مشكلتي مع ام زوجي....تكفون ادخلو عطوني الحل
بسم الله الرحمن الرحيم
طبعا قريتو العنوان
انا مشكلتي مع ام زوجي
زوجي يصير وحيدها وبصراحة مدلعته على الاخر لدرجة انه يصير اتكالي بشكل يغيظني
انا ابيه خلاص يستوعب انه صار عنده مسؤلية زوجة وبنت بس هي قاعدة تحطم كل شي اسويه
تخيلو اليوم كان زوجي موجود في البيت وكانت تبغى تروح تجيب اغراض عشان الغدا والجو عندنا بالسعودية زي مانتو عارفين بوقت الظهر حار مررررررة رحت انا قلت لزوجي ان في اغراض ناقصة عشان يروح يجيبها حرام تروح هي مشي في هالحر تخيلو قالتلو لا انا اروح اجيب اقعد
طبعا زوجي مارضى لان عارف الجو كيف بس هي قهرتني ا نا ابغى اعود زوجي على شي وهي تخرب علي دائما تسوي فيني كذا
غير طبعا اني بديت احس انها تغار مني طبعا هي ماتقول بس انا احس من تصرفاتها لاتقولون وحيدها وبعذرها معليش تحملت مافيه الكفاية
وصايرة تتدخل باشياء كثيرة احنا ساكنين ببيت دورين الدور اللي تحت لاهله امه وابوه واخته والدور اللي فوق لي انا وزوجي وطبعا بيت مستقل بكل شي عندي مطبخي وحمامي والغرف كثيرة فوق <<<طبعا ذكرت هذي المعلومة عشان في شي بقوله
بس اول شي برجع لتدخلها باشياء تخصنا تخيلو اذا جينا نطلع مكان لازم تعرف وين بنروح ... اذا جبنا اغراض لازم تعرف ايش جبنا اذا بروح الدكتورة لازم تعرف ليه
لدرجة صرت اذا شرينا اغراض اول ماارجع البيت صرت احطهم عند الدرج قبل ماادخل عندهم وبعدين ادخل
صارت احيانا لما تسمع صوت السيارة وتعرف اننا جينا تطلع للحوش تشوفنا
وانا هنا اطرطع مرررررررة انقهر
غير كذا هي اللي تطبخ بالبيت وناكل كلنا سوى انا نفسي اطبخ لزوجي بس اذا طبخت تطلع بالاكل عشرين الف علة مع انه مايكون فيه شي وزوجي يقولي انه زين والله تقهرني
واحيانا تسألني ايش نسوي اكل اليوم ولما اقولها على طبخة تقول ماياكلها تقصد زوجي مع انه ياكلها وكل مارحنا عند اهلي امي تسوي اشياااء كثيرة ياكلها وامه تقول انه ماياكلها بس اكتشف انها ماتعرف تسويها اقولها انا اسويها بس تصر على رأيها انه ماياكلها
وانا ذكرت ان عندي بيتي المستقل وعندي مطبخ
نفسي ان خلاص اصير اطبخ لحالي كيفهم ياكلون لحالهم واحنا لحالنا بس زوجي مارضي وانا مارح استسلم تخيلو قاللي تبين تطبخين فوق كلي لحالك
احيانا اسوي عشا خفيف فوق لااازم تعرف ايش سويت بس طبعا صرت اطنشها او اكذب عليها اقولها حطيت نواشف
صارت تتدخل حتى ببنتي
باكلها بشربها بنومها
ياناااااااس تعبت والله اليوم اني قعدت بعد الصلاه اصيح وادعي ربي
وفي شي نسيت اقوله اهل زوجي (امه واخته) يدخنون وانا مررررة متضايقه من هالشي زوجي الحمد لله مايدخن وهذا اول شي سألت عنه لما خطبني ولما اتزوج اكتشف ان اهله يدخنوا زوجي طبعا مو راضي عن الشي هذا بس مايقدر يسوي شي حاول معهم بس ماقدر وانا مضايقني هالشي تخيلو بعد مااضبط نفسي واتعطر قبل مايجي زوجي من الدوام القى ريحتي صارت دخان حتى لاجيت اروح عند الناس او للجامعه نفس الشي
وبنتي توها صغيرة وصدرها دايم فيه بلغم وتعبانه منهم بس ايش اسوي والله تعبت ومااقدر اكلمه بهالشي لانه يتحسس منه لانه مو راضي عنه وزوجي عنده امه فوق كل شي بس انا ماعاد استحمل تعبت اذا مالقيت حل بنفجر بوجهها يوم من الايام وانا ماابغى هالشي يصير لاني احب زوجي وبنفس الوقت ماابغى اخسره عشان اهله