السلام عليكم ... اسعد الله صباحكم بكل خيررر
من مده قصيره تابعت منتداكم ماشالله حكمه في الردود وتعامل مع المشكلة.. حبيت اطرح مشكلتي لعلي اجد لضائقتي حلاً .. ربما يكون الشرح طويلا ً
طبعا كانت بدايه مشكلتي بعد ماتقدم ابن خالي لخطبتي .. في البدايه اعترضت بقوه لان خارج منطقتي فاقنعتي امي باسلوبها انه شي عادي تروحي بعيد عن اهلك هذا نصيبك .. اقتنعت وقلت خليني افكر واستخير .. في بدايه الموضوع كنت جدا خايفه ومو مستصيغه الخاطب حاسه انه مايناسبني بعد الاستخاره واخذت رأي عمي بالموضوع مدحه لي وقال ان شاء الله فيه الخير ... جاتني امي تسالني عن رأي وكانت جدا مبسوطه ووتمني اني اوافق .. قلت اللي يشوفه ابوي انا راضيه فيه .. طبعا ابوي وافق وبلغت امي اهل الخاطب بالموافقه وطلبوا التحاليل منشان الملكه فاجلتها لمابعد الاختبارات .. بعد كم يوم قالت لي امي ان عمتك اتصلت ع ابوك زعلانه تقول (ان الشخص اللي خطبك كان حاجزها من كانت صغيره ليش لما كبرت غير رايه وهي كانت متعشمه فيه)
انصدمت ماعرفت شرد قلت خليني استخير .. طبعا امي سالت عمامي وام خطيبي هل كان حاجزها من قبل كلهم قالوا لا .. جا فبالي انها ممكن كانت تتوهم .. حكيت معها اجبر بخاطرها اني مابي اخسرها لان علاقتي فيها جدا ممتازه .. قالت لاعادي انتي مالك ذنب العتب عليه ماهو قد كلامه .. بعد الاستخاره ماحسيت ان في شي يخليني ارفض رحت لامي وقلت لها اللي يشوفه ابوي مناسب يسويه سواء رفض او موافقه .. فكانت موافقه .. خلصنا تحاليل وتم تحديد الملكه طبعا عمتي زعلت ورفضت تحضرها وانها خلاص قررت تحبس نفسها عن الناس وماتطلع من البيت .. بعد الملكه مازالت العلاقه بينا عاديه ... الا يوم جا رمضان كانوا البنات في القروب يسالون عن موعد زواجي .. فردت اهي وكانت تدعي ع خطيبي ( يارب يدخل في شاحنه .. الله يسد نفسه .. الله يكسر قلبه ) تضايقت جدا من ردها فسكت وقالت ماحب اسمع هالموضوع .. انتهى ع كذا
وبعد عشر ايااام بالضبط جاني خبر ان خطيبي سوا حادث وحاليا بالمستشفى .. انصدمت وقلت الحمدلله انه سالم الا اشوفها تدخل القروب وتضحك وجالسه تتشمت ان ربي نصرها واستجاب دعوتها ... تضايقت وخرجت من القروب
بعد الحادث صارت معاد تكلمني ولاتحاهلني دائما وربي يعلم ان حتى ماشلت في قلبي عليها ولاذره
وامي من الصوب الثاني بعد الملكه تحسفت انها وافقت ودايم حزينه ومتضايقه وتردد دايم ليتني ماوافقت وخليتك تروحي عني .. انا الغلطانه اللي رضيت .. وماتحب طاري الزواج ولاتجهيز .. ماحسيت بفرحتها ابد كانها كاره الموضوع يضايقني هذا الشعور ...
حاليا الكل حاط الذنب علي ليش علاقتي مع عمتي كدا صلحو العلاقه وانا مافي قلبي شي عليها هي اللي زعلانا من نفسها ..
واحس الكل ينظر لي كاني مستعجله ع الزواج مفروض ارفضه دام عمتي مو راضيه ...

بجد بجد تعبت من التفكير ماعرف من ارضي
ابيكم تنصحوني كيف ارجع علاقتي مع عمتي ؟؟
وليش امي متضايقه هالكثر مو فرحانه فيني كيف ارضيها؟؟

اعتذر عن الاطاله ...#

((تم التعديل ليتناسب مع المضمون))

وعمتك ليه زعلانه غريبه
ماعليك منها اهم شي مصلحتك واانتي مو صغيره

و عليكم السلام و رحمة الله و بركاته. .

