السلام عليكم ورحمه الله وبركاته

ابغي رايكم بشغله

انا متزوجه ولي تقريبا ثمانيه شهور

زوجي ما شالله عليه ملتزم وطيب لا ابعد الحدود ويحترمني وما يتاخر علي يعني الا لما يكون فعلا عنده شغل المهم انا ابغي افهمكم انه من تزوجت الحمدلله ما صارت لي مشاكل معاه.....لكن

زوجي صج انه دايم يكون معاي بس اهو ما يطلب انه احنا نمشي نغير جو ابد ابد ومره قلت له حسيت انه بدون نفس وقلت له خلاص انا ماابي ومع انه كرر علي مرات بعدها بس انا الشي اللي من دون نفس الواحد ما احبه

الشغله الثانيه انه ابد ابد ما يتصل فيني لما اكون في بيت اهلي بس بينا مسجات

لما اقوله يقول ماله داعي ...

السؤال اهو رفيجاتي واخواتي يقولون اني بارده ليش ما ازعل وليش ما اناقشه
وانا اشوف انه الوضع عادي لاني ناقشته مره وحده وماابي اخذ شي بدون ما يكون من نفسه...

اشرايكم فيني هل انا اللي كلامي صح او اللي حولي؟؟؟

	اختي غلا .. راح اعطيك باختصار .. انا خاطب .. ( يعني بليالله اسمع صوت خطيبتي ، ولما اسمع صوته ، اعيد واتبارك ) واليوم اللي راح اكلمها فيه .. وبغيت شي منها .. ما اتصل عليها يكفي ترسلي مسج وانا ارسلها بالمثل .. لاني راح اكلمها .. عرفتي .. اقتباس: زوجي صج انه دايم يكون معاي بس اهو ما يطلب انه احنا نمشي نغير جو ابد ابد ومره قلت له حسيت انه بدون نفس وقلت له خلاص انا ماابي ومع انه كرر علي مرات بعدها بس انا الشي اللي من دون نفس الواحد ما احبه اما بالنسبة لهاذي .. بعتقادي ان الرجال احياناً يرفض طلب زوجته او يتثيقل عشان ترجع له مرثانيه .. وتطلب منه بدلع .. وانتي لا تقولي من اول مرة اذا ماعطاني او اذا مالبى يعني ماراح اطلب ..او ما احب اطلب .. توكم تازا يعني fresh بلا هالزعل وشيلة القلب .. تحياتي اخوك

__________________
سلسةالبرمجةاللغويةالعصبيةN L P سلاح العصرفي التعامل بين الشخص وذاته وبين الآخرين

سلســـــلة في ســـــــــــــــاعة التركيــــــز الحــــــــــــــــــــــــــــــــــــــاسمة

••.•°¯`•.•• (الهــيـمـــنة الدمـــاغية بوصــــلة التفكيــــر ) ••.•°¯`•.••

[][][] الإرهاب الأسري : : طريق إلى الإرهاب الاجتماعي [][][]

: - : - : أكـــــــره أن أعــــتـذر : - : - :

تسلم اخوي ايمن ولا هنت على مرورك اللي اسعدني وربي يوفقك مع زوجتك

أختي العزيزة غلا0000

تحياتي000

أنت قلتي (00السؤال اهو رفيجاتي واخواتي يقولون اني بارده ليش ما ازعل وليش ما

اناقشه وانا اشوف انه الوضع عادي لاني ناقشته مره وحده وماابي اخذ شي بدون ما

يكون من نفسه00)0000


تصرفك عين العقل 000ولا تسمعي لهم000

أنت عاقله ومتزنه000استمري على اسلوبك هذا000

لكن مايمنع أن تطلبي منه مره ثانيه للخروج000

قد يكون زوجك ماهو رايق أو لديه مشكله حين طلبتي منه الخروج000

التمسي له العذر000لأنه كما قلتي ملتزم وطيب لا ابعد الحدود ويحترمني 000

الله يديم المحبه بينكما000

وتقولين إذا كنت عند أهلي لا يتصل علي 000بس مسجات000

الحمد لله بركه أنه يرسل مسجات000

بعض الازواج لا اتصال ولا مسجات000

أختي الغالية غلا000زوجك يحبك لا تفرطي به000

ولا تسمعي كلام أخواتك وصديقاتك 000الأمر عادي ولا تكبري الموضوع

فلن ينفعك أحد بعد الله لو لا قدر الله حصل لك أي حاجه 000

وبالتوفيق أن شاء الله000

أختك

الممشوقة

__________________


نصائح مفيدة 000لتطوير الذات000

التقرب إلى الله 000والعلاقة بين الزوجين000

الزوج وتأثيره في إبراز الجمال في زوجته 000

السلام عليكم ورحمه الله وبركاته

وعليكم السلام ورحمة الله وبركاته

ابغي رايكم بشغله

انا متزوجه ولي تقريبا ثمانيه شهور

زوجي ما شالله عليه ملتزم وطيب لا ابعد الحدود ويحترمني وما يتاخر علي يعني الا لما يكون فعلا عنده شغل المهم انا ابغي افهمكم انه من تزوجت الحمدلله ما صارت لي مشاكل معاه.....لكن

