السلام عليكم ورحمة الله وبركاته


ما هو مقدار طاعتكي لزوجك ؟؟؟
هل تطيعينه الى مالا نهايه
هل توافقي على الاعتناء ب أم زوجك او ابيه ؟؟؟؟؟؟

والرجل
ما مقدار طاعتك لزوجتك؟؟؟
هل تطيعها في كل شيء
هل توافق ان تعيش معكم ام زوجتك طيلة العمر او ابوها ؟؟؟؟؟؟

انتظر تفاعلكم واجاباتكم

أنا لي وجهة نظر في هذا السؤال... معروف في ديننا الحنيف أن ليس على المرأة خدمة والدي....
ولها الحق في أن يكون لها بيت لها... فإن قبلت أن يعيش معي والدي الكريمين وبرتهما فهذا من جود اخلاقها
وحسن تربيتها وكرمها... وأنا من الناس التي لا ترضى أن تكون الزوجة أكرم مني... لذى ساقبل أن يعيش معي والديها الكريمين وسأعاملهما مثل والدي بالضبط....

نقطة أخرى... ارى كثيرا من الأباء ممن لديهم أبناء يعقونهم يعيشون ظلما أو يضعونهم في دور العجزة...
فتجد البنت قد قسمت بين حبها لزوجها وبرها له وبرها بأبويها وحبها لهم... فكيب بي ان أساومها بين البقاء معي أو الإعتناء بأبويها.... وأنا قادر على أن اوفر لها الشيئين مع بعض... فتكون في منزلها معززة مكرمة
وأبيويها معها فتبرهما... ومعروف ان المنزل الذي فيه اناس كبار في السن تكون فيه بركة... كما سينعكس هذا
بتربيت الأبناء.. فيتعلمون معنى البر من والديهم....
شكرا على الموضوع الجميل... ولكم مني كامل الود والإحترام...

وعليكم السلام ورحمة الله وبركاته
ما هو مقدار طاعتكي لزوجك ؟؟؟
يؤجل إلى أن تنزل زوجتي من فوق عند أهلي.

هل تطيعينه الى مالا نهايه
هل توافقي على الاعتناء ب أم زوجك او ابيه ؟؟؟؟؟؟
سأجيب بدلا منها لأني يقينا أنها سوف تعتني بهما إن شاء الله
والرجل
ما مقدار طاعتك لزوجتك؟؟؟
أحبها و أطيعها في ما يرضي الله عز وجل فهي زوجتي أم أبنائي لحمي و دمي
هل تطيعها في كل شيء
ما يرضي الله عز وجل.
هل توافق ان تعيش معكم ام زوجتك طيلة العمر او ابوها ؟؟؟؟؟؟
بالنسبة لي سؤال صعب و الله لكن من وجهتي نظري أنا فموافق لا محالة لان امها تحبني كثيرا و تستحق مني أن أعتني بها مثل أمي ( كما تدن تدان)

شكرا لك أختي الطيبة
موضوع هــادف.

موضوع خفيف
شكرا اونا
والله يرزقك راحة البال ويسخر لك زوجك على الخير يارب العالمين

هلا اوناا ماشاء الله تبارك الله عليك شعله من النشاط في المنتدى
كل ما افتح قسم في المنتدى ألاقي لك موضوع او موضوعين

ماباقي الا قسم السيارات ماشفتك فيه هههههههههههه

اللهم لا حسد ماشاء تبارك الله الله يعطيك الصحة والعافية

من يوم دخلتي للمنتدى والمنتدى له طعم غير كله مواضيع حلوة

وجميلة وخفيفة مثل دمك الخفيف بصراحة في مدة قصيرة اثبتي

وجودك انتي مكسب لنا وللمنتدى الله يحفظك ويبارك فيك ويزيدك
حكمة وعلم ومعرفة وتبدعين اكثر واكثر ان شاء الله

نرجع لسؤالك

بالنسبة لطاعتي لزوجي بصراحة شئ خاص في خدمته من مأكل ومشرب وعناية اطيعه طاعة عمياء

