السلام عليكم
اتمنى من الاخوان والاخوات مشاركتي في ما حدث ليله امس وهي لا تعد مشكلة ولكن لانها تتكرر بيني وبين زوجي فقد اتصل علي الساعه 8 مساء واخبرني انه قادم ويرد العشاء يكون بدري طبعا وصل بعد ربع ساعه وقال العشاء جهزيه الساعة 9.30 قلت طيب وخلصت من العشاء الساعه 10.30 طبعا هو عصب وزعل طبعا بحكم سكن والدته معانا وقال انتي ما تعرفين ان موعود علاج والدتي يكون من الساعه 9.30 الى 10 جايبه الساعه 10.30 لمين يعني انتي لا خلصت العشاء عشاني ولا احترام لموعد علاج والدتي انا طبعا رديت عليه وقلت ما في فرق بين 9.30 و 10.30 طبعا هو كالعادة زعل وطنشني ونام لوحده المهم انا احس ان تصرفاته هذه فيها نوع من الحساسية والتدقيق ولما اقوله انت تدقق وبسرعه تتحسس يقول انتي الى ما تعرفين تتصرفين .
طيب اذا تاخر العشاء ايش المشكلة اتمنى من الاخوات يشاركون معاي والاخوان اذا صار معاهم هالموقف مع زوجاتهم ايش ردت فعلهم .
واسفه على الاطالة
__________________

طيب وانتي ليش ماجهزتي العشا با الموعد المحدد؟؟؟؟

والافضل لكم انكم تتفقون على وقت محدد يكون اكلكم الفطور والغدا والعشا والفواله يكون لها وقت محدد ومعين، ولا يتغير الا با الظروف.

احسن لصحتكم، واحسن لتفاهمكم.

الله يهديك يا لميس

من الساعة 8 ما تكفيك للساعة 9 ونص تحضرين عشاه ؟

معليش معاه حق لأنه اتصل قبل بوقت وطلب عشاه مبكر

حاولي انك تحضرين نفسك قبل بوقت دام هذا طبعه دائما

يعني سوي نصف الشغلة وكملي الاستواء بعدين اذا ما تلحقين

انا والله احضر العشا من بعد صلاة العشا تقريبا يكون المرق كله جاهز تحسبا لاي طاريء لانه زوجي بأي لحظة ممكن يقولي حطي العشا

فما يبقى عندي إلا الرز اسويه واسخن الباقي

لا تتحسسي منه هو يكون جوعان ويبي يرقد علشان الدوام وانتي بالتأخير هذا تخلينه يعصب

تحمليه وطولي بالك

ومثل ما قلتلك .. حضري نفسك بدري أو اختصري وسوي العشا خفايف

__________________

مشكورين على الرد بس ليه يزعل اا اشوف الامر طبيعي ما يحتاج زعل

لو انه لحاله كان اوكيك ممكن نقول عادي ، ولكن ما نحبذ كلمة مايحتاج زعل، وان زعل تقدرين تراضينه.

ولكن امه موجوده معكم ولها حق عليك وعليه.

تحبين زوجك ولا تبينه يزعل، ارضيه وسوي له الي يبي.

الله يوفقنا ويوفقكم، ويسخركم لبعض.

تركي العالمي
مشكورررررررر
اذا صار اي تقصير قال عندك خدامة ومقصرة اجل لو ما عندك ايش بتسوين
وانا احاول اراضيه بس هو يعصب يقول برودك في البيت مو في صالحك

أختي الفاضله ***

تأخير ساعة وتقولين ليش يزعل *** وأكيد هذه ليست المره الأولى التي تتأخرين فيها ***

نصيحه لوجه الله أهتمي في زوجك وبيتك *** زوجك دقيق وحساس وأنتي عكسه ***

أختي أعرفي صفات زوجك ورغباته وإلي يزعله وحاولي تبعدين عن الذي يكدر زوجك ***

هو أختارك وتزوجك من بد الفتيات علشان يرتاح في حياته *** وتحققين جميع طلباته ***

الحقيقة أنك غلطانه *** ساعتين ونص تجهزين العشاء *** أنتِ تطبخين ذبيحه ؟؟؟؟

زوجك عارفك زين لذا بلغك قبل الموعد بساعة ونص *** يعني عطاك فرصه من الوقت ***

وأنتِ تقولين ليش يزعل *** معه الحق بأن يزعل خاصه إذا كان فيه شخص ثالث سوف يشارككم العشاء ***

أختي الكبسه أوالمكرونه تكفيهما من ساعة إلى ساعة ونص بالكثير *** وهذه أصعب شي من الطبخات ***

التي تاخذ وقت في الاعداد والطهي *** وغير ذلك أمره سهل جداً ***

المهم أنتِ عرفتي زوجك وعرفتي وش يزعله *** خلاصة برمجي نفسك ولا تكررين غلطتك ***

بالتوفيق إن شاء الله 0

زوج عتيق شكرا لك

انتي صحيح تاخرتي بالعشاء لان والدته مرتبة بموعد الدواء ولكن المفروض قلتي ما انتبهت للوقت يعني اعذار انسب شوئ

عليك بمصالحته وتطيب نفسه اعانك الله

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

لميس اهو يمكن زعلان اكثر شي عشان امه معاكم وعندها علاج ضروري تاخذه في موعد محدد

و بعض الأدوية و العلاجات ضروري ساعه محدده والا مافيها فايده

يعني تفرق حتى النص ساعه ما بين مواعيد الدواء


ثاني شي عشان ما تتأخرين حطي ببالك شنو بطبخين للعشاء عشان تعرفين تجهزين نفسك

وبعدين عندك شغاله يعني نص التعب الي حق البيت طاح

والنهار طويل يمديك تجهزين من العصر وتحطينه على النار بعد الصلاة

وبعدين انتوا قليليين ثلاث اشخاص بس .. يعني كل شي يصير بسرعه

وبعض الطبخات تقدرين تعملينها وتجهزينها مع الغدا .. وعندك شغاله خليها تجهز لك إذا عادي عندكم

أهم شي في الموضوع أنك ترتبين مخك وتفكرين وبعد كذا كل شي يسهل

والعشاء بشكل عام خفيف .. والسلطات تكونين عاملتها لليوم كله

الي يضيع الوقت اهو التفكير شنو تبين تطبخين .. و إذا جات الفكرة توك بتطلعين الاشياء وبتجهزين

وفعلاً هالشي يضيع الوقت

وإذا السالفه فيها لحوم توك تطلعينها من الفريز ويبي لها وقت طويل على ما تذوب

إذا حسيتي نفسك بطيئة في الطبخ قومي له من وقت كافي

ومع الايام تخف يدك ويتبرمج مخك تلقائي ..

الله يعينك .. احتسبي الاجر لله وكل شي يسهل

__________________