الحين عمتك من جدها تتكلم كذا في قروب العيله

اللي أعرفه ان الشخص الحاقد او الغيور ما يبين قدام الناس مشاعره السيئة

بس هاذي شكلها منجد منجد على النية ضعيفه واحد شاحنها بعدين في شي عجزت استوعبه

شلون تدق على اخوها و تقول هو حاجزني لو هي صاحية عقل كان اقلها ارسلت غيرها يقوم بالاتصال هذا

مسكينة والله حزنتني مرررة ..

تقدرين ترجعينها خاصة اذا مثل ما قلتي العﻻقة بينكم كانت ممتازة

بس اتركيها فترة لان انتي الحين مو رايقة لها انتي بحالك مشغولة بفرحك

الوالدة الله يحفظها مشاعرها طبيعية ياخيتي مو مشاعر تبلد او عدم فرحه

كل الأمهات في الوقت هذا يشيلون هم بناتهم خصوصا اذا كانوا بينتقلون لمنطقة بعيده عنهم

بعد ما كانت عايشة معها و تصبح و تمسي عليها و طول الوقت في وجهها

انتي عروس و المفروض أن هاذي تكون افضل ايامك ﻻ تجيبين لراسك وجع

و تنشغلين بهموم تافهة يااختي

اهم شي حياتك المقبلة مع هذا الإنسان و امك ربي معاها بيعوضها غيابك و يشغلها

وأهم حاجة ﻻ تلتفتين للي يبون يخربون زواجك من قبل يبدأ

وش يعني عمتك مو راضيه ترا الزم ما على الإنسان مصلحته و بكرة ﻻ قدر الله ان طار هالرجال

محد بيقول انك ارضيتي عمتك بيمشون يشوفون حياتهم

و انتي تكونين ضيعتي فرصة من يدك بسبب كﻻم ناس .... ﻻ يودي و ﻻ يجيب

الله يتمم لك على خير

__________________

‏
الوعي هو الملاذ ..

أستغفر الله العظيم ؛
( الفردوس غايتي )

هي في بالها انو لازم ارفض لكذا زعلانا

كيف اقدر ارجعها لان السالفه صار لها 6شهور واحسها للحين شايله بخاطرها

تجاهليها
عمتك ولها قدرها و احترامها لكن اقطعي صلتك بها بما انها تدعي على خطيبك و حاسدتك و حاسدته

في النهاية قناعتك انتي بالموافقة و الزواج وليست قناعة والديك لأنه انتي التي تعيش مع الزوج و تمضي ايامها معه

وفقك الله

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

صحيح قناعتي مهمه ولكن رضا والدي يهمني عن الخطيب لانه يستحيل
ان ارتبط بشخص دوت رضاهم عنه

الحين الي ما يبونه امك وابوك والا عمتك ؟
خل لك شخصية
تبينه ويستاهل كملي معه
ما تبينه وعمتك اولى اتركيه

__________________
## مهم ##
هل تتعرضين للابتزاز في الانترنت؟


هنا من ينقذك

مع هذا الرأي السديد

__________________
حبيبتي .... عندما تبتسمي الي سوف تنير كل النجوم التي في السماء

وعليكم السلام ورحمة الله وبركاته ...
مرحباً بكِ عزيزتي ..
أولاً / مادام سألتم الرجل بأنه لم يتقدم لعمتك ..فكان صادق في الإجابة لكنها تتوهم هداها الله ..
ثانياً / ضعي نصب عينيكِ غاية الناس ورضاهم لايُدرك ..لو بحثتِ عن رضاهم ستشقي !!!
ثالثا/ مادام الرجل على أخلاق ودين لاترفضيه من أجل ذلك أبداً ..وهي المخطئة وليست أنتِ !
رابعاً / إذا فعلتِ الصلح وحاولت ولم ترضى فالقرار قرارها وهي حرة ستأتي يوم وتندم على ماتفعله !
خامساً / عندما دعت هذه الدعوات ليس بمعناه الله استجاب لدعائها لأنها مظلومة لاياعزيزتي ..ومافعلته من الشماتة أكبر خطأ كما قال أحد الشيوخ ..!
هذا قدر ونصيب كُتب له !
سادساً / لاتتحسسي أبداً من تصرفاتها ..اكملي هذا المشوار ولاتنسي دوماً التحصين لاتتركيه أبداً وحتى خطبيكِ كذلك ..
سابعاً / لاتقلقي من تدابير البشر أقصى مايفعلونه هو تنفيذ إرادة الله ..
وفقكِ الله وجمع بينكما على خير ياسديم ..وكوني قوية فلا تتأثري من أي أحد ومهما كان كلامهم قاسياً مادمتِ لم تخطئي ولم يتقدم لهم الشاب !!!