السلام عليكم ورحمة الله وبركاته..
أنا محتارة جداً و مهمومة وأبغى أشوف رايكم في موضوعي..
الله يسلمكم انا انخطبت لشاب من قرايب الوالدة قبل خمسة سنين وماصار نصيب ورفضته طيب..
الآن هوا تزوج وخلّف ماشاء الله ..اللي صار انو امو وكم واحد من اهل امي قالوا نزوج اولاد العيلة لبناتكم يعني اخواتي وتناقشوا وامي قالت مافي مشكلة طبعاً العيلة ماشاءالله اخلاق وعلم وامهم انسانة رائعة والشباب دارسين في امريكا وعايشين هناك..
المشكلة لمن قالوا حنخطب بناتكم ماجاء في بالنا انو حيرجعوا يخطبوني لأخوهم (اصغر مني بسنتين او تلاتة)كان في بالنا باقي اخواتي لأنو انا سبق ورفضت اخوهم ومرة محرجة انو اقبل اخوه والمشكلة خالاتي كان يلمحوا لأختي انو دا الولد لكِ واختي هذه مرة حساسة وماصار نصيبها انو تكمل جامعة وأنا ماأبغى اصير سبب في جرح اختي لأنو انا كملت جامعة واشتغلت بعكسها ماابغى تقول كل شيء لها هذا وهي رافضة اخوهم لو كانوا مو ملمحين لها كان اهون لي بس مدري ايش اسوي انا متأكدة حتزعل وتشيل في قلبها.. بالله قولولي كيف اتصرف..الولد ماشاء الله ماينرفض واهلو اهلنا ومررة يعزونا..


تم تعديل العنوان ليناسب المضمون

__________________
حسبي ربي هو يكفيني ويفرح قلبي

معليش ع الأخطاء بكتب من الجوال..

__________________
حسبي ربي هو يكفيني ويفرح قلبي

و عليكم السلام حكيمة

فعلا الموضوع شوي حساس

يعني انت خطبك اخوه و رفضتيه

و اختك كانت متعشمه تنخطب للخاطب الحالي

و الخاطب الحالي راح يخطبك انت

و لو انه كله في الحلال بس الاحوط انكم كلكم تشوفو نصيبكم مع غير بعضكم

انتظري رأي البقية

أختي ماكان في بالها اصلاً انو تنخطب من دي العيلة الا لمن امو رجعت كلمتنا وخالاتي لمحولها.. احنا كلنا جا في بالنا انو خلاص فلان لأختي عرفتِ دي المشكلة..
الشائع عندنا انو الكبيرة تنخطب اول وانا اهلي ماعندنا مشكلة اللي يجي نصيبها تروح بس بين القرايب العيب الصغار ينخطبوا قبل الكبيرة ..
ربي يسترها وييسرها..

__________________
حسبي ربي هو يكفيني ويفرح قلبي

فهمت عليك غاليتي

و اللي يزيد الطين بلة، انه خالاتك يدرون في الموضوع فأكيد لو تم راح تنتشر السالفة و التعليقات

أسأل الله ان يختار لكم و لا يخيركم

من حيث المبدأ أنتي موافقة على شخص أصغر منك بثلاث سنوات ؟
إنتي موافقة على الشب تحبيه متقبلاه على الأقل ؟ بعيداً انه متعلم ومسافر امريكا ولاتنخدعي بالمناظر

اما أختك رح تتقبل الموضوع . كل شيء قسمة ونصيب
انا قالوا لي إنك رح تتزوج بنت خالك طول عمرهم واخرها ماتزوجتها وهي تزوجت ومبسوطة مع زوجها وانا خاطب ومبسوط مع خطيبتي

الحساسية بالبداية بتكون بعدها تنتهي

شوفي اذا سألتيه هو افضل ان كان موافق ومقتنع بخطبتك فتوكلي ع الله عاد كلمي احد امين يسأله او انتي اسأليه بنفسك اذا كان عادي هالشي عندكم

انا ماهمتني مناظر آخر همي.. ربنا ييسر

__________________
حسبي ربي هو يكفيني ويفرح قلبي

الولد قالوله اسمي وعندو خبر بس مدري اذا قالوله عن عمري..

__________________
حسبي ربي هو يكفيني ويفرح قلبي

مرحباً أختي

لا تستبقي الشئ قبل أوانه وتفكري وتحتاري وتحوسي الدنيا

إنتظري حتى يصبح الأمر حقيقي ويتقدم أهل الشاب بكلام أهلك عنك ورغبتهم فيك

عندها يمكنك أن تعملي نفسك متفاجأة وأنه ظننتي أنه متقدم لأختك.. وتكلمي مع أختك وقولي لها أنا لا يمكن أوافق عشان خاطرك وكنت أظن أنه متقدم لك وأنتِ الأولى

عندها أختك ستصر عليك أن توافقي وأنها تتمنى لكِ السعادة وبعدها ستوافقي .. وخلاص إنتهى الأمر

ولو حصل خلاف ذلك عندما تتكلمي مع أختك ورأيتيها زعلت فعلاً .. فبرضه خلاص إنتهى الأمر وأرفضي المتقدم



أعانك الله