السلام عليكم

اول مره اكتب بهالموضوع واتمنى ماتطنشوني لأن قلبي تعبااااااااان وابي احد يريحه

من فرج عن مسلم كربه فرج الله عنه كربه يوم القيامه




أبي اعرف من الغطان أنا او زوجي وكيف نعالج المشكله




أنا بطبعي حبوبه وحنونه وقنوعه وطيبه مره مره .. وزوجي فيه طيبه وحنان وحبوب بس عيبه يكذب ويسمي كذبه تبرير .. يعني يتصل عليه صديقه وينك ماشفناك بالاستراحه يقول كنت مسافر
وأنا اقوله ليش الكذب يقول تبرير اقوله لا هذا كذب التبرير قل مشغول والا اي شي بس ليش تقول مسافر

بدايت زواجنا مدلعني ومدلعته لنا سنتين متزوجين

وبعد الأطفال عندنا 2

تغير علي كثيــــــــر نبهته وعلمته ابي يرجع مثل اول بس مافيه اي نتيجه او تحسن

قلت بنفسي اللي يطنشك طنشيه وصرت اطنشه واحس صار بينا حواجز

الناس تعتقد إننا مبسوطين بسبب بدايت زواجنا وبرا البيت مايبان علينا الا السعاده

اما بالبيت كل واحد لاهي في حاله .. هو نهاره في الدوام وبالليل على التلفزيون وغالبا على أفلام وهدا الشي مره مضايقني ومن العصر حتى العشاء بس نااااااااايم

وانا وحيده مع الهم ومع صغاري


امس كنت طالعه لجمعة بنات على أذان العشاء وقلت له بترجع للبيت قال ايه وبعدها بروح لصديقي قلت جب معاك مويه مخلصه قال طيب

نزلني والناس تصلي العشاء

و

بالليل جاء واخدني بالسياره قلت له شخبارك
هو : طيب
انا: رحت للبيت او صاحبك
هو: رحت للبيت وشربت من الشاي اللي صلحتيه وبعدها رحت لصديقتي


بعد ماوصلنا للبيت بالليل جلس على النت وانا اللبس الصغار قلت له جبت المويه قال بعصبيه وانااااا راجع للبيت عشان اجيب مويه !!!! قلت له :بالسياره تقول انك راجع للبيت
قال: ايه بس كاان وقت الصلاه

معقوله وقت الصلاه وصلني ورجع وشرب الشاي كل هذا !!! انا ماصدقته وتضايقت موعشان المويه لا .. لأنه صار يكذب معي

نام على فلم قمت ست الصباح حصلته نااااااايم والفلم مشغول وكان مقطع قليل ادب
حزنت كثيـــــــــر

زوجي مو جاهل ولا صغير ليش يسوي كذا اااه



اليوم بكيت من قلب سألني وقلت له انت تكذب علي وصار بينا صرااااااااااااخ وصياااح يقول فيه حرمه تقول لزوجها كذاااااب وين الاحترام ووووو قلت له اشوفك تكذب على اهلك واصحابك قلت يمكن تكذب علي لأن الموقف يجيب الشك


بعدها قلت له عن الفلم وبكيت .. خلاني انا الغلطانه ويقول مفروض يوم شفتيني نايم صحيتيني وش هالزوجه

يقول يابقره انتي جالسه على هالحمااااار يقصد النت مافتحتي معي الموضوع من امس

انا بكيت من كل قلبي على تغيره وين اول كان حنون وطيب

وقلت له خلاص مااتحمل هالعيشه كلن في حاله اذا ماتبغاني ودني اهلي وصراحه بجلس معاك عشان الصغار ماابي يعيشون في ..... قاطعني وصرخ بوجهي ورمى المخده علي ورمى علي عبايتي وقال يلا البسيها وروحي لأهلك وكل شوي يعييييييييدهاااااااا

اااااااااااااه

ماتوقعت نوصل هالشي ابــــــــــــــــــــــــد

انا انهرت وقمت اصيح واشاهق من كل قلبي مااتخيل نفسي واطفالي مشتتين رميت عليه عبايتي

قلت له وانا اصييييييح حرام عليك انت تعبتني وانا محتاجه افضفض لأحد اما انت ماتسمع لي ولا مهتم بي
وفيك شر بس قدام الناس طيب وعندي ولاشي وينك اول وكلام كثير نسيته

قمت ادور جوالي بتصل على اخوي قال موب معطيك .. مخبيه في جيبه قلت له عطني جوالي قال لا انا بتصل قلت انابتصل على اللي ابغاااااه قال بتصل على ابوك قلت لا بتصل على اخوي وبعلمه وخبااا الجوال معاااه ورفض يعطيني

دخلت بغرفه وبكيت بحرقه واسمعه يلعب الصغار ولاكأن شي صاار

طلعت مرتين اقوله عطني جوال ويرفـــــــــض

المره الثالثه هديت وحصلت الجوال واخذته

الحين مانكلم بعض وانا كرهته كثيره خلاص معد فيني صبر له

تعبببببببببببببباااااااااااانه دموعي ماوقفت ويشوفني اتعذببس مطنشني

وين الحب اللي يقول قسم بالله كرهته ورحمت صغاري لأنه ابوهم





علموني شو اسوي ؟؟ كيف اتعامل معه تعبت مره اروح لأهلي او اطلب الطلاق او اييييييييش الحل
موب قادره انام ولا اكل وهو ماهمه اي شي

يارب فرجها علي وعلى كل مسلم

__________________

الله يعينك 00هونيها وتهون لاتكبرينها 0الكذب شكله اخذه مزحه في البدايه وصار عاده عليك وعلى غيرك 0حاولي باسلوبك تغيرينه لاتقولين كذاب ويعصب قولي شكلك نسيت وابي اذكرك بالنسبه0لعلاقتكم 0اجلسي معاه جلسه رومانسيه واحكيله اللي بصدرك وانه حبكم كان مضرب مثل والا ن بداينقرض وش السبب ؟حاولي ا نتي تنعشين حياتك وابعدي عن المشاكل لانه لو مايحبك كان اعطاك الجوال وكلمتي اخوك فهو متمسك فيك ويحبك لاكن بدا يشغل نفسه باصحابه والافلام الله ييسر اموركم0

اول كان يحبني بس الحين اشك في حبه لي

يشوفني اتعذب مع الصغار وبالبيت ولامره قال بساعدك

اااه مره تعبت

رايك ادخل اخوي بالموضوع احس الموضوع كبر مره ولازم يدخل قبل اندم دام عندي 2 اهون من 5 او 6


مشكوره رهوووومه والله يسعدك ويفرج همك

__________________

حقيقة انه ماجاب مويه شئ بسيط ممكن نسى

انا احياننا تحصل معي بعبي جوالين المويه وزوجتي تسألني عبيتها وارد عليها انه البقاله مافيها مخلصه

وانا ناسي بس ما حبيت اقولها نسيت

وما اعتقد بتوصل انها تكلمني بهالموضوع او تقولي انت كذاااااب شووف الجوالين وش كثرها بالبقاله ؟؟

اما بالنسبه لتغير زوجك بعد الزواج قولي لي على زوج ما تغير

كل الازواج يتغيرون

كنت اكلم زوجتي كل يوم او يومين وكنت ارسل لها رسايل وانا بالدوام والان توقفت مو معناها اني ما احبها

متى اخر مره اهديتي زوجك هديه

متى اخر مره ارسلتي له رسالة حب

متى اخر مره انتي جددتي ايام الزواج الاولى ولبستي احلى لبس

اشياء كثيره لازم تجددينها معاه علشان ترجعين الايام الاولى


ولا تقولين له كذاااب خبط لزق وش تتوقعين ردة فعله ؟ وانتي تقولين له هالكلام بانفعال واستفزاز ؟

عاش الجوهر

زوجي متغير بكل شي حتى بطلعاتنا مع بعض وبجلستنا في بالبيت ومساعدته لي قبل الاطفال يساعدني اما الحين لا لا مع اني الحين احتاجه اكثــــــــــــر

والمويه ماهمتني اللي ضايقني كذبه المتكرر علي وعلى اهله وعلى اصدقائه

اما اخر هديه في العيد اللي توه رايح واخر رساله هو قالي من تزوجها خلاص انسي الرسايل

اما التجديد عشان ترجع ايامنا والله ماأقصر يروح لدوام معه فطوره من تصلحي ويجي والغداء جاهز واشكال يحبها وانا لابسه ومتعطره وو وو




انا اعتقد ان الطيب بهالزمن هو الضحيه
هل صحيح؟؟؟؟؟


رايكم الحــــــــــــــــــــل وشو ؟؟

والله تعبت من التفكير

__________________

فيه واشوف نماذج من اقاربي 5 سنوات عمر زواجهم وبينهم اطفال وحبهم يكبر وواضح قدامنا ماشاءالله عليهم

الله يحفظهم

رايك ادخل اخوي بالموضوع ؟؟؟؟؟؟؟

__________________

اختي مشكلتكم بسيطه بس تحتاجين انك تقربين من زوجك اكثر

كثير من الرجال بعد مضي فتره على زواجه يحن الى ايام العزوبيه

يرجع للسهر يرجع للحرية اللي يحس انها مسلوبه منه

لكن يرجع لبيته

انا اقول ومن رأيي الشخصي حاولي تسدي هالفجوة اللي كل مالها تتوسع بينكم وتبعدكم عن بعض

النهار زوجك بالدوام ولما يرجع اكيد يتغدا وينام

تفاهمي معاه على تغيير نظام القيلوله من العصر للعشاء طويل متى ينام الليل ؟

بعد العصر الى المغرب كافيه

تقربي منه وقت الافلام لا تتركينه الحاله يتفرج على افلام تفرجي معاه جيبوا فشار عصيرات فصفص

لا تجلسي على النت وتهملي زوجك لانه يأثر فيه كثير

اذا رجع من الدوام لابد من استقباله بإبتسامه انتي واطفالك

جلسه مصارحه بالليل الهادئ واطلبي تطلعون تتمشون اخر الاسبوع

لو تقارني مشكلتك مع باقي الأأخوات تعرفين انك ما ذقتي من الألم شئ اختي الكريمه

والله يوفقك ويسهل امورك

هذا انتي قلتيها بنفسك

حتى اقاربكم اللي لهم 5 سنوات وقدامكم يبان انهم سعداء بس قدامكم لكن لكل البيوت اسرار

وانتي وش فيك مركزه على تدخل اخوك بالموضوع ترا مو لصالحك تكبرين السالفه وهي مو مستاهله

موضوعك محتاج شوية شطاره منك وانتي توك ببداية حياتك مالك الا سنتين متزوجه

ومشكله مثل هذي ما تعتبر مشكله بس سوء تفاهم بينكم

اجلسي مع زوجك وقت اكثر والعبوا سوى انتي وزوجك واطفالك وان شاء الله تتغير الامور للأفضل

عاشق الجواهر

مشكور والله يجزاك خير والله يسعدك ويفرج همك

ماتتصور ان ردك بكاني


حاولت اتقرب منه بس هو يصد يشوف فلم اقرب منه اكلمه بس داخل جووووووووووووو مع الفلم ااااه بهالحال مالي ونيس غير النت

بعد مايخلص الفلم يلتفت لي يقول اخبارك ...؟؟ صح النوم يارجل !!!

يبغاني على مزاجه



مشكلتنا مو صغيره جرحني كثيــــــر وش اكبر من الجرح تطرقت معه لطلاق وتدخل الأهل مع اني كنت ارفضها لأن المشكله تكبر وتتعقد بس صار اللي صار

قلت له الله يحرق قلبك مثل ماحرقت قلبي

وعاااااااااااااادي ياكل مكسرات وينام ويلعب الصغار وانا ابكي وابي افضفض لأحد بس مافيه احد جنبي وجوالي خذه مني







ساعدوني تكفوووووووون بديت اكرهه مدري اكره افعاله مدريييييييييييي

__________________

عاشق الجواهر

مشكور والله يجزاك خير والله يسعدك ويفرج همك

ماتتصور ان ردك بكاني


حاولت اتقرب منه بس هو يصد يشوف فلم اقرب منه اكلمه بس داخل جووووووووووووو مع الفلم ااااه بهالحال مالي ونيس غير النت

بعد مايخلص الفلم يلتفت لي يقول اخبارك ...؟؟ صح النوم يارجل !!!

يبغاني على مزاجه



مشكلتنا مو صغيره جرحني كثيــــــر وش اكبر من الجرح تطرقت معه لطلاق وتدخل الأهل مع اني كنت ارفضها لأن المشكله تكبر وتتعقد بس صار اللي صار

قلت له الله يحرق قلبك مثل ماحرقت قلبي

وعاااااااااااااادي ياكل مكسرات وينام ويلعب الصغار وانا ابكي وابي افضفض لأحد بس مافيه احد جنبي وجوالي خذه مني







ساعدوني تكفوووووووون بديت اكرهه مدري اكره افعاله مدريييييييييييي

__________________