السلام عليكم جميعا

لي سنوات متزوجة وعندي ثلاث اطفال
عايشة مرتاحة لكن فيه مشكلة منكدة علي ومتعبتني نفسيا
زوجي واهله يقدسون الجمال عندهم اهم شي تكون البنت جميلة حتى لو أخلاقها زفت
شكلي عادي جدا
من بداية زواجنا وانا الاحظ كيف يقارنوني بسليفاتي لانهم مره جميلات
زوجي عنده احساس وشعور انه وسيم وانه اجمل مني
يكرر ان احيانارالواحد يكون وسيم ويتزوج وحدة اقل منه جمالا ومع الوقت يتعود عليها لان يحبها
مااخفي عليكم كيف كان الكلام يقطعني من الداخل ويتعب نفسيتي
لو نسافر من يشوف جميلات طول الوقت يتحسر
مرة جالسين في مطعم قال لي دخلوا بنات وسمعتهم يقولون الرجال اجمل من زوجته ليش تزوجها مع اني اعرف انه يكذب ومااحد قال
سنين وانا ثقتي مهزوزة والله العظيم بشكل يصعب على الكافر
ان احد ناظر فيه قال لي شفتي يشوفون اني وسيم ويقارنون بينا
مرضني وتعبني بداية زواجنا من كثر ماهو يقول المفروض الواحد يتزوج مرة ثانية وحدة جميلة
أتحاشى اشوف نفسي في المرايا وارفض العزايم والزواجات الي فيها اكبر عدد من أهله
متوازية عن الأنظار

وصلت لمرحلة ان صرت قاسية جدا جدا بعد ماحطمني نفسيا مع ان اعرف ان يحبني وأي شي اطلبه ينفذه
من ينتقد شكلي على طول اجيب طاري المادة والفلوس لان وظيفته بسيطة
من يقول الواحد المفروض يتزوج بنت جميلة
قلت اكيد معك حق بس البنت الجميلة تبي واحد غني مب واحد معتر وفقير

اخر موقف الي خلاني احس بعذاب الضمير وان كنت قاسية بشكل مبالغ
كنت اقول تروح سوبر ماركت تشتري لي أغراض
بعدها قلت بمزح مابي اروح اخاف يخطفوني
قال لي الله من زين جمالك علشان يخطفونك !!!!
يالله شقد كلامه ذبحني قسم بالله

سويت نفسي اطقطق بالجوال
ورجعنا نسولف وانا مغبونة كان وقتها فيه خبر في التلفزيون عن ممثلة عملت عملية تجميل
قال طالعة جميلة
قلت تعرف نفسي اسوي مثلها
بس لو نجحت العملية اول شي بسويه بطلب منك الطلاق
ويتزوج واحد غني بدالك يافقير يامنتف
يعزني ويعز عيالي
والله العظيم اول مرة اشوفه مكسور وحزين
قال بحزن الله كريم ويعطيني

اعرف ان كنت قاسية معه لكن بجد مليت وطفشت من تحطيمه لي ولشكلي

اولا اختي معالجة الخطأ بخطأ لا توصلك لنتيجة ..
اذا عايرك بشكلك قوليله انت شفتني نظرة شرعية وماحد جبرك عليه تقدمت ووافقت وانت مقتنع والا لا ؟!!!

ثانيا اعرف ناس متزوجين ملكات جمال لكن للأسف ماهم وفيين لأزواجهم

ثالثا الجمال احيانا يكون نقمة على الزوج بحيث تشوف نفسها وانه الف واحد غيرك يتمناني

الجمال جمال الروح وكم انسانه جميلة اتزوجت عشان جمالها وتغيرت مع الزمن والحمل والأمراض وتغير جسمها وشكلها وكرهها زوجها

كوني قوية وواثقة من نفسك وصدقيني الرجل يحب المرأة الواثقة من نفسها واجلسي معاه جلسة مصارحة وبيني له انه لاعد تفتح الموضوع هذا ابدا معايا واذا منت مقتنع فيه ياليت نحط حد للموضوع الان وكل واحد في طريق

موفقه وأسأل الله تبارك وتعالى ان يوفقك لكل خير ويجمع بينك وبين زوجك على خير وتفاهم

صراحه كلامك الأخير ماقلتيه الا من بعد تراكمات طويييييله !!! وبالعكس كلامه هو اللي يجرح ويحطم لابعد حد !!
الموقف اللي قالك فيه ان البنات يقولون ان زوجها اجمل من زوجته وليش تزوجها فيها ......

نجي لموضوع الثقه والجمال ، اليوم مافي وحده مو جمييييله ؟! ادخلي الانستا والسوشيال ميديا وشوفي كيف البنات يصيروا من بعد الميك أب من عاديه لملكة جمال ، كثييير بنات لو تشوفينهم جمالهم اقل من عادي بس تكون مهتمه بحالها وبجسمها وبشرتها وشعرها وتصير ملكة جمممممال وتفتتتن وتجذب هذي اللي عرفت لنفسها صح ؟!
لكن كل ذَا مايفيد !! لو كانت الوحدة جمييييله وملكة جمال ومو مهتمه بحالها و ثقتها بنفسها مهزوزة تصير قدام الناس اقل من عاديه وماتجذب احد لها والعكس صحيح
ثقتك بنفسك راح تنعكس عليك خارجيا ؟!! كيف تسمحين له يحطم ثقتك بنفسك كذا ؟ غلط واكبر غلط تسكتين له ع شيء مثل كذا ؟

حاولي تحبي نفسك ، ابداي من اليوم وطالعي بالمرايه شوفي نفسك وامدحيها قولي الله اليوم صايره حلوه وش ذَا الجمَال ؟! حتى لو كنتي تشوفي العكس
اشتغلي ع نفسك وأهتمي بحالك اكثر شوفي إِيش الأشياء اللي تحتاجي تعتني فيها بنفسك ؟ واكتبيها بمُذكره عندك ع شكل نقاط أساسيه والهدف من كتابه النقاط هو التنفيذ
اشتري لنفسك ميك أب وابداي حطي لنفسك شوفي اليوتيوبات ماخلت شيء أتعلمي كيف تحطي لنفسك مِنْهُم
اما زوجك فشغليه بنفسه بدال ماهو شغال فيك
اذا قال لك أنتِ مب حلوه قولي له الا حلوه والدليل تعليقاتك فيها كمية غيييرة .........الشخص اذا كبرت له عيوبه وحطيتها تحت المجهر راح يشتغل فيها ويترك عيوب غيره 😒

وانا واثقه انك جممميلة ❤ وأجمل منه بعد
فلا تخلينه يكسرك مرا ثانيه من اليوم افتحي صفحه جديدة مع نفسك وارجعي قولي لنا اخر تطوراتك وربي يسعدك 🎶

لا حول ولا قوة الا بالله ...
يعني هي قاعدة الوسيم يتزوج جميلة ؟؟ أو الجميلة تتزوج وسيما !!! أم انها الاقدار التي سبحان من قدر فيها ما يجمع بين ابيض و اسود ، و اصفر و ابيض ..
هذه افكار سطحية دخيلة - و ابتلاء - ، وما عليك الا التصدي لها بأخلاق سامية طيبة ...
فو الله يا نجمة ان في الرد بإحسان على من اساء قوة مضاعفة عظيمة من ان يقابل الاذى بسوء مثله!!!
فقد جربت و عاينت و عشت لحظات ، عرفت فيها ان القوة كلها في المعاملة بالحسنى !!
فكان الاجدر بك ان تتجاهلي كلامه ، أو ان تردي عليه بأدب يقززه من نفسه !!!


نسأل الله لنا و لكم الفرج المبين ...آمين

__________________
أشهد أن لا إله إلا الله و أشهد أن محمدا رسول الله صلى الله عليه و سلم

بعض الرجال ما يجون الا بالعين الحمرا


ما ينفع معاه السكوت وطيبة الأصل

__________________
لا اله الا انت سبحانك اني كنت من الظالمين

وهل هو حقا وسيم ؟
بيني له في جلسة حوار ما يضايقك واعرفي منه الهدف من تحطيمك .هنك نوع من الرجال يستمتعون بتحطيم المرأة وافساد نفسيتها وزعزعة ثقتها ولا يعلم ان اول المتضررين هو وفلذات اكباده .المرأة الغير واثقة من نفسها ستزرع هذا الشعور في ابنائها دون ان تشعر.

اثنينكم غلطانين
هو المفروض مايجرحك بشكلك وانتِ ماتجرحينه بالفقر
لازم توقفون الحرب الكلامية بينكم

انتبهي الكلام يجلس بنفسه سنين
انتي يمكن تنسين و تعيشين اما هو لأ .. راح ينتظر اقرب فرصة و يفش خلقه

انت اهتمي بنفسك وابرزي جمالك.
الزمن هذا مافي وحدة ماهي جميلة
اهتمي بشعرك. سوي جلسات تفتيح وتوحيد البشرة
واهتمي بأناقتك
ماهو تبعدي عن المرايا والمناسباات.
وانت ذكرتي انه يحبك
وهذي نعمة كبيرة
فلا تخسري حبه.
لان ممكن بأي وقت يصير غني.
يجيه ورث مثلا ..اومنحة ......

حتى لو ماكان وسيم
المرأه علميا
ترا زوجها وخاصة اذا تحبه اجمل رجل ع وجه الارض.
وهناك دراسات اثبتت هذا الكلام
واسألي اي وحدة متزوجة
تقول زوجي وسيم وماقدر اطلع معاه من نظرات البناا
وهو يشبه................