اما بخصوص امور تتعلق في حياتنا او في خططنا للمستقبل

هاذي ما اطيعه فيها الا في الشئ اللي اشوفه مناسب ورأيه فيه

صواب ابو سلطان يخبص في كثير من الأمور ويدخلنا في متاهات

وفي دهاليز احنا في غنى عنها وياما نكبات قد صارت لنا من ورى

افكاره اقرب مثال قبل فترة 10سنوات اشترى سيارة من واحد

من اصحابه ودفعنا فيها كل ماحوشناه وزيادة اخذنا سلف عليها

وانا قبل لايشتريها نصحته يفحص السيارة ويشوف الخرابات اللي

فيها قلت له لاتثق في كلام صاحبك لأنه هو شريطي يبيع ويشتري

وطبيعي بيقول لك الموتر نظيف لأن همهم الربح المادي

رد عليه وقال لا لا السيارة نظيفة وماعليها خلاف وانا واثق في كلام صاحبي اسمع الكلام يافلان طيعني افحصها وهو اذن طين والثانية عجين المهم راح للمعرض ينقل ملكيتها ومرني للبيت قال يالله تجهزي نرو ح ناخذ لفة بسيارة اوريك اياها انا تجهزت ونزلت لسيارة
ماشاء الله تبارك الله السيارة تلق لق نظيفة بوديها يجنن وانا اقول يالله سترك من برى الله هالله ومن الداخل يعلم الله
المهم اول ماطلعنا مع شارع بيتنا الا وهي تنتع السيارة تنتع كان يقول وش فيها تسوي كذا انا سكت وهو يخمن يمكن فيها كذا او كذا تركته ومشينا شوية خفت النتعة والمكيف شغال واذا الأمبير تبع الحرارة واصل فوق النص وطفينا المكيف ونزلت الحرارة وما امدانا نبعد عن بيتنا مسافة 20 كيلوا الا والسيارة انطفت علينا وماعاد رضيت تشتغل يسوي اشتراك يدف مافيه فايدة ويرجع يودينا للبيت بسيارة اجرة وياخذ سطحة ويشيل السيارة ويوديها للورشة طلعت السيارة مخبطة وخالطة الماء والزيت مع بعض
وصلحناها وكلفتنا مبلغ كبير وماكفاه هاذاك الدرس مرة نكبنا في سوق الأسهم ولو انا اطاوعه كان من زمان قد دخل السجن بسبب تصنيفاته الغريبة ومشاريعة اللي يفتحها وفي النهاية نخسر عليها كل اللي مجمعينه فيه امور مايحسن فيها التصرف يرفع لي الضغط في كثير اشياء يبتكرها من راسه وسبحان الله ماعمره توفق في شئ يسويه وانا ماني موافقه دائما الا يفشل فيه

الحين الحمدالله تحسن اسلوبه للأفضل والشئ اللي اقول له رأي فيه يقتنع بكلامي ويسويه

وفيه اشياء وامور يسألني رأي فيها وتكون افكاره هو حلوة بس انا اضيف عليها بعض التعديلات وتضبط

يعني مرة تصيب ومرة تخيب

بالنسبة لخدمة امه وابوه

والله ياليت وامنيتي ان كل بناتهم يتزوجون وآخذ امه وابوه واحطهم فوق راسي واخدمهم بعيوني ياليت هاذي امنيتي والله نفسي ان اولادي يستمتعون مع جدهم وجدتهم ويعيشون معانا
واحنى ننبسط وهم ينبسطون والله نفسي اليوم قبل بكرة يسكنون عندي ومستعدة اخدمهم بعيوني وبكل ماعندي بس الحين عندهم بناتهم وحدة مملكة على اخويه وثنتين باقين والظاهر بخطبهم لإخواني الباقين علشان اشيل ابو زوجي وام زوجي عندي لأنهم رافضين يتركون ديرتهم ويسافرون عندنا يعيشون معانا وانا نفسي يسكنون عندي علشان اخدمهم وولدهم واحفادهم يكونون قريبين منهم الله العالم كم بنعيش في هاذي الدنيا والوسع وسع القلوب وماعاد باقي في الدنيا هاذي من العمر كثر اللي راح خلينا نتجمل فيهم ونحسن اليهم والدور جاي علينا لو ربنا كتب لنا بعمر عندنا عيال واللي تزرعه اليوم تجنيه بكرة
اسأل الله ان يحفظهم لنا ويطول بأعمارهم ويعطيهم الصحة والعافية يارب .


اوناا جزاك الله خير على طرحك الجميل والرائع والعذر والسموحة على الإطالة .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

وعليكم السلام ورحمة الله .. هلا حبيبتي أونا
طاعتي لزوجي مطلقة .. الله يثبتني ويعيني . لأني أعتبر طاعة زوجي من طاعة الله وحقه علي .
لكن هذا لا يعني أن لا أناقشه وأحاول اقناعه برأيي .
أعترف بأن نفسي قصير ولا أعرف اللحاح لكني أعرض وجهة نظري فإن أخذ بها كان بها ونعمت وإن لم يأخذ بها سكتت .
كنت في السابق أتضايق وأشعر بالقهر عندما لا يأخذ برأيي لكني ارتحت نفسيا لحد بعيد جدا بعد أن اتبعت المنهج الرباني في تعاملي .
وأيضا هناك أمور اتفقنا مسبقا أن لي حرية اتخاذ القرار فيها فأعمل بما أرى دون الرجوع اليه .
وأيضا هناك أمور أأجل البت فيها لحين سفره مثلا حيث يسلمني دفة القيادة .

وفي تلك الأمور التي قرارها لي برضاه أجد في نفسي حرج من اتخاذ قرار أعلم أنه لا يوافق مبادؤه فأراعي ذلك عند اتخاذ قراري .

أترك العناد والتمسك برأيي لأمور أجدها مهمة جدا ونادرة (يمكن بالسنة مرتين أو 3 ) بحيث يكون هناك تجاوب منه لتمسكي برأيي .
فمن تعاند بالأمور اليومية تجدين أن زوجها يمل ويتخذ موقف عدائي من قرراتها بشكل عام .

خدمة والديه لم أتشرف بها حيث أنهم توفيا قبل زواجي رحمهما الله . لكني كنت ساخدمهما كخدمتي لوالدي لو أني تشرفت بهما في بيتي . أقول هذا بثقة لأني سبق أن كنت بوضع أن أخوه رحمه الله تعرض لمرض شديد واستضفناه في بيتنا فترة علاجه والحمد لله ربي قدرني وخدمته ..
وما اشتكيت أو ذكرت لزوجي الأمور التي كنت أضطر لأقوم بها لأني أعتبر نفسي أقوم بعمل خير لذي قربى .
وبيوم دخل الحمام خلفي يود ان يكلمني بأمر وشاهدني أنظف وتفاجأ بالوضع ولكني هونت عليه بان أخوه مريض ومعذور . وصدقا ما كان بنفسي أي حرج أو ضيق والحمد لله .

__________________

أطيعه رغم أن طاعته متعبة في بعض الاحيان يصل ان الريموت كنترول يناديني عشان اجيبه له..

[COLOR="rgb(46, 139, 87)"]أبوه رحمه الله أما أمه في شقيقة والدي و لي الشرف بخدمتها و أسأل الله ا، يرزق بنات عمتي ازواجا صالحين فيخلو لي المضمار معها[/COLOR]

اهلين حبيبتي اونا

موضوعك كالعاده خفيفه وجميله

بصراحه اعتني به من غير تعب ولا ملل

بالنسبه لامه ما عندي مانع في خدمتها


بالتوفيق

__________________




سبحان الله وبحمده ♥
سبحان الله العظيم ♡
♥♡♥♡♥

__________________