السلام عليكم ورحمة الله وبركاته

انا بختصر الموضوع عليكم واتمنى منكم مساعدتنا ولكم دعوه في ظهر الغيب لكل من يحاول يساعد لو بدعاء

انا وزوجتي في مشكله بيننا حاليا وهي عند اهلها وهي حامل ايضا باول اولادنا
المشكله كانت خيانه مني لها ، بصور ومن هالامور ، طبعا انا احبها جدا جدا وهي تحبني جدا جدا
من تزوجنا والحمدلله ماكانت بيننا اي مشاكل في اي يوم ، بالعكس كانت ايامنا سعاده بسعاده
المهم ان البنت عند اهلها ورافضه ترجع وتطلب الطلاق ومصّره عليها كثير
تقول ماعاد اثق فيك واخاف منك !!
والله اني تبت توبه نصوحه ومن شهرين المشكله كانت ، وانا الحمدلله اصلي جميع صلواتي بالمسجد ، واتسنن واصلي الليل والضحى وادعي يوميا ، واستغفر كثيرا ، واقرى الاذكار سواء بعد الصلاة او الصباح والمساء واعتمرت كذلك ،
وقلت لها اني اني ساعاهدك امام الله وفي الحرم اني لن اخونك ابدا وحلفت لها بذلك ،
وقلت لن استخدم الجوال بالبيت الا حق مكالمات ، وانا بطبعي شخص لا اخرج ابدا من البيت كثيرا
لكنها تقول ماعاد اثق فيك واخاف منك ،
فانا ابغى اعطيها رابط الموضوع وارسلها تشوفه
اتمنى تعطوني وتعطىنا افضل الحلول الممكنه ، وهل ممكن الثقه ترجع ولو طال الوقت ، وهل اقدر ازيل خوفها ، وانصحوها وهي ستقرى كلامكم بإذن الله وانصحوني كذلك ماذا افعل
لم انكر غلطتي ابدا ، واعترفت لها وندمت كثيرا وبكيت ، لانني احبها والله ولا ابغى اتخلى عنها وانا اعلم انها تحبني كثيييير واخاف اخسرها ،

__________________

الله يسعدك ويوفقك ، كلامك جميل ، انا والله مستعد اعطيها المهله

وبحياتي كلها لم اسبها او اهينها او اضربها او ارفض لها طلبا ، بل دائما احاول اسعادها قدر الامكان اخطأت وخير الخطأون التوابون ، لكن هي تقول انها صارت تخاف مني ، وماتثق فيني ، لذلك هذا ماجلبني اليكم لمساعدتي

وعليكم السلام ورحمة الله وبركاته

لم افهم طبيعة الخيانة
هل تراسلت مع نساء او شفت صور غير لائقة

__________________

سنه وكم شهر فقط

فعلياً انت كسرت زوجتك والثقة بينكم انعدمت
وانت تتحمل نتائج غلطتك
وسنة وكم شهر متزوجين !! كبيرة والله تخونها في بداية زواجكم
ايش الدافع الي دفعك للخيانة !!
ماملت عينك مثلاً ؟
عندك ماضي صعب تتخلص منة ؟

__________________

__________________

السيء في الموضوع ان ماعندك سبب للخيانة عشان تتشدق به

فكرت كثير كيف ممكن تسترجع ثقتها

ما لقيت

يعني صراحة ... لو كانت هي خانتك ...ايش اللي ممكن يخليك تثق فيها من جديد ؟

عموما جهودك في اتجاهها الصحيح .. استمر .. و ادع ربك ييسر امرك

بما انك تحبه هالكثر وانتم توكم بداية حياتكم ماسبب خيانتك
ولو صار العكس هي اللي خانتك وش بتكون ردة فعلك بتقدر تسامحها وترتاح معها
عموما اتمنى زوجتك تقرأ كلامي لاني قبل سنتين مريت بنفس مشاعرها وحدث لي نفس الشيء بالضبط وانا كنت حامل وماصار لي الا سنه وكم شهر متزوجة وكنت احبه وكنت احسه يحبني لكن صدمني واكتشفت خيانته اللي دمرتني وانهرت وكنت افكر بالطلاق لكن حبيت اعطيه فرصه وحيده عشان ولدنا اللي ماله ذنب واخذت عهد عليه وحلف لي بالمصحف انه ماراح يكررها
نصيحه لك حاول فيها كثير هي فقدت الامان اتجاهك احساس الخوف يسيطر عليها دورك انك تثبت لها انك صادق زوجي اثبت لي صدقه تخلص من جواله الثاني قدامي وكسره ومن بعدها جهازه مفتوح دايم قدامي وصار كثير يجلس معي

لاتفقد الامل زوجتك ماطلبت الطلاق الا من حبها لك وصدمتها فيك
والله يرجعكم لبعض ويسعدكم يارب