السلام عليكم

اخواني ان شاءالله القى عندكم حل عالاقل نفضفض لكم

مشكلتي كل ما اخطب الاقي رفض علي طول واللي خطبتهم ما اذكر عددهم

مع اني محترم وخلوق وومملوح جدًا وراتبي قوي ولله الحمد فوق ال20 الف ريال ومن عايله معروفه ومحبوبين عند الغريب والقريب كلنا ولله الحمد

وهذا اللي محيرني

انا لما انرفض ما اتأثر ولله الحمد عادي جدًا ولكن المشكله ان كثرة الرفض تسبب لي احراج عند اهلي
فكرت اروح لخطابه بس مو متقبل الفكره نهائيًا
ودي اتزوج بطريقه تقليديه

وشروطي سهله وماني معقد ومتفتح ولا ارضي بالغلط ولله الحمد اصلي
وما علي اقساط

كنت هاقي بنفسي هقوه بصراحه وللحين واثق من نفسي بس لو لقيت وحده موافقه يمكن ترفض الرؤيه الشرعيه وما ودي بعد هالعمر اغلط واندم واصر عالشوفه ويمكن يرفضون

بس انا ولله الحمد عندي مميزات كثيييره بفضل الله يعني ماراح اكسر نفسي

بس المشكله ما فيه قبول نهائيا شكيت ان طالع علي كلام مع اني ولله الحمد طيب
وحتي لو فرضنا طالع علي كلام في ناس كثيره سيئين جدا ومتزوجين يعني ما جت علي انا

صرت اكسر الخاطر عند العايله وصرت ازورهم بالسنه مره بالكثير مالي خلق لهم ولنظراتهم

وقبل الكل يتمناني ادب ومملوح وشهاده ومتفوق كنت طايف عيالهم بدبلات اقول يمكن عين من الناس القريبه مننا

وياما اعرضوا علي بنات نفسهم بس مو متقبل الفكره بتزوج بطريقه عاديه انا اللي بختار احس اللي تجي بنفسها فيها مشكله ادري اني غلطان بس هذا شي مو بيدي لاني اشوف نفسي طيب واستاهل اكثر

بس الظروف ما تساعد

والحمدلله علي كل حال

شنو المطلوب مني اسويه قولوا لي الخطوات

دايم ادعي ان الله يرزقني الزوجه الصالحه اللي تعيني بالدنيا والاخره

يقولون البنات الله ما كثرهم وان خطبنا انرفضنا!!

صبرت سنين علي هالحال وكل مالي اتردي وانكسر اكثر ولله الحمد صابر

ارق نفسك
أسأل الله تعالى لك الزوجة الصالحة

__________________
## مهم ##
هل تتعرضين للابتزاز في الانترنت؟


هنا من ينقذك

اعرف معاناتك و شعورك بالذات لما يكون الشخص شبه كامل و الكامل وجه الله سبحانه و تعالى

حالتي استمرت 6 سنين و بعدها فرجت بحل بسيط جداً بعد توفيق الله سبحانه و تعالى

هل انت مستعد تسمع نصيحتي؟ و تطبق اللي انا سويته؟

بإنتظار ردك

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

لا تشكك الرجل بنفسه

المسألة مسألة نصيب

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

السلام والرحمه
اخويه انت موب غلطان لانك تبا تتزوج بالطريقه التقليديه وماتبا تتزوج بطريقه المودرن المتعارف عليها حاليا
وهالشي عادي جدا بالعكس انت متربي في بيئه تبا تبتعد عن العيب والمنقود وبالنسبه للعوايل اللي انت ناسبهم وتم الرفض حط 70 عذر مثل ماوصانا الرسول صلى الله عليه وسلم يعني لاتكره نفسك او تعتقد انك تكسر خاطر اهلك وبعدين جرب تخطب بطريق ربعك يعني اذا عندك ربع دينين وناس يستاهلون الثقه افتح المووضوع لهم موب عيب ولاغلط كلم ربيعك وقوله اذا عنده اخت للزواج تبا تناسبهن ترى الشباب مثل الاخوان ومابين الاخوان مستحى ..
&^

او خل خواتك يدورلك عن طريقتهن من ناحيه ربيعاتهم او اقارب ازواجهن وجي

ولاتياس حتى لو مالقيت نصيبك حاول لو من بعيد ولاتقول تبا زواج الاهل والقرايب وبس ترى المثل يقول روح بعيد ورد سالم والريال مايعيبه غير جيبه ..


وعسى الله يحققلك امانيك

الله يجزاكم خير يا اخواني افاق المجد وامين الثاني

ومفكر اروح عند شيخ يمكن يبين معاه شي مع اني احس نفسي طبيعي

ويا اخي امين اكيد مستعد اسمع نصيحتك واطبقها

بنت ابوظبي ما قصرتي وانا ولله الحمد واثق من نفسي

وسالفة الخطبه من اصحابي مو ماشيه بالمحيط اللي انا عايش فيه ولا متعارف عليها عندنا ولما اروح لهم راح يبين ضعفي اكثر

والمشكله الاساسيه ان لما اخطب عن طريق اصحابي مافيه تراجع ويمكن ما يصير قبول مو معقوله ارفض وهو متجمل فيني ومعطيني اخته يعني علي قولتهم طرار ويتشرط

اخي العزيز

افتح موضوع بإسمي في قسم مراسلة إدارة أقسام عالم الحياة الزوجية على هذا الرابط
http://www.66n.com/forums/forumdisplay.php?f=129
و نكمل الحديث هناك لأن نصائحي تحمل بعض الأشياء الخاصة

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

اخوي أمين ضغطت عالرابط فتح معاي بس مكتوب لا يوجد مواضيع

باباتي
انت تقول ماتبا الزواج عن طريق الخطابه وعذرناك ..
تخاف من النظرة الشرعيه وعذرناك
قمت تشك بنفسك انه طالعه عليك رمسه وعذرناك
قمت تزور اهلك في السنه حسنه خوف من نظرتهم وعذرناك
بنات اعرضوا نفسهم عليك ورفضت وبعد عذرناك


حتى الزواج عن طريق اقرب ربعك رافضنه لانه مايتوافق مع محيطك

شو اللي تباه الحين ؟؟
تبا سنين الباقيه من عمرك اضيع جي بدون لاتقرر اي طريق تختار وبعيد عن القيود ..
والا تبا تحط الشي براسك وتترياه يوصلك ؟؟
ترى والله ان مارحمت نفسك لاتنتظر رحمه الناس لك ورحمه الله فوق كل شي بس الله عرفنا بالعقل
موب من المعقول تمشي في نفس الطريج مسدود في نهايته

أكتفي بهالقدر

والله يحققلك امانيك