السلام عليكم...عندي استشاره متزوجه من 4سنين وعندي ولد ماتقبلت زوجي شكليا من قبل ماتزوجه لكن اهلي زوجوني اياه بسبب اني كنت لحالي وامي متوفيه طبعا من صباحية الزواج وحنا في مشاكل اخبرته بكل شي اني مابيه قلت انت اسمر شايب كل الي بقلبي قلته والى يومكم هذا وحنا مشاكل كل ماشفته نفرت منه واذا قال بطلق ارفض واعتذر لاني ماعندي احد والديني الله يرحمهم ومالي خلق حريم اخواني اذا شفت رجال مثقف ووسيم اكره زوجي اكثر ادري غلطانه لكن موبيدي عايشه في الخيال واني يمكن اذا تطلقت يجيني رجل مثل ماتمنى لكن خايفه المهم اليوم صار شي ماكنت اتوقعه لي ايام ماكلمه ولاني طايقته اليوم عصبت على ولدي وسمعني اسبه واسب زوجي قال لي انتي طالق حهزي اغراضك طبعا ماناقشته ولا تكلمنا طلع ثم رجع اخذ الولد يمشيه وقال لي لاعاد اسمع صوتك ماطلعت من البيت ولا قلت لاحد نفسيتي جدا تعبانه مابي الطلاق وفي نفس الوقت عجزت اتقبله شكليا هو مو.قبيح لكن ماحبيته مادري الي فيني اكتئاب ولا ايش لاني حتى نفسي ماني متقبلتها مراهقتي عشتها وخيده ومحرومه مادري هي السبب في الي انا فيه زوجي الرجال اغلبهم يمدحونه من ناحية انه يقوم في الواجب معهم لكن انا احسهم يستضعفونه مادري ليه لو تطلقت بجلس انتظر وممكن يجيني اقل منه وهو اهله راح يوقفون معه ويزوجونه لكن انا بجلس عند حريم اخواني ادري الي سويته بداية زواجي اكبر غلط ولا راح ينساه لكن غصب عني محتاره جدا وابي المشوره لانه حتا اخواني علاقتي فيهم اقل من عاديه مافيه ترابط

ربي ييسر امورك ويشرح صدرك لما فيه الخير..

هو شنو مصبره عليك ...!
مادام قلتي ماابيك وشكلك مومتقبلته ماني مرتاحه لك.؟!
ياشين المرأه الي ظروفها ماتسمح تفارق زوجها وهي كارهته ، انانيه تحب نفسها ، لو ظروفها زينه كان كبرت عليه اربع تكبيرات ...

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

مدام مو قبيح و لا منفر
فأنت عايشة أوهام عليك ان تصحي منها
هل انت مثلا ملكة جمال او ذات حسن عال ؟؟
او شكلك يشابه البنات حولك.
هو نفسه ترى بعد نفس نموذج الرجال حولك لا تعيشي دور التعاسة وأحمدي الله على النعمة. استقرار. ولد. صحة.

__________________

عزيزتي, الكثير من الناس يحبون أن يعتقدون أن الزواج المفروض على البنت لا يقع في زمننا هذا.. قد لا يقع على طريقة المسلسلات لكنه يقع بسبب الظروف الحياتية و أعرف انسانة مثقفة و من عائلة كبيرة و معروفة تزوجت بسبب ظروفك من شخص لا تحبه ولا تطيق شكله.

تلك الفتاة الآن لديها ولدين و "معيشة نفسها" مع زوجها و ابنائه و تحاول تتأقلم مع الحياة.

من حقك أن تحلمي و تتمني شاب صغير و وسيم و غني و مثقف إلخ..
لكن هل تعتقدين أن ذلك الشاب سيحصل أنه يتقدم لك خصوصا أن عندك ولد؟
هل ستقبلين بشاب صغير و وسيم و حالته المادية بسيطة؟

نحن لا نختار من نتزوج, حتى نحن الشباب.. الظروف و الحياة و الجمال و المستوى المادي و الإجتماعي يحكم على الجميع بالإختيار. فلازم انتي تفكري بنفسك و بما لديك أولا من مال و جمال و مستوى اجتماعي و ثقافي قبل أن تفكري بشاب بتلك المواصفات.

ما كل ما يتمناه المرئ يدركه!

أبدي مشروع او توظفي حاولي تستقلين عنه ماديا يمكن يجي يوم يطلقك تكونين جاهزه

احد يقول لأحد في وجهه انت شين وانا مابيك اكيد راح يكرهك هو انسان ولو مشاعر ولو حطيتي نفسك مكانه بتعرفين انك ظالمته

عموما حلم انك تتزوجين شاب وسيم وغني انسيه ..وخلك واقعيه محد راح يرضا يرتبط في انسانه متطلقه وعندها عيال ... وهو شاب ووسيم وغني انسي

واصحي للواقع أحلامك بتوديك في ستين داهيه وبتدمر حياتك

انتب مو بس اول زواجك سبيتيه انتي لحد الان تسبينه


دام انتي عاايشه في الخيال خليه هو خيالك

حبيه

ادري الحب مو قرار

بس انتي قرري تحبينه .. وبتحبينه


صرااحه يا صبر الرجال

__________________
أعلل النفس بالآمال ارقبها .. ما أضيق العيش لولا فسحة الأمل

لا الحمد لله مو قبيح مقبول وحتى عمره 31 يعني لسى صغير لكن مادري ايش المشكله بالضبط الحمدلله ولدي يسوى عيوني الله يحفظه يمكن لان صار خطبه قبله لرجل افضل منه من جميع النواحي مع اني ماشفته لكن حسب ماسمعت ورفضوه اهلي بدون اي سبب

امين جزاااك الله خير

جزاك الله خيييرر