السلام عليكم...
انا قبل شوي كلمتني صاحبتي تقول انها مضايقه بسبب موقف صار لها مع زوجها وضاااايقها بالمره.. وتبي رايي..

قصتها:
تقول كان عندهم قبل كم ليلة حفلة زواج وتمت على خير وبعدها بليله كان عندهم عشاء في بيت اقاربها (اصحاب العرس) كانت على خلاف مع زوجها وكاان مضايق مرره ومعصب.. المهم راحت الى بيت اقاربها ومعاها خوات زوجها وامه وقالو خوات زوجها انهم ماراح يطولون يبون يجلسون ربع ساعه بس سألوها قالت انها تبي تجلس نص ساعه فطولو المده.. بعدين البنت راحت وتونست هناك جلست مع خوات زوجها شوي وبعدين قامت عنهم تسلم على الموجودين
مرت النص سااعه بسررررررعه ولا حست فيها.. بعدين جتها وحده من اخوات زوجها وقالت لها فلان الحين بجي شرايك بتروحين او بتجلسين؟ قالت اوكي قالت لها: اجلسي احسن وسعي صدرك.. المهم انتي على راحتك اهوه كلمنا وقال لنا انه برا طلعنا ليه مالقينا رجعنا اتصلنا عليه قال انه في الطريق وقرررررررررريب مره فأحنا بنستناه برا...
وراحت عنها...
وهيه جالسه اتصل عليها زوجها قال ليها مابترجعين؟ قالت له : استناني شوي الحين طالعه..
على طول لبست عبايتها وهيه طالعه على الباب مجموعة من النساء داخلين سلمت عليهم على السريع وطلعت..
اول ماركبت السياره سمعت زوجها يقول "لا زم يصير كذا... لازم" هيه عرفت انه مضايق منها هذا غير عن خلافهم بعد..
لما رجعت البيت "ساكنه مع اهل زوجها" قالت له ابيك شوي..
كلمته بالموضوع وقالت: يافلان ايش فيك اليوم؟وليش قلت: "لا زم يصير كذا... لازم"؟؟؟؟؟؟؟؟
صار بينهم كلام كثيييير المهم قال لها (لما كنت استناك تدرين اني مشيت عنك بس امي وخواتي خلوني ارجع!!! )
المهم دااار بينهم كلام اللي تقوله في النهايه تصالحو بس لسا تحس نفسها انها زي اللي انذلت قدام ام زوجها وخواته
ماتدري كيف ترتاح تقول انه اعتذر لها بس مي مقتنعه تقول ماراح تقتنع الا اذا اعتذر بطريقه مباشره او غير مباشر قداام امه وخواته..........

تقول تحس بأنها مثل اللي انهانت وانجرحت من هالحركه مي قادره تنساها كيف يتركها ويمشي عنها ؟
طيب اللي داخل البيت لما طلعت الكل شافها انها طالعه (تقصد البيت اللي كانت فيه المناسبه)؟ ايش راح يسألونها لما ترجع؟ ليش مارحتي؟ وايش بتقول لهم؟ وهي كانت مستعجله تقول لهم زوجي برا يستناني!!!!

تقووول الشي الوحيد اللي يريح بالها انه يعتذر لها قدام اهله!!!

ايش رايكم تشوفونها كويسه؟

من وجهت نظري مو مقتنعه بالحل عطيتها رايي بس مااقتنعت!!

ليس عيب ان يعتذر لها زوجها امام الجميع...وانما ذلك ياتى منة هو...من نفسة..,ليس هى التى تقل لة افعل ذلك ...وعموما....يكفى انة اعتذر لها بينها وبينة...فالمهم زوجها وراحتها وراحتة...وليس الاهل...واعتقد انهم لن يضعوا الموضوع فى بالهم...فالطبيعى ان يحدث مشاكل بين المتزوجين..فاكيد والدتة تقدر ذلك الامر...فيكفى انة خاف على مشاعرها وصالحها ....والله معها

السلام عليكم

بصراحه الرجال عموما اذا عصبوا ما يفكرون في شي

وهي ايش دراه انها قاعده تسلم عالناس وهي طالعه
بعد هو حس بالاهانه وهو ينتظرها براا
كويس منه اللي دق عليها وقالها تعالي ما راح وخلاها لحالها في العزيمه خصوصا انه كان معصب من قبل

مشاكل الزواج يبي لها صبر وطبيعي يصير لها موقف زي كذا قدام اهل زوجها بحكم انها ساكنه معهم

قول لي لها تتعوذ من ابليس يمكن خوات زوجها عادي عندهم اللي صار ولو يعتذر بيكبر المشكله وهي صغيره

خلاص تنزل عندهم ولا كأن شي صار

هذا رايي وهي تسوي اللي يريحها

__________________

اللهم احفظ لي والداي واسكنهما فسيح جناتك

كان ردي لها نفس معنى ردودكم انه ماله داعي تبكر الموضوع وهذا شي عادي
وتركي عنك الشيطان وخليه بعيد عنكم..
قالت لا احس اني انهت قدامهم ونزل من قدري..
قلت لها : انتي تبالغين... صحيح صعبه بس مو لدرجة انه بيروح ويعتذر قدام خواته وامه!!!!

تقول حتى لما تقرب لها "يعني يبي يجامعها" في البدايه كانت تماام ومتفاعله معاه بس بعدين مره وحده كذا انطفى عندها الحماس لأن الموقف رجع في بالها مره ثانيه..