زوجي صج انه دايم يكون معاي بس اهو ما يطلب انه احنا نمشي نغير جو ابد ابد ومره قلت له حسيت انه بدون نفس وقلت له خلاص انا ماابي ومع انه كرر علي مرات بعدها بس انا الشي اللي من دون نفس الواحد ما احبه


والله ياأختي الظاهر إنك تبغين تدورين مشاكل ومو لاقية
يااختي أتمنى تقرأي المشاكل في المنتدى بتحمدين ربك ليل ونهار على نعمة الزوج الطيب المحترم
هنا زوجات يتمنون أزواجهم بس يحترمونهم ومايبغون منهم شيء ثاني

يااختي الناس طبائع وأحمدي ربك إن زوجك شخص بيتوتي ويحب يقضي وقته معاك بالبيت فأكيد أنتِ ماشاء الله عليكِ مملية عينه على الأخر لهذا هو يحب يكون بالبيت

كثير من الرجال يقضون أوقاتهم مع أصحابهم ويتركون زوجاتهم

وبما إن زوجك راجع نفسه ويبغى يسعدك ويطلعك ليش إفتعال العزة والكرامة امامه

تقدرين تقولين له : لو بتطلعنا عشان خاطرنا انا وأنت وأنت مبسوط أنا مستعدة أطلع
وإذا مو بخاطرك فأنا يكفيني اكون معاك سواء بالبيت او بالخارج المهم تكون مرتاح والمكان اللى يريحك

بهذه الكلمات بتسحرينه


الشغله الثانيه انه ابد ابد ما يتصل فيني لما اكون في بيت اهلي بس بينا مسجات

لما اقوله يقول ماله داعي ...

هناك أزواج مايحبون يضايقون زوجاتهم وهم بالخارج
وهذا مو معناه إنه مايحبك
ولكن يقول في نفسه خليها تنبسط الكم ساعة هذه مع أهلها بدون ماأضايقها وأخذ من وقتها

ويااختي هي زيارة .....ولكن إذا كنتِ بتقضين كم يوم عند أهلك وقتها عندك حق تزعلين لو ماأتصل

ويااختي فيه زوجات مايعرفون المسجات من أزواجهم فأحمدي ربك على النعمة .


السؤال اهو رفيجاتي واخواتي يقولون اني بارده ليش ما ازعل وليش ما اناقشه
وانا اشوف انه الوضع عادي لاني ناقشته مره وحده وماابي اخذ شي بدون ما يكون من نفسه...

اشرايكم فيني هل انا اللي كلامي صح او اللي حولي؟؟؟

ممكن طلب؟؟

ياريت ماتأخذين أي شور من رفيقاتك واخواتك لإنهم بصراحة ناقصات عقل إذا يشاورون عليك كذا

وإسمحي لي لاتكونين أمعة تسمعين كلام الغير
أنتِ أدرى بنفسك بزوجك
وبصراحة زوجك مثل مايقولون مولع لك أصابعه شمع ...وماتدرين وش تبين منه أكثر ..



أختي حطي زوجك في عيونك ترى الزوجة الزنانة والحنانة تكره زوجها فيها وتخليه يمل منها ..

خلي حياتك كلها سعادة وردي شوي من جمايله بأنك تسوين له إللى يحبه

أتمنى رسالتي وصلت وأتمنى لك حياة سعيدة

__________________

تسلمين الممشوقه على مرورج

الصراحه انا من قلت لهم انه هذا شي بيني ويبين زوجي ومتفاهمين عليه خلاص حطيت لتدخلهم حد لانه بالفعل خواتي كانوا متعبيني وايد

مشكوره ام جمانه كلامج الصراحه رفع معنوياتي

بس حبيت اقولج اني انا ابات في بيت اهلي كل نهايه اسبوع باليومين وساعات بالثلاثه

بس تسلمين اختي على مداخلتج اللي اكثر من رائعه

الله يوفقج

ام جمانه وفت وكفت انتبهي لزوجك واحمدي ربك غيرك لا مسجات ولا ولا....

واشكرك ياام جمانه.

اتمنى لكم كل التوفيق.

الاخت غلا حماك ربي


اختيارك هو الصح وان مع الاخت الممشوقة في قولها

زادك الله سعادة لعقلك وحبك لزوجك

أنا أشوف أن [[ الممشوقه ]] و [[ أم جمانه]] ... ماقصروا ... عليك بالمره ....


حبيبتي ...


إذا فكرتي في يوم أنك تهدمين بيتك بيدك ... أسمعي من فلانه وفلانه ... وأخذي بكلامهم ... وخليه يأثر فيك ... وسببي مشاكل أنتِ في غنى عنها ...