السلام عليكم

موضوع وردة اثار شجوني واحيا الذكرى الاليمة..


قبل سنة
كنت في شهري الرابع
كان وحامي صعب وقاسي
وعلى زوجي منه نصيب
كنت اجاهد نفسي ومابين له اني اقرف منه او انه يسبب لي الغثيان
ابتسم واسولف وكأني مااحس بالوحم

من مبادئي الخلق للخالق
لذلك ماكنت افتش ورا زوجي ولا انبش

وزيادة ثقتي فيه عميااااااء
واذا قريت ان الرجال كلهم خونة..اقول مستحيل ع الاقل اللي عندي مستحيل يسويها..

بيوم من الايام
كان يتوضأ لصلاة العصر
جته رسالة
كأنه استغربها
قال مين هذي وقرا علي الرسالة
مضمونها كأنه وحدة غلطانه تكلم صديقتها
انا تجاهلت الموضوع خصوصا انه قراها علي يعني واضح انه ماباله هالامور
مر اسبوعين
عطاني جواله لضروف معينه
الا الاخت مازلت ترسل وباليوم من 2الى3رسائل
بس من 3ارقام بس نفس الاسلوب والطريقة
رحت مثل المجنونة للصادر الا مافيه اي اتصال منه

كبر بعيني
ولو كان قدامي وقتها حبيت راسه

قلت له اتصل عليها ابلغها انها غلطانة
قال ارسلت لها بس استمرت

قلت ع الاقل اتصل ع الهيئة يتفاهمون معها
قال خير

طبعا سبحان الله
بهالفترة
فيه واحد مزعجني بشكل مو طبيعي
رديت عليه وقلت غلطان قال لا ابي اسمع صوتك!!
هزأه زوجي
صارت تجيني اتصالات كثيرة وارقام مختلفة
ولا ارد

المهم
بعدها باسبوع
كان نايم
قلت اشوف وش صار عليها
اخذت الجوال
الااخر رسالة ليش ماترد وتريحني<<<حسبي الله عليها الله لايريحها
رحت للصادر
المفاجأة زوجي متصل 4مرات بايام متفرقة مرتين بس ردت ووقت المكالمة بالثنين ماتعدى4دقايق

بهاللحظة دقات قلبي صرت اسمعها
صرت ارتعش
ولا اشوف من الدموع
حطيت يدي على بطني وانحنيت من شدة المغص اللي حسيت فيه كأني بولد
ومع الدوار جلست وصرت احوقت واستغفر
ومن غير تفكير
مسكت الجوال ورميته بكل قوتي وتكسر
انهرت تماما ماادري وش اسوي

ابوي رجال معروف ماابي ينقال عننا شي
بنتي تناظرني نظرات خوف
رحمتها ورحمت سمعتها

وقتها قلت خلااااااااص
لا زوج ولا زواج انتهينا

اخذت اغراضي

وكتبت لزوجي
انسى ان لك زوجة اسمها نبض
وروح للرخيصة اللي فضلتها على اسرتك وعرضك
ولا استحيت من ربك قدامها
وكلام نسيته كنت ببين له اني اكتشفت
وطلعت من البيت



طبعا رجعت لعيون عيالي بس
ابوي كريم وانا موظفة
بس من يضمن الدنيا
خصوصا انه عاهدني انه مايرجع

جلست 5شهور بعدها ابكي اذا ناموا
جرحني جرح صعب يندمل

الثقة خلاااااااص راحت وماقدرت ارجعها عجزت والله
احاول اعيش حياتي طبيعي بس اي حركة منه ترجع هالشريط قدامي

مرة عند اهلي اتصل علي رقم مجهول وقرصني قلبي وتذكرت هذيك الايام

حاليا ماافتش ولا احاول كافي الثقة تزعزعت
بس جواله دائما بين ايديني ومعطيني رقمه السري


مرة فتحت حسابي بالفيسبوك
لقيت رجل طالب الصداقة رغم اني كاتبة مهتم بالنساء
المهم تأففت وقلت هالعالم ماادري منين تفهم
قال ليش
وقلت له السالفة
وهو ماعنده حساب
وتحمس يسألني كيف طريقة الحساب وكيف هذا طلب صداقة!
طبعا فتق الجرح القديم وتهاوشنا وزعل لما اتهمته
وذكرته بكلامي ايام المشكلة انه الافضل ننفصل لان الثقة خلاص راحت


مازلت غير واثقة منه
اخاف عليه مثل خوفي على اطفالي

مرة شافني ابكي بالليل قال اوديك للمستشفى؟على باله ولادة
قلت له لا بس تعبانة من ذاك الموضوع
قال الله المستعان انا نسيته!!

اكيد بتنساه
وتقارني بك!!

فكرت بالانتقام
بس استغفر الله
والله يثبتنا

اكتب لكم والدموع تملأ عيوني
لاني بكل وقت اتوقع رجوعه لهالدرب
وانا مااقدر اتحمل

مااحب تكرار السالفة
بس ودي يطمن قلبي ويريحني

ليت الخاين يحس بالجرح اللي يسببه لشريكة حياته

وتكفون
اللي براسه لعب ياخذ من ثوبه كل واحد يلعب وراء الثاني
لاتعذبون ناس مالها ذنب



يااااارب
اهدي زوجي وابعده عن السوء وأهل السوء وجعله عفيفا صالحا يامن بيده قلوب العباد

يابعد عمري أقرأ كلامك وأحس شخصيتك تشبه شخصيتي كثييير
ماحب حركات التفتيش والتنقيب ورى الزوج ومعطيته كامل الثقة ولو بيسوي شيء عنده مجال واسع
بس دائماً أستودعه الله وأقول يارب إني أستودعك سمعه وبصره وقلبه وفؤاده وشهوته ورغبته وما أبغى أدخل نفسي بدوامة الظنون وصدقيني رأس وساس البلاء بنات أبليس إلي مايخافن الله لذلك مدام كفشتيه وربيتيه على فعلته وماطوفتيها له بالساهل فتأكدي أنه بإذن الله تعلم الدرس وماراح يورط نفسه مره ثانية

ولأنك وضحتي له إن كرامتك مافيها مساومة وأنك تقدرين بلحظة تبيعينه لو حسيتي أنه مايستاهلك
أو أنه خوان وماينوثق فيه

وصدقيني الرجل إلي يكرر خطأه هو إلي يأمن العقوبة فيسيء الأدب وتكون زوجته ردة فعلها الأولى
ضعيفة وهي إلي ساكته عن حقها وراضيه بإهانة كرامتها فلذلك يكرر فعايله لأنه ضامنها بيده
وعارف أنها لاتهش ولاتنش

أطمئني ولاتخافي ومدام تاب ومعطيك الجوال ورقمه السري فهذا أكبر دليل على أنه تربى عدل

الله يسخره لك ويهديه

مالقيت ما أنصحك به... لا أقول غير الله يصبرك بس
موضوع يؤلم صراحة.....
أسال الله يخفف عنك....
حاولي تبعدي زوجك عن هذا الطريق بكل السبل
حاولي تكسبيه....
أعرف أن الخيانة تترك في القلب كره....
لاكن كوني قوية... كوني أقوى من التحديات التي حولك,,, يجب على بيتك أن يبقى متماسك
فلا تفرقه إمرأه ساقطه هدفها التمتع للحظات وترك أطفال مشتتين...
أقولك شيء إحسبيها أنك في حرب ياغالب يا مغلوب....
حاربي من أجل أبنائك.... حقيقة طلب الطلاق عند الشعور بعدم الاستقرار ممكن,,,,
لكن سيدتي كوني عاقلة صدقيني الانفصال لن يجلب يوما الإطمئنان إلى قلبك... سيجعلك تفكرين في مستقبل غامض لأبنائك
وللأسف ستتحملينه وحدك ...ووحدك فقط...
مرات الدموع تريح لاكن لاتدعيها تطول.... تماسكي وحاولي لم أسرتك.... ولتعلمي أن المرأة اذا أرادت الحفاظ على أسرتها فلا أحد يستطيع تفكيك هذه الأسرة... وهناك العديد من النماذج التي هي مثلك وإستطاعت الخروج من الأزمة...
وان شاء الله يفيدونك الأخوات الذين مرو بتجربتك...

لي طلب أخير
كل ما جاتك هذه الأفكار حوليها إلى طاقه إيجابيه وأدعي أن ربي يصلح زوجك... عندها صدقيني سترتاحين
أحسن من أن تسيطر عليك الأفكار السوداء
وربي يوفقك

أختي نبض.. حياكِ الله وشرح صدركِ ..

كلامك حقيقة كبير جداً .. وأتمنى كل من يخون زوجته أن يقرأ ما تشعر به الزوجه .. من ألم وحزن ..
وماتشعر به من غيرة تغلي في صدرها جراء أي خيانه تحصل ..
ألجئي إلى الله أختي الكريمة عسى أن تطمئن نفسكِ وينشرح فؤادكِ ..
أكثري من الدعاء والصلاة والذكر وقراءة القرآن ..
وإن وجدتِ من زوجكِ صدوداً عن السلوك المشين فاغفري له مامضى وانسي وتناسي ذلك ..
استغلي أنوثتكِ وأشبعي زوجكِ بالسحر الحلال وأغنيه عن النظر للمحرمات .
وفقكِ الله .

__________________
كيف اقاوم الهم والألم. بالسجود راحة واطمئنان.

نهاية نوال..!

نبض غاليتي ..
كلامك في الصميم ..

حاولي تتناسي حبيبتي عشان راحة بالك ..
وزي ماقالت جومانة ماعتقد بيكررها لانه شاف ردة فعلك
طالما انه حريص على اسرته و اولاده ماراح يكرر الغلط ...

يمكن لو ساعتها كنتي سكتي او طنشتي كان استمر ووصل لمرحلة ادمان العلاقات
ساعتها صعب جدا انه يرتدع
لكن الحمدلله لحقتيه بسرعة و قبل ما ينغمس بهالطريق و بنفس الوقت عرف الدمار الي
بيلحق باسرته فا ماعتقد انه بيرجع للخيانة ..

اهم شي تقوي الوازع الديني عنده و تشغلي وقته و تبعديه عن شلل السؤ (اذا كان عنده اصحاب سؤ)

مااقول الا ربي ينزل السكينة و الطمنانينة على قلبك
ويفرج همك و يسخر لك قلب زوجك و يهديه و يبعده عن طريق السوء و رفقاء السوء

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

هلا فيك اختي نبض قصتك مثل قصتي اللهم انك احسن مني بكثير وزوجك افضل من زوجي الله يصبرك ويفرج همك ردي على موضوعي (شوفو ردة فعل زوجي)

شكرا لكل من مر من هنا


بصراحة
ندمت اني كتبت هنا
كأني استدعيت مشاعري وقت الصدمة


لكن يعلم الله
ان من اهدافي
ان انقل مشاعر الصدمة خائن
مع العلم اني فقط مكالمتين
ماوصلنا صور ولا لقاءات ولا معاشرة
فكيف بمن يقتل قلب زوجته بأعظم من هذا

ايها الخائنـ/ـة
اتعلمون ان الله يراكم ويسمعكم
الا يهزكم ان مامن نجوى الا والله معهم
الا تستحون من الله تعالى!

قبل ان تغادروا اعشاشكم بحثا عن حب
الا يستحق ساكن العش ذلك الحب..
لماذا لاتفكر باطفالك ومستقبلهم
شريكك مقصر
ابحث عن الاسباب
ناقش..حاور
عدد ان ضاقت الحيل
لكن لاتخن ربك
فان قلبا اختارك وآثر ان تسكنه دون سواك حري بان تغدق له الحب..

مرة اخرى
ولكل من صحح مساره
وقد اطلع شريكه على صولاته جولاته

لتعلم ان الله اراد بك خيرا حين كشفك لتنتهي
فيكفي وثق بمغفرة الله واقطع حبائل العودة..

حينما ترى شريكك مبسوط وسعيد
تأكد انه ينقصه شيء بيدك
انه الامان
امنحه لمن جرحته
انه يخبئ في دواخله الم الخيانة
لايداويه الا بلسم كلماتك..

...

رينول
لايذهب بك الشيطان بعيدا
انتي فتشتي وماحصلتي شي
روحي حبي راسه
وعبري له عن حبك
علشان تخزي الشيطان
انا امس سويتها وزال الالم بفضل الله
لان اللي يخطط له الشيطان ماصار
ومثل ماقالوا الاعضاء اذا تضايقتي قولي يااااارب
وثقي بالله لانه اقوى واكبر من اي شيء وبيده قلوب العباد
وزما يبدأ ابليس لعبته قولي حسبي الله وكفى سمع الله لمن دعا ليس وراء الله مرمى وتفكري بكلماتها باذن الله كل القلق حيزول
وتأكدي ان بعدك مو بصالحك ابدااا اذا دراستك تستوجب بعدك
خليك واثقة من الله وماراح يخيبك

ياالله ابتسمي ماابي موضوعي يصير سبب تعاسة لاحد