قلت لها: انك تتابعي الشيطان وتخليه بينكم.. انسي الموضوع خلاص صااااااار وانتهـــــــــــى ولا تكبرينها هذا زوجك.. سندك.. لا تخلين اقل شي يأثر بينكم وبعلاقتكم مع بعض...

بس مااقتنعت بكلامي... ابي رد يقنعها ويترك عنها هالوسواس...الله يهديهاا

عموما مشكوووووووووووووووووورين على ردودكم...

الافضل انها تقفل على الموضوع ورجلها فوق راسها



الحين زوجها قايل لها راح اجي اخذك

وتقعد تسولف وتنبسط
ويوم وصل عند الباب
لسه ما لبست عبايتها


على فكرة انا سويت كذا

اول شهر من زواجي


قلت يالله اطلعي

وانتظرتها دقيقتين

رغم اني قايل لها قبل لا اكون واقف عند باب اهلها ب 5 دقايق

الزوجة اذا زوجها قايل الحين ابجي

المفروض تقوم وتلبس عبايتها وتخلي كل اغراضها قريبه عندها وجاهزة
واول ما يوصل تطلع علطووووول

وبس

أنا بصراحة ماأشوف فيه مشكلة كبيرة

المشكلة الحين إنها تقول : لـــو مشى وخلاها وش راح يكون موقفها ؟!!!

لـــو مشى وهي رجعت للبيت اللي كانت فيه وش راح يكون موقفها ؟!!!

صارت فيه مشكلة من لا مشكلـــة

ماأشوف المسألة فيها " كرامــــة مهانة " على حد قولهــا !

الوضع طبيعي وهم من البداية وقبل تروح ، كان وضعهم مكهرب شوي

فـ شي طبيعي إنه يكون متضايق ..

المشاكل الصغيرة هذي المفروض ماتكبر أكثر من حدود الجلسة الوحدة

لأنها ماتستاهل أبدا ً ، والتنازلات بين الزوجين بمثل هالمواقف مطلوبة

لو كل مشكلة صغيرة كبّرنها وصارت فيها كرامة وماأدري إيش كان مااحد استمر زواجه

أكثر من سنة إن ماكان أقل !

وصيّ صديقتك تنتبه لاتكبر المشكلة أكبر ، وتحاول تبعد مسألة الكرامة لشيء يستاهل ( وإن شاءالله ماتوصل لهالحد )

وقوليها تنازلي شوي ، وشوفي أخطائك وتقصيرك وحاسبي نفسك أكثر قبل تحاسبين

زوجك ، لأنه كثير من الناس يشوف أخطاء غيره ويحسب نفسه معصوم من الخطأ ..

ذكريها بقوله : إنما هو جنتـك ونــــارك ..

أنا لاني مع زوجها ولا معها ، أنا أشوف المشكلة من مكان وزاوية غير لو كنت مكانهم

أتمنى أصبت وحصلت الفائدة المرجوة ..


وبالتوفيق للجميع ..

أختي ماهذا يعتذر وتعتذر ؟؟!! لا يوجد بين الرجل وزوجه كرامه لقد مر الموضوع بسلام وأجد أنه لا داعي لفتح باب جديد من المشاكل وأود أن أوضح أن المخطأ من البداية هي صديقتك لقد كان الجميع متجهز للخروج إلا هي أي أن الغلط قد بدى منها ومن البداية كان زوجها زعلان عليها فلماذا أصرت على معاندته ومضاعفة الزعل ؟؟
آسفه إن كنت قد قسوت بكلامي ولكن هذا أولاً وأخيراً لأجل مصلحتها ويتراءا لي أنها حديثة عهد بالزواج لذلك أنصحها لا تعمل من الحبه قبة على مواضيع صغيرة وإلا لن يكن للمواضيع الكبيرة أي مكان عند زوجها وسيعتاد على زعلها

انا لو بموقفها
مارح يبرد قلبي الا لمن يعتذر لي قدام اهله
والا ببتل مطنقره الا اجل غير مسمى
يختي احس كل شي ولا تروح هيبتك عند اهل زوجك
مهما كان خلافاتهم المفروض تكون بينهم
ماالمفروض يفرد عضلاته ويبين انه سي السيد
قولي لها الا تطنقر عليه لين يبرد قلبها
باعتذار قدام اهله
ان سكتت هالمره رح تصير بعدها مرات كثيره

..

الله يسامحك ( انا كذا) هالحين لما المراه تتاخر عن زوجها خمس دقايق يعصب ويزعل اما لوتاخر هو ساعتين يقول حر كيفي ؟؟ اذا تاخرت الزوجه ويش فيها ماغلطت لو تاخرت زياده ها اقول عصب لكن مو حلوه لما تقول رجلها فوق راسها ليه هيه مو بني ادام تزعل ايش رايك لو وحده قالتها الك المفروض يكون كلامك اخف كل زوجين يتزاعلوا ويرضوا عادي لا فيها جبر ولاشي


اما متى اشوفك ............ هدي صديقتك قوليلها سايسي زوجك كان معصب عادي صح انها تحس انه زوجها تعدى عليها قدام اهله واحنه عامتا كنسوان مانحب حد يقلل قيمتنا قدام اهل زواجنا خصوصا لانا عايشين معهم لكن خليها تصبر صدقينا بعد ماوضحتله زعلها مااعتقد بعيدها

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..