ما المخرج من المشكلة التي وقعني زوجي بها

أعضاء المنتدى الحبيب على قلبي
اذا تتذكرون مشكلتي التي طرحتها عليكم قبل فتره

كان بيننا خلاف انا وزوجي وطلب مني ان اذهب لأهلي
وجلست عندهم 7 شهور
بالبداية كنت اترجاه يرجعني لبيتي
وبعدها يءست من الترجي وتركته
قبل كم يوم استأجرت بيت وسكنت فيه والحمدالله


المشششششكله
انه قايل لأهله انه طلقني
وسبب كذبته البايخه
حتى يجد زوجه جديده بمواصفات ممتازة !!

الان هو يزورني دون علم احد
طبعا اهلي عندهم خبر بزيارته لي

ماهو الحل
كيف أقنعه يخبر أهله ان حنا رجعنا لبعض
هل ادخل وساطه بيننا
انا كلمته كم مره بهذا الموضوع ويقول يصير خير!!

اهلي عندهم خبر بالموضوع
وطاح من عينهم وكرهوه

وانا ليس لي رغبة بالطلاق ولا الرجوع لبيت اهلي


انصحوني الله يسعدكم انا بهم وأنتم مثل أهل لي
محتاجه مساعدكم الله يفرج عليكم

يخبرهم انه رجعك وان الطلقه ماوقعت لأنك مثلآ كنتي حائض في وقتها

ايش سبب تأجيله موضوع إخبار أهله ؟؟

طلبت منه يخبر أهله برجوعنا
ورفض
كيف احل هذي المشكلة
ماهو المخرج
الان وقعت بمازق ماكنت أتخيل نفسي راح أكون في يوم بمثل هذا الوضع

لازم تضغطي عليه ... هو مرتاح ومحصل كل حاجة فليش يتعب نفسه ويقعد يشرح ويكلم أهله ؟؟؟ ويخسر زواجه جديدة ؟؟؟
لو منعتيه يجي عندك إلا لما يخبر أهله ما كان تمادى .

__________________

و اذا أهله لقيوا له عروسة بمواصفات ممتازة
يتركك مثلا !؟

لو حملتي منه ؛ ايش تقولي لأهله وقتها ؟

الله يعينك ويفررج همك ي قلبي ...
شوفي وحدة من معارفه كلميهااا او اعزميها لبيتك اي وحدة تعرف اهله وتكلمي عرضيا عن زوجك ﻻ تصرحين بالشي ذا مثﻻ زوجي جاب لي كذا او اشترالي كذا واذكريه بالاسم وهيا ماراح تسكت اكيد وبتنشر الخبررر

بالمختصر ،،، هو رفض اخبارهم عشانه مرتاح ، وعايش مثل الاعزب وفعلا ناوي ع شوفة هالعروس! ... اتذكر لما طرحتي مشكلتك كلنا نصحناك بأن ترفضي الخروج معه او الذهاب لاي مكان قبل ما يخبر اهله ! ..

حاليا هو مو راضي ولا حاب يخبر اهله مافي مشكلة ،،، انتي اللي تخبريهم ... عن نفسي هذا رد فعلي اللي بيصيرر،، لانك لو حملتي لو حصل ما حصل راح ينكر كل شي واهلك ماراح يكون لشهادتهم معنى ! ع الاقل اهله يكونوا امام الامر الواقع و امام الله هم عالمين وعارفين بهالموضوع ... حبيبتي ماعرفتي سبب رفضه لاخبارهم ؟ ...

نصيحتي ،، خذي بالك مية المية وماتدرين شنو براسه؟!

اسمحي لي فيك كمية سذاجة مو معقولة !!! يااختي ارفعي السماعة واتصلي على اهله وقولي ترى رجعنا لبعض ... بعدين فين كرامتك وهو مخليك محطة عشان يلقى عروس لاحول ولاقوة الا بالله .. بفهم ليه تشعريني برخصك لهذي الدرجة المشكلة انت اللي مستأجرة الشقة وهو جاك على الجاهز ..يااختي فوقي لنفسك الله يهديك

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

انتي او امك كلمو اهله وقولو لهم عن كل السالفه خله يطيح من عينهم لكن حاولي بحيله كذالك تبعدين هالسالفه عشان لا يطلقك