السلام عليكم ورحمه الله وبركاته ابداء مشكلتي واتمنى من الله عز وجل ان القى لهااا حل بمنتدانااا الراقي واتمنى حل الاستشاريه لانه اعجبني قسم المشاكل المحلوله مشكلتي هي انا متزوجه ولله الحمد من سته سنوات عندي ولد وبنت والان حاااامل زوجي طيب ومايقصر باللي يقدر عليه لكنه مايحب السفر كل عطله صيفيه تبدا مشكلتناااا خواتي يسافرون واللي بعدي تزوجو يسافرون وحالهم دون حالنااا المادي لكن زوجي يكره السفر لاي مكاااان والوقت الحالي مدري وش فيني مررره ازعل زوجي واتكلم عليه لاني انقهر خواتي يطلعون بالليل طلعااات وانا ماروح وهو الان خلص اختبارات ورجع للدوام صرت ماتحمل كل شويه ابكي وقول ياريت ولدي يسوق اروح معه على كيفي ولدي له اربعه سنوات هو الان مشغول وانا دايم مااكلمه لصر مشغول بس الان غير اقوله طلعنا بنروح معك وانا عارفه انه مشغول بس احسه شي غصب عني لانه لصااار فاضي والا مشغول مايوديناااا ومدري هو بشكل عاااام طيب بس انا صرت ماتحمل بالله شورو علي م من حقي اطلع ليش الناااس تروح وتجي وانا ماطلع ومانقصني شي ليش انا كذا كل خواتي يلاحون علي الطفش يقلووون انتي ماتطلعين الله يعينك تصدقون صرت اكره الاجازه لان ماني طالعه جالسه ببيتي شهرين وطلعااات الليل احيانا اكون في بيتي اقفل الجوال ومن البكره اقول لخواتي احنا طلعنااا وسويناااا وانا بالبيت ماتحركت زوجي يقول انتي فيك نفسيه ليش تسوين كذا

حبيباااتي انا طولت عليكم لكني ماطرحت مشكلتي مفصله الا اني اريد حل اريد حل اريد حل مقنع وبيريحني حتى اعيش بسعاده وماخسر زوجي واولادي الله يسعدكم اشفو غليلي

إذا أردتي الصراحة
1- الحالةالنفسية للحامل لها دور في ها المسألة
2- نصيحتي لك إذا اردتي أن تستغني عن التعب ووجع الراس
أن ترفعي شعار حياتي غير ولا تقارني حالتك بحالة خواتك إطلاقا لان وضعك وظروفك وظروف زوجك تختلف عن الآخرين
عيشي حياتك وبس والك وما للناس يروحو يجو يطلعو ينزلو زوجك وسعادته أهم عندك من كل الطلعات والنزلات
ومع هذا حاولي أن تقنعيه بالكلمة الطيبة والحوار الهادئ بالذي بنفسك وإن لم يكن الا الأسنة مركبا .... فما حيلة المضطر إلا ركوبها
وبسسسسسسسسسسس
رايي

__________________

طيب ليش ما تطلعين مع أهلك واخواتك؟
انا بعض خواتي زي زوجك بس ما ضاقت صدورهم يروحون مع سواق أهلي لكل مكان..

ياقلبي .. ارضي بحياتك .. و احمدي ربك انه يعاملك بطيبة

السفر مو كل شي ...

حاولي تقنعيه .. ان اقتنع باللين كان بها و ان ما اقتنع خلاص .. عادي ايش بