السلام عليكم جميعا

عندي مشكلة صغيرة جداً أتمنى منكم مساعدتي

انا صفاتي وطبايعي نفس طبايع البنوتات يعني لو زعلت او اي شي تصرفاتي اقرب للطفولة

المهم زوجي يحب ويعشق الأنوثة

ومايحب الدلع او البنات الكيوت اللي تصرفاتهم نعومة وطفولية

يحب البنت تكون راكزه وذكية ومغرية وأنثى




الحاصل

انا مدري ايش هي الأنوثة


ولاني قادرة افهمها ابدا ابدا

نفسي افهم ايش هيا الأنوثة صدق

مااتكلم عن المواصفات الجسمانية

لا اتكلم عن التصرفات والدلع

وإلاحظه قد مايحب الأنوثة لكن يحب الشقاوة الولادية شوي يعني ينبسط يوم أسوي شغل الحواري


عجزت افهم كيف اجمع بين الاثنين

دايم يوم يعصب يقول انتي مجغه <<يعني دلع يغثثثثث .........................

عاد ومنكم نستفيد ممكن تعطوني افكاركم ونقاشاتكم حول الأنوثة نساء ورجالا اكيد فيه بنات يهمهم هذا الموضوع

انا حبيت اسال لانه مافي شي نقدر نطبقه ونتعلمه ونحبه يدون مانفك رموزه ونفهمه


وياليت تساعدوني بفك رموز الأنوثة ربي يسعدكم

__________________

اجمل مافي الانوثه العفوية..مايحتاج تصرفات وافعال مدروسه

والا على كذا صار تصنع وتحول لتصرف مالغ

بالضبط هيا عفوية لكن السؤال ايش هيا الانوثة

__________________

نفس الشيء ههههههه انا بعد ودي ادري

أنا أحب الأنوثة رغم أني مادري وشي

__________________
ياصبحِ لاتِقبل !!
عط الليل من وقتك..

ههههههههه والله لاحظت كتير مايعرفون الأنوثة بما فيهم انا 😹

يارب الاقي انثى تشرح لنا🙊😂

__________________

ههههههه
كل رد اردى من الثاني
الانوثة نوعين
شي من الله في الوحده ، يعني وهي تتكلم او تتحرك او تاكل او حتى ترفع شي من الارض تقطر انوثة
وشي بالتعلم بس هذا يبالغون فيه احياناً ويقلب لدلع سااامج
واهم شي يطلع الانوثة هو الصوت الهاااادي ، واللي ما تصارخ ابد ابد

كل امرأة عندها أنوثة
بس في نساء بتكون عندها الانوثة طاغية اكتر
الانوثة هي نعومة .. رقة..دلع...
و هاي الصفات تملكها البنت الصغيرة كمان
بس لما البنت بتكبر بتصير اكثر ذكاء باستعمال هذه المقومات لجذب الطرف الاخر
فتصبح البنت اللي كانت صغيرة و بريئة
جذابة اكثر و ملفتة اكثر و فتانة اكثر.....
في المشية ..في طريقة كلامها ..في اسلوبها..
بالنهاية حتى هاي الامور بتتعلم
اختاري شي وحدة من المسلسلات بتحسي انو تصرفاتها *انثى*
و قلديها

__________________
أبسط شيء في الأناقة نظافة قلبك

أول ماقريت موضوعك تذكرت موقف بس ترى مهو انا hh

مرة من المرات

كنت قاعدة في الملحق أنا وخالتي أم زوجي وأخوات زوجي وكنت لسة عروسة جديدة مابعد كملت سنه
وفيني رجة مهيب طبيبعية
المهم كلمت أبو الشباب مدري هو كلمني قلت له وينك تأخرت؟؟
قال في الحارة وسوس لي إبليس قلت ليش ماتروحين تتخبين ورى الجدار تروعين رجلك
إلا وأسمع باب الكراج ينفتح وأطييييييييييير أركض اتخبى ورى الجدار
واسمع باب الكراج يتسكر
وانا عاد اقوم استعد احمي يديني للخبطه
واسمع باب السياره ينفتح
واخذ نفس
وأسمع خطواته جايه
المهم مادريت الا الرجال يمشي
عاد طريقه الجدار الي عند الكراج اذا دخل يصير معطيني ظهره وآنا وراه
ياليت يوم إبليس غزني قال أصرخي في وجه أو أسحبي شماغه
بس بليس قال أهبديه
وظلام جهة الكراج
وأجي طايره وبأقوى قوة أقدرأسويها أخبطه مع ظهره من ورى بين كتوفه
<<<<الله من الجفاسه حتى في المزح خخخخخخخخخ
مسكين هو من قوه الخبطة
ومادريت الا الكراج ينفتح مره ثانيه
صار الي جاي أول واحد أخو زوجي
وهو الي تلقى الضربة أرض جو
والله إني بغيت أنحاش من باب الكراج يوم أنفتح من الفشيلة
وأطلب الطلاق
إلتفت علي أخو زوجي قااااااااااااااااااال عمىىىىى
عاد آنا بغيت أزعل يوم قال عمىىىىى
لا وبعد
<<لها وجه تزعل
جان أقول له
آآآسفه آآآسفه ومغطيه وجهي بيدي
( أحسبك فلان)
<<<<يقالك ستيره متغطيه خخخخخخخخخخ
قال تكفين خفي على أخوي
عاد آنا الي أنصى رجلي وآنا أزبد من الحمق
<<<بعير مو أنسانه
وأقوله السالفه
قال أشوى فيه ولا فيني خخخخخخخخخ
قلت رح تعذر له
عاد رجلي قال ترى فلانه تحسبك آنا لأني مكلمه قايل آنا قريب حول البيت
قال الله يصبرك ياأخوي أنتبه لاتزعلها تذبحك
اذا هذا مزح أجل شلون إذا زعلت

هذي هي الانوثه يالافندر
عاد انا اقولك ان الانوثه تطلق ع اشياء كثيره مواقف مختلفه
وهي عموما كل شي بالمراه ممكن توصف من خلاله بالانوثه
صوتها نظراتها حركاتها مفاتنها غوايتها واغراءها رقتها ونعومتها اسلوبها وطريقتها بالحصول ع الاشياء الدلع والتغنج من جهه والتمنع والرغبه من جهه طرقتها بالتعامل وخصوصا مع زوجها
ضعفها بمواقف عاطفتها وحنانها
بمعنى تقدر الموقف وتتصرف فيه بذكاء انثوي بطررريقتها الخاصه وعموما الرجال يختلفون برغباتهم من الانثى

لمن تريد اسرار انوثتي الطاغية ....

الرجاء ارسال مبلغ 10,000 ريال على حسابي ...

وسوف تحصلين على انوثة تسلب روح زوجك وتقهر اخوات زوجك

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك