السلام عليكم
موضوعي طويل شوي والرجاء الصبر والتمعن في قرائته
اريد ان اعرض مشكلتي للإستفيد وتستفيدون

في بدايه عمر الشباب وانا في الكليه تعرفت على شاب مهذب وكنت احس بشي قريب مني وفعلاً صارحني بمشاعرو في نهاية العام وحلم حياتو ان يرتبط فيني ... بس بدو فتره ليكون حياتو ويستقر وما بدو يوقف بنصيبي فصحلو عمل خارج البلاد وحكيتلو اني رح استناه ... بس ما وافق انو يعطل نصيبي انا ما رديت عليه استنيتو سنة واثنين وثلاث والسنة الرابعه رجع وحكالي انو لسه امطول حكالي يا بنت الناس ما بدي اضيع حياتك وحياتي انا ضايعه... اخذت قرار اني امشي حياتي عادي واذا لقيت الشب المناسب رح ارتبط فيه وكان واضح بالنسبه الو ... ما اعترض طريقي ، مرقت السنة الخامسه والسادسه اتعرفت ع شاب من مكان عملي وتقدم لخطبتي وانكت اكتابي الشاب كان رائع لاكن شغلو كان يعطيني اشويه توتر "ما يتعلق بالفن" -ممثل- وكان المفروض نتزوج بعد 6 شهور بس لللإسف قبل موعود الزواج بشهر ما تمت بسبب انو مو مشتاهيني (مع العلم في البدايه كان متعلق فيني بشكل مو طبيعي وكان يقول منها للموت وجاهد وحاول بس ....) بعد بسنه ، السنة السابعه رجع الشب من الخارج وطلب مني ان اقابله بحجة انو في امانه معي بدي ارجعلة اياها وافقت وكان على الطريق "ع الشارع" اعطيته امانتو وانتبه انو مافي دبله واستغرب واترجى لأنو نجلس مع بعض رحنا في مكان عام وعبر عن مشاعرو اتجاهي ومن داخلي مسروره فكرت انو بدو يخطبني فا بعد ما عبر عن حبو لا الي بحكيلي ما بقدر ارتبط فيكي الزواج شي والحب شي وانا رجل شرقي ..... انجرحت جرح اكبييييييييييييييييييييييييييير وحالو يهدي فيني ويحاول يلطف بالحكي بس انا تركتو واطلعت وبفكر اني صبرت وصبرت وبعدين يحكيلي انا رجل شرقي !!!!!؟؟
بعد بشهرين خطبت "عادات وتقاليد" بس من داخلي مجروحه كرهانه كل الرجال بس بقنع في حالي انو هيه قدري وهيك سنة الحياة ... الخ وانا قوية ... الخ . والشب جدا جامد وبدو يتجوز وبس وكان اكثير ناشف وعملي اكثير....
ملاحظة قبل ما اخطب في اسبوع كان اخو زميلتي في العمل بدو اياني بس انا رفظت لأنو متزوج .
المهم اثناء الخطبه فاتحني اخو زميلتي كمان مره في الموضوع ... مع العلم اني رافظتو عشان متزوج ... الصراحو مسكني من ايدي الي بتوجعني ... وحكالي انا حاسس انك مش مرتاحه وبتجبري بحياتك جبر ومش مستطلطفه خطيبك ... الخ . انا كنت قاسيه معاه حكيتلو طيب شو بدك وشو دخلك ... حاول وحالو وحالو وانا اكثير كنت اصدو واضايقو واجرحو .... حكت معي اختو وحكتلي انو اخوي متزوج اجنبية فيكي وبلاكي متفقين على الانفصال ومافي اولاد وهو رايدك انت ... انا مستطلفيتو بس عشان متزوج قطعت تفكيري عنو ... بس لما حكتلي اختو ه الحكي ومشاكلي انا وخطيبي وبعد تفكير طويل ما كملت الخطبة شهر حكيت مع خطيبي بشكل هادي وحكيتلو انا مش رح اقدر اكمل معاك... واتقبل الموضوع وانفسخت الخطبه...
اخو زميلتي ما وسعته الفرحه واجى حكى مع ابوي بشكل صريح واضح وكل اهلي عرفو في موضوعو ... وحكالو ابوي خلص مشكلتك وبعدين بنحكي ..... وصار الو الموضوع سبع شهور بحل في مشكلتو وزوجتو بتستغلو وبدها مبلغ اكبير لتخلص منو وهو بحالو بكل ما فيه يدبر المبلغ ، وانا هلا بنفسيه جداً تعبانه ومش عارف شو اعمل ... اتركو وانا متعلقه فيه ولا اصبر واضلني على امل يخلص .... ولا استنى يحكيلي مش قادر اتخلص منها ؟؟؟!!! زي ما حكالي الاولاني انا رجل شرقي ياريت تنصحوني
ومتأسفي على اني اتأخرت عليكم وبتمنى اتفودوني بنصائحكم
وشكراً

تم النقل إلى القسم الأنسب..

وعليكم السلام ورحمة الله وبركاته
حياك الله أختي الكريمة:
السعادة والراحه والامان وكل مايخطر ببالك
تجديها بالقرب من الله عزوجل بإتباع أوامره وإجتناب نواهيه سبحانه..
غاليتي:
موضوع معرفتك بالرجل السابق ..
أنسية تماما ولاتضيعي سنوات عمرك خلف وهم سراب..
الرجل كان صريح جدا معك منذ البداية فلاتضيعي وقتك بالتفكير به ..
أما موضوع أخو صديقتك (خطيبك الحالي)
دعي والدك يتفاهم معه بكلام مفهوم ومقنع وصريح بلا لف ودوران..
لاتبدئ حياتك بمشاكل أنتِ في غنى عنها
وقبل كل شئ إلزمي الإستخارة والدعاء والإستغفار ..
عن عبد الله بن عباس رضي الله عنهما قَال : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
( مَنْ لَزِمَ الِاسْتِغْفَارَ جَعَلَ اللَّهُ لَهُ مِنْ كُلِّ ضِيقٍ مَخْرَجًا ، وَمِنْ كُلِّ هَمٍّ فَرَجًا ، وَرَزَقَهُ مِنْ حَيْثُ لَا يَحْتَسِبُ )
أسأل الله العلي القدير ان يكتب لك الخير حيث كان ويرضيك به..