السلام عليكم ورحمة الله
هذه اول مشاركه لي واول مره افتح هذا الموقع واتمنى ان اجد الصدر الرحب
اتوقع منكم انكم عرفتوا مشكلتي من اليوزر نيم واعذروني باتكلم عن المشكله بشكل مفصل وانا والله واثقه باذن الله ان اجد حل لمشكلتي عندكم هذي اول مره اكتب مشكاتي في منتدى لاني ماقدرت اكتم بصدري العذاب الي احس فيه لاني ماقدر اشكي همي لاحد سوى خالقي لانه هوه وحده القادر ان يزيل همي ويفرج كربي
الموضوع وما فيه انا متزوجه من سبع سنوات انسان خلوق محافظ على قدر كبير من الاخلاق يحبني واثقه بحبه لي لان معاملته لي تثبت هذا الحب فهو يحترمني ويحترم اهلي ويقدرهم وكريم الى ابعد درجه طبعا لا تخلو حياتنا من المنغصات والمشاكل وهذا شئ طبيعي في اي اسره
اكيد بتقولون وين المشكله مع هذا الانسان الملاك الي الكل يحسدني عليه المشكله اني انا والناس من حولي واهله وكل الي يعرفونه واثقين فيه ثقه عمياء لان كل افعاله تدل على صلاحه فهو يصوم بكثره ويتصدق وطيب الى ابعد حد تخيلوا بعد هذا كله والثقه الي مالها حد اكتشف انه يخوني مع وحده طبعا الي كشفه الله سبحانه كان منزل برنامج في جواله تسجيل مكالمات ونسى وحده من مكالماته معها في الجوال طبعا هو انسان فاهم جدا في الكمبيوتر وفي الجوال والله معطيه الفهلوه بس للاسف استخدمها في الغلط ولما ارادالله ان يفضحه فتحت المكالمه وياليتني ما فتحتها
اسودت الدنيا بوجهي صدمه كنت اتوقعها من كل الناس الاهو............. واجهته واعترف انه تعرف عليها عن طريق الماسنجر وتركها من زمان بس رجع يكلمها قبل اسبوع بس وللاسف الشديد كانت المكالمه في شهر رمضان يصوم النهار ويصلي التراويح ويرفه عن نفسه بالحرام
بعدها ككككككككككككرهته كره العمى احرق قلبي حرق. كل ما تذكرت الموضوع اقسم بالله اتعذب عذاب مااحد يحس فيه الا الي جرب سكين الخيانه
طبعا اعتذر لي وحلف ايمان بالغه وعاهدني بالله ما عد يرجع وان يترك الماسنجر للابد وعاهدني في الحرم انه مايرجع يكلمها وايضا كلمها قدامي وانهى علاقته معها وبكى قدامي وللاسف صدقته وهولحظتها كان صادق وفعلا ترك الماسنجر الى الان
طبعا الكلام هذا في رمضان قبل الماضي ويعني مرت علي سنه واكثر وما اخفيكم اني رجعت اثق فيه نوعا ما وتعامله معي كان قمه في الاخلاق رغم المشاكل الي صارت من شك وتحقيق وعذاب كنت اعيشه من خوفي انه يرجع والحمدلله مرت الفتره بسلام
بس للاسف يافرحه ماتمت كنت قبل اسابيع يجيني شعور غريب كنت اتمنى افتح الشات ا تمنى اكلم بالتلفون واشبك مع اي احد بس الحمدلله تغلبت على هذا الشئ بفضل الله وحده فسالته ان يحييني عفيفه ويميتني عفيفه
وحسيت ان الشعور هذا وراه شئ حسيت ان زوجي ضعف ورجع وصرت افتش جوالله وسالته عن اشياء فيه وانكر وحلف بالله كذب رغم اني كنت متاكده وايقنت بعده انه رجع وظليت وراه واحلفه بالله واطلب منه يحلف على المصحف ورفض يحلف على المصحف لكن دعيت الله من قلب ان الله يفضحه لي وفعلا اعترف لي انه تعرف على وحده من دوله ثانيه وصار يكلمها
اااااااااااااه يا قلبي كم كان وقع الصدمه عليه عظيم ليتني مت ولا سمعت بالي صار ليتني كنت في حلم الله المستعان
قبل الي صار بليله كنت اقله سبحان الله رجع حبك زي ماكان انا مدري كيف نسيت الي صار ورجعت احبه
طبعا من امس واحنا في نكد وكدر وطلبته الطلاق لاني كرهته وللاسف انعاد موال السنه الي فاتت من جديد ووعود وكلام كله فاضي ما عاد يملى عيني والمشكله ان عندنا ثلاث اطفال صغار محتاجين امهم وابوهم بس والله لحظتها كرهتهم على كره ابوهم وبعد محاولات وشيل وحط ريضيت اجلس بشرط خليته يقول انتي طالق بالثلاث المحرمات ان رجعت للغزل باي طريقه كانت وما حبيت ادخل اي احد في الوضوع ما ابغى افضح سره عند اهله الي شايفين انه قدوه لاخوانه فرضيت بالحل هذا ضمان فقط انه مايرجع
اما انا فخلاص ما عاد له في قلبي ذره ثقه اوحب انهيته من قلبي اعيش معه فقط عشان اطفالي
سامحوني طولت عليكم بس والله من الهم الي بقلبي وابغى تلقون لي حل لان الي سويته مابرد قلبي .......... وارجوا ماحد منكم يلومني لاني والله اني اوفيته حقه وما قصرت معه في كل شئ وهوبنفسه يقولي انتي مامنك قصور بس الشيطان اغراني وتساهلت
ارجوكم الي عنده خبره يشور علي فانا والله اتعذب وابغا النصيحه لي وله لاني احتمال اخليه يطلع على الموضوع
والي ماعنده حل يدعيلي ان الله يفرج همي
واسال الله ان يجزيكم عني خير الجزاء ويرزق كل من يرد على موضوعي براحه تملا نفسه وعفوا يغفر ذنبه ويرزقه الفردوس بغير حساب ولا عقاب
تم تعديل العنوان ليتناسب مع المضمون ..
10-02-2008, 10:04 PM
ضوابط المشاركة
العرض العادي
