بسم الله الرحمن الرحيم

السلام عليكم ورحمة الله وبركاته

موضوعي شنو هي أفكاركم للعيد ماحد يسير فكره لبعيد

أقصد هل أنتم من يفضلون سفر ليلة العيد مع حريمكم ؟؟ (( من غير يهال ))

أو قضاء ليلة العيد بفندق او أي مكان تحجزونه من باب تغيير ؟؟؟

أو في بيوتكم ويا اليهال ؟؟؟

عاد أنا بعلمكم عن اللي أشوفه ...

عن نفسي بصراحه ما حصلي شرف بعد وعيدت بيتي كانت الاعياد اللي طافت بين ثلاث أماكن أول عيد طرت ويا ربع سفريه ,, ثاني عيد قضيته بالمستشفى ,, ثالث العيد قضيته بروحي بالبيت والمدام بيت أبوها

عاد هذا العيد كلي أمل ورجاء انه يكون غير ,, ولا على أول طياره مغادر (( أتغشمر ))

بالنسبه لاخواني بحكم انه كلهم عندهم يهال الله يخليهم لهم ويبارك فيهم ,, والوالد معودنا ليلة العيد يحجز لكل واحد فيهم بفندق فقط له ولزوجته (( عيدية الوالد )) فيطلب منهم ترك يهالهم عنده بالبيت وهو عاد يجمع اليهال ويسير فيهم لاي مكان أكثر شيء لدبي ,,, عاد أنا المسكين كل مره يحجز لي ويكنسل حجزي بالنسبه للتغيرات التي تطرا علينا أنا وزوجتي

بالنسبه للربع بعضهم يقولون يفضلون أول ليله يتمون ببيوتهم وثاني يوم يطلعون ويا عيالهم ,,

والبعض منهم يكون مرتب اموره ليلة العيد يكون بطياره وما يرد الا ثالث او رابع العيد ,, وعقبها يرد ويمشي أهله (( أصبحت غير مؤيد لهذه الفكره ))

أبغي أعرف من باب الفضول شلون تقضون ليلة العيد ,, وهل بعضكم يرتب لها من قبل لعيد ؟؟؟ ولا كل شيء على الوكل ؟؟؟

ما عليه الموضوع متلخبط لاني اكتبه بنص عين ,, لكن قلت أبد مب راقد لين ما أكتب هالدرر

__________________

الحمد لله على كل حال

تقصد الليله الي قبل العيد ولا ليله يوم العيد ..

وطيب كيف تعيدون اهلكم مع يهالكم ؟؟؟؟؟

__________________

أنا عيدي غريب و ماني حابة انكد عليكم

لأني 3 او 4 أعياد كنت اقضيها بالدوام بالجامعة في الغربة
و العيد اللي فات ماحسيت به، لانه امي كانت مريضة و أنا كنت حامل

يعني خمس سنوات تقريبا، ماذقت طعم العيد ..
و السنة هذه ماعرف كيف بتكون ؟؟؟

بس قلت لزوجي باحجز شاليه و نروح ثالث يوم العيد
حابة أشوف البحر و أغير نفسيتي و ارتاح

زمان كنا اول يوم طبعا نعيد على امي و غالبا الكل يكون نائم
و تاني يوم عند الأعمام و العمات و زي كذا

و ثالث يوم نتجمع كلنا في بيت كبير العيلة و نتعشى سوا او نحجز مسبح
و كلنا نتجمع

بس العيد هذا ما أظن

العيد عليك مبارك قبل الزحمه

بالنسبة لي _ سابقا_ ماكنت اعيد مع زوجتي الا ثالث العيد!!
أما ليلة العيد ... أساساً ماتكون عندي بالبيت .... ماعدا عيد واحد وتهاااوشنا صباح العيد
الغالب نروح فندق، أما السفر ... مرتين سافرت بها الوقت وبعدها هونت، أحسه وقت مو مناسب، بعدنا مخلصين شهر فضيل، وغير كذا مناسبات وارتباطات عائلية مانقدر نخليها.

__________________
سبحانك اللهم وبحمدك, نشهد أن لا إله إلا أنت, نستغفرك ونتوب إليك.

احضر هديه لزوجي وهو كذلك وهالمره سئلته ايش نفسك تكون الهديه

وقريب بشريها وبنسوي حفله قاتوه وعصير في ليلة العيد مو يوم العيد وبعدها بيوم بنسافر على دبي دار الحي مثل كل سنه ونكمل عيدنا هناك بعد مانعيد مع الاهل
في دار ابو متعب

عيد بأيّة حال عدت ياعيد ..


الله يفرّج عنا وعن أمة محمد جمعااااء .. والحمدلله على كل حال ..

العيد عندنا ولكل الشرائح والطبقات الاجتماعية هو مع الأهل والاقرباء ..

اذكر منذ بضع سنوات بدأ الجيل الجديد من العائلات

بعادة جديدة وهي السفر مع الزوجة والأولاد في أيام

العيد .. لكنها قوبلت برفض واستهجان ممن هم أكبر

سنا .. لأن العيد عيد بصلة الرحم ولقاء الأقرباء

لذلك رجعت العادات القديمة في قضاء أيام العيد ..

فمنذ الصباااااح حتى المساااء ندخل ببيت ونخرج من

بيت .. طبعا زيارات ( معايدة ) سريعة جدا ..

وكما أزور مع زوجي أهله وأقربائه هو أيضا يعايد

معي أقربائي وأهلي .. طبعا هناك غداء حااافل عند

أهلي مثلا لنجتمع أنا وأخواتي .. وكذلك عند أهل

زوجي وهذا هو ماعليه أغلب الناس ..

لاشك أنه متعب ومنهك فلاينتهي العيد إلا ونحن خائري القوى .. من سباق الماراثون هذا بين بيوت الأقارب والاهل .. ولكنه شعور رااااائع ..

كنت أظن أن مثل هذا البرنامج في العيد قد لايعجب

الأطفال .. لكن اكتشفت أنه يروق لهم جميعا ..

لأنها فرصة ليلتقوا بعدد كبيييييير ممن هم في أعمارهم

وممن قد لايتسنى لهم فرصة اللقاء بهم إلا في الأعياد

مثلا ابنتي تلتقي في العيد ببنات بنات خالاتي

وببنات بنات عم زوجي وهكذا ..

وفي زيارة البيوت سباق مارثوني آآآخر .. هو سباق

أكل حلويات العيد .. لأن أغلب ستات البيوت يتبارين

في صنع ( معمول العيد ) وكل واحدة ترغب أن

نتذوق صنع يديها لنعطيها رأينا الصريييييييييح ..

لذلك شيئ طبيعي وأحد مظاهر العيد أن تشم رائحة

( المعمول ) تفوح من البيوت ليلة العيد ..

طبعا قد يسافر البعض ولكن ليس في الايام الاولى ..

الأيام الأولى للأهل والأحبة ..

العيد شيئ راااائع .. ربي لاتحرمنا فرحة العيد

جعل الله أيامكم فرح وسرور وحبور دوما ..

__________________
بالغار كللت أم بالنار ياشام ..أنت الأميرة تعلو باسمك الهام ..

سبحان الله عوايدنا نفس عوايد دانة سوريا


عندنا العيد يبدأ من بعد صلاة العيد مباشرة
نروح للجيران ونعايدهم ( جيرانا قرايبنا ( عم امي وابوي وعياله وعوائلهم وعيالهم وعوائلهم )
ويكون الغدا فحارة معينه ( بما اننا كلنا جماعه وقرايب )
نتغدا بعد الحلويات والقهاوي والشواهي

وكلن يرجع لبيته على صلاة الظهر عشان ينامون لان برضو وراهم عيد بحارة ثانيه ( ايضا قرايب )
و اللي ماعايدوه فالصباح يعايدونه بالليل او فقط مرور لشرب القهوه واكل الحلويات
ومتى ماصادف غرف العشا كلن يجلس مكانه ويتعشا ( لان مواعيد العشاء تكون مع بعض جميع البيوت )

على الساعه 1 بالليل ينتهي العيد استعدادا للنوم لان فالصباح يتكرر نفس المواااال لمدة ثلاث ايام

يعني تقريبا 6 اعياد ف مممم والله ناسيه كم حاره بس ماشاء الله تبارك الله والله لايغير علينا

كثيـــــــر لدرجة ان يكون العيد مو فحاره وحده لا فكذا حاره والحارة تضم حدود عشرة بيوت او اكثر

يعني العيد وناسه بكل ماتعنيه الكلمه سواء للكبار او الصغار او الشباب

ومستحيل احد يفكر انه يسافر اصلا كل اللي فأعمالهم فالمدن ينزلون للقريه
واللي مايقدر ينزل الكل متأكد انه ماعاد الا يبكي من القهر

بس بصراحه اذا خلصت ايام العيد الكل يحس بكآبة ليه مدري
بس اتوقع من بعد شدة الوناسه والتعب يفقدون كل شيء فجأة

__________________

توفي شاك كنتي تكتبين وأنتي راقده مثلي

قلت العيد يعني أكييييييييييد أقصد ليلة العيد

هييه يعيدون ويا لاهل واليهال طول اليوم ,, وعقبها يتركونهم عند الوالد والوالده الله يحفظهم ويسيرون مكان ما هم مرتبين فندق أو شاليه المهم بروحهم

__________________

الحمد لله على كل حال

حصلت أحد يواسيني ومثل حالتي

__________________

الحمد لله على كل حال

العيد برأيي ما نحسه إلا بلمة الأهل والأحباب
والعرسية والمشاوي ..
إذا سافرت ما راح أحس بالعيد ..
وكل اللي بالمدن يرجعون لأهاليهم
بالقرى ..
فالعادة معنا اقتضت أيام العيد الثلاثة أو الأربعة أهلية..
نضحك نسولف نجتمع نتذكر ذكرياتنا ..
نعيد اليهال .. ونسوي مسابقات ونتبادل هدايا
جو العيد ما يقتصر على الزوجين بس الجميع ..
لأنه الأيام الثانية تقدر تطلعوا بروحكم وتعيدون ..

ربي يبلغكم العيد وإنتو بصحة وسلامة يارب ..

__________________