو صار
الاماكن المفضله اللي نحبها لو مريت جنبها عيني تدمع واحس بغصه
اناوبنت خالي تروح لهم مع بنات خالتي وصديقاتنا المشتركات وابدا مش هامنها و صارت ابدا ما تنزل صور كانه ما تبغي اعرف اي خبر من اخبارها بس صديقاتنا المشتركات اشوفهم ينزلو صور ويكتبو انهم رايحين المكان الفلاني معيعض

كل مره اشوفهم رايحين اماكنا المفضلهواحس بغصه، القروب المشترك صارت ابدا ماتكتب فيه
معوان كل ما اشوفها الموبايل فايدها
نفسي اعرف شو صار فحياتي ما قلت لها شي يضايق بالعكس احيانا كانت ترمي علي كلام اتوقع بدون ما تقصد واعمل حالي ما انجرحت بس لاني ما ابغي اتخانق معاها


كيف انساها ؟؟؟ ليش تغيرت عبي ؟؟ صرت اكرهها واتمنى صديقاتها يتخلو عنها نفس ما عملت لي
*

حبيبتي بكل بساطه اللي مايبيكي لاتبيه للاسف هذا الواقع ولازم تتعايشي معاه انسانه ماقدرت صحبتك وعشرتكم وايامكم الحلوه ومن حديثك عنها انها مو معتربتك شي قدام صديقاتها اللبس والماركات ابد مو مقياس اني افضل ناس على اعز صديقه عندي وواضح انها ماتبغالك الخير نهائيا افلا تزعلي ولاتتضايقي مصيرها تندم على خسارتها لكي ولاتتمني اي مكروه او شر لها الدنيا ياعزيزتي دواره 0000
موفقه00

__________________

لدي رب يعرف مابداخلي وهذا يكفيني

[img]http://im33.***********/edShu.gif[/img]

مشككوورة اختي والله كل ما افكر فالموضوع يطير النوم من عيني و اكتئب


كانت تقولي انها معتبرتني مثل اختها وانها اقرب انسانه لها فالدنيا حتى لو هالكلام تغير الحين
معقول انها مو مفتقدتني؟ اعرف مش مستفيده شي سواء افتقدتني او لا
بس كيفوانا متاثره كثير و كل ما اتذكر ذكرياتنا احس بغصه اما بالنسبه لها ابدا مو هامنها نستني خلاص ما تحتاجني

اخر كم مره شفتها و بديت اكلنها بصزره رمسيه عادي بس مواضيع نفس ما اكلم اي انسانةابدا ما اعرفه
تجاوبني وتبتسم بس ما نتعمق فمواضيع شخصيه مثل قبل
و لو انا سكتت ما تقول شي بس مشغوله بالموبايل فايدها 24 ساعه وقبل لما احاول اكلمها كاترد علي الا نص الليل وكلمه كلمتين بس


بسسبها صرت ما اقدر اتصادق مع اي احدد اقول بعتبرهم صديقاتي وبيتكروني بعدين

للاسف هذي خصله موجوده بفئه كبيره بالناس ( قلة الخاتمه )

خطا بسيط وغير مقصود وبنيه صافيه لايخجلون ويسجلونك في سلة المهملات

ناس لا تعرف التسامح ولا الرحمه ... دعي عنك كبرياء عزيزتي

لا تعتذري ابدا ً لها لانك لم تخطئي عليها

خطأك انك اخترتيها وعطيتها اكبر من حجمها
حاولي تتاقلمي مع نفسك وتختاري زميلات محترمات

شوفي حبيبتي انا اشوف ان اللي بينكم شي كبير
و علاقه حلوه مو سهل ان الواحد ينساها في يوم..

من رأيي انك تتصلي عليها و تسأليها عن اخبارها
و قولي لها انك فاقدتها و مشتاقه لايامكم مع بعض
و اسأليها إذا في شي مضايقها منك
او عملتي شي بالغلط زعلها ولا خلاها تاخذ على خاطرها منك..

إذا تصافت القلوب و رجعتو زي اول زين
و إذا ما تجاوبت معاك عادي انتي سويتي اللي عليك
و لا تنسين انها صلة رحم و اخذتي اجرها ان شاء الله

طيب يا غناتي .. حاولتي تسألينها ليش متغيرة و مبتعدة
يمكن يكون وصلها كلام عنك بالغلط و عشان كذا بعدت عنك
الله اعلم انتي ما تدرين وش في قلبها
بس أنا نصيحتي لك انتي شيليها من تفكيرك كل ما تذكرتيها
انشغلي باي شي ، كوني صداقات بس لا تتعمقين مرة
لانو مع العشرة يبين صعب نحكم على علاقة صداقة في فترة بسيطة
ومو اي احد نقول عنه صديق و هاذي بنت خالتك عرفتي عيوبها مع العشرة
لا تتبعين اخبار القروب كله ولا تهتمين فيها
اللي باعك بيعيه و خليك بحياتك و صدقيني ربي بيعوضك بالرفقة الصالحة ان شالله
موفقة

__________________

‏
الوعي هو الملاذ ..

أستغفر الله العظيم ؛
( الفردوس غايتي )

انا سئلتها اول ما بدت معاها الحاله مرتين سئلتها
فلانه ليش متغيره تقول لي مش متغيره اقولها ضايقتك بشي تقول لأ
هذا الكلام من خمس شهور تقريبا يعني ارجع اسئلها بعد كل هالمده؟ من غير شي شايفه حالها بعد اخليها تشوف حالها زياده

الله يعوضني بصديقه احسن منها والله يكشف لي سبب التغير
لو انا غلطت عليها مستعده اعتذر بس رفضت تقول لي

لاااااااااا بالعكس اشتري نفسج وذاتج وروحي جوفي لج صديقات جدد غيرها
ادري انه وايد صعب وانا مريت بنفس التجربة وانا اقرا كلامج تذكرتها

صراحة اللي ما يعز نفسه الناس ما تعزه
يعني اذا انتي كل شوي بتسألينها شو فيج وليش متغيره علي وهي على كبرها وغرورها


اتركيها واقرب ديليت وحياتج

وانا كنت حساسة بنفس مستوى الحساسية اللي عندج بس صدقيني التجارب توعي الناس اكثر واكثر

اذا صعبه عليج ديليت ... اطلعي من القروب وانتي نفس الشي غيري الصور واستانسي وعيشي حياتج
اببدددددددددددددددددا لا تحسسينها انج متأثرة

واذا هي شاريتج بترجع لج واذا هي بايعتنج والله انتي بيعيها قبل ما هي تبيعج


الله يرزقج بإللي أرقى منها

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

الغيرة كالنار تحرق المشاعر وتدمر كل أواصر المودة ولاتبقي من كل شيء جميل سوى الرماد:::::اختي الفاضلة هكذا هي الدنيا أيامها تداول فلاتستغربي أن يكون صديق اليوم غدا عدوا وعدو اليوم غدا صديقا فاختاري الصديق بعناية فابنة خالتك يتضح بأنها لاتستطيع التخلص من غيرتها وتحب نفسها كثيرا ومثل هذه الشخصية مهما جمعت حولها من الاصدقاء سينفضون مع الوقت ولن يبقى حولها سوى اهل المصالح

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

حبيبتي وش فيك ؟عزي نفسك شوي
بلاشي حالة الضعف اللي انتي فيهــآ
هي الخسـرآنة مو انتي
ليش تتعبي حـآلك على نـآس ماتقدر صدآقتك
وفيه غيرهـآ كثير ويحبونك خليك معاهم هم اللي يستاهلوا
عــآمليها بأخلآق وإحترآم .. واستانسي بحياتك مع نـآس تعزك

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )