أفكر انفصل عن زوجي خلاص طابت نفسي منه ولابقى له شي يشفع له بقلبي
إنسان باعني وباع أهله وباع حتى شغله ، باعنا برخيص
إنسان ما عنده مسؤليه ولا يفكر بسؤليه
والله تعبت ومدري كيف احكي مشاعري اقسم بالله احس أني بموت قهر وحزن على نفسي
زوج يسهر ما يرجع غير الصباح وكذاب ويطنش اتصالاتي عليه
تعبت منه مدري ايش اسوي والله تو اتصل عليه ولا يرد علي والله مدري عن أراضيه هو عايش ولا ميت ولا وينه فيه ،
علموني ايش أسوي بالضبط لمثل حالتي !

هدي حبيبتي .. عندك اطفال ؟
كم صار لكم متزوجين .. وهل كان كذا من البدايه او تغير تالي ..

لا ما عندي أطفال .... متزوجي من سنه ونص .... اي تغير يمكن له قرابه سبع أشهر
تغير عقب ما تم لنا سنه تناقشت كثير معاه ويوم يعتدل ويرجع لعادة القديمة
قلت والله ما أزعل تسهر كل يوم بس تسهر لهذا الوقت لا يعتبر مشكله هو يفهم علي لكن ماي نفذ الي أقوله
طبعا هو عارف أني مراح اشتكي لأحد تصرفه ومرتاح هو على هذا الحال
أنا الى الان ماسكه أعصابي عليه وما حكيت لأحد مشكلتنا لكن والله شكل المشكلة مالها حل غير يتدخل فيها الأهل
يتدخل فيها شخص كبير وفاهم
بس أنا مااعرف اشتكي لشخص ودي أكلم ابو زوجي بس أخاف يفهم غلط او انه يطنش كلامي

غند
اول شيء اهدئي
وثاني شيء
زوجك اعتقد قلتي انه راعي سفريات و يسهر لاوقات متاخره
صح انتي؟

ثالثا
اذا كنتي تبغين مصلحتك لازم تاخذين موقف قوي منه قبل يتمادى وماتلحقين عليه
هو من اول سفره له قلت لك لازم توقفين بوجهه
لكن تركتيه ومنتي راضيه تقتنعين انه على غلط
وهو شافك ساكته قال هذي مهما سويت بتزعل شوي وترضى واليومين الي تزعلين فيهم يروح ويلعب وينبسط ولا بيحس بزعلك
واذا رجع لكم لقيك موجوده وترحبين فيه
قبل تحملين وتتعقد السالفه
خذي موقف و روحي لاهلك وحطي ببالك بتجلسين مده طويله عندهم لين هو يتحسف ويجي ويعتذر
لازم يحس انه بتصرفاته الطايشه و خيانته بيخسر بيته وزوجته وسمعته
ويتادب
ولاتكلمينه ولاتسالين فيه
وخذي كل عفشك الي تحتاجينه معك
لو جلستي سنه عند اهلك لاتفكرين تسالين عنه
والله الموضوع اولا واخرا لمصلحتك لو حا من نفسه بيكون ندمان وارجعي بشروطك وتكونين حصلتي على حياه زوجيه سعيده وزوجك تعدل
واذا ما جا تقدرين ساعتهتها تتطلقين منه بدون خلع
والله يكتب لك الي احسن منه

اي أنا الي كتبت مشكلتي قبل كذا
هو صحيح سافر خاج المملكة على أساس قائل لي بيسافر جده عنده مؤتمر
كذب علي هذه الكذبه وللحين وانا شايله بخاطري عليه
ودي أسوي كذا لكن عندي أهلي الي مايحبون الفضائح ويقولوا ارجعي بيتك وبكره بيتعدل

الموضوع بسيط مايستاهل انفصال يبي شوية حزم منك
ودامك قلتي انو ماكان كذا بالاول معناه مو طبع فيه
شوفي انتي ايش اللي كان يريحه بالبيت وايش اللي تغير بحياتك
وابدي اجذبيه ..
وﻻ تناقشيهه وﻻ تدخلي كبير ماراح يجلس بالبيت غصب عنه وحتى لو جلس بيكون مبوز بوجهك ﻻزم يكون حاب الجلسه
لذلك ادخلي عليه بالحيل بشوية دلع انو مثلا اخاف لحالي او اطفش .. والزمي الدعاء واﻻستغفار وربي تنفتح لك ابواب وتنحل امور بشكل ماتتوقعيه ...

أنا ما ابيه يجلس بالبيت وانا قلت له هذا الكلام عادي يسهر لكن لوقت محدد مثل لساعة 12 ويرجع للبيت
تناقشت معه كثير وتدلعت وقلت أخاف وهو حقيقه احيانا أخاف اذا جلست لحالي وصار يأخذني عند أهلي ويسهر على كيفه
قلت له اطفش لحال ولا نفع
احيانا أقول له خلينا نسهر مع بعض ونلعب ونتفرج على التلفزيون سوى
هو حقيقه بعض المرات يطيع ويسهر معي وننبسط مع بعض لكن مو كل مره أنا بمسكه وغضب يسهر معي
مأشوف الموضوع بسيط دامه للحين سهران تخيلي،
ودوامه كيف هو تاركه الحين !!!

للاسف حبيبتي بعض الرجال يحتاجون وقت طويل جدا للاقلاع عن اسلوب حياتهم الذي كانو يتبعونه في حياة العزوبية, ويحتاجون وقت اطول للاحساس بالمسؤولية والبيت, لا استطيع تقديم نصائح في كيفية التعامل معه ولكن استطيع ان انقل لك املي بأنه سيتغير ان شاء الله مع مرور الزمن وتزايد المسؤوليات عليه.. عادة تتعب الزوجة كثيرا اذا حاولت تغيير شخصية او طباع زوجها بلا اقتناع منه, فالاسلم هنا حفاظا على نفسيتك انت وحتى لا تتعبي , الاسلم هو الصبر ولربما اذا استطعتي ادخال شخص حكيم ومقرب لك من اسرتك مثلا اخوك او هكذا, ليجلس معه جلسة خاصة على انفراد ويشرح له خطورة ما يفعله وتاثيره عليك, وبهذا تضمنين عدم كبر الموضوع او تحوله لمشكلة او شيء كبير يتدخل فيه الاهل على نطاق واسع.. دعواتي لك

فعلا بعض الرجال يحتاجون وقت طويل لينضجوا ويتركوا عاداتهم أيام العزوبية ..
خصوصا إذا كان اغلب أصحابه عزابية وهو كثير التعلق بهم من قبل الزواج ..

بس عفوا كيف تارك دوامه ؟؟ من وين يصرف عليك وعلى البيت ؟

الصاحب ساحب
اكيد وراه اصحاب وشله تشجعه ع هالتصرفات
وبكذا يكون اقلاعه عن السهر والتصرفات الطايشه صعب
السلبيه منك كمان مو بمصلحتك
لمتي بتراعيه يعني عندك بيت اهلك معززه مكرمه فيه لين يتعدل ويعرف ان الله حق
لكن سوالف سفر من وراكي وسهر للفجر وطناااااااش لا
مااحد مجبور يا حبيبتي
سبحان الله مطلوب منا نتحملهم عفداحة اخطائهم
واحنا ع ادنئ تقصير طلاااق علي طول
لكي حق حبيبتي مو عيب تطالبي فيه
الله يهدي سركم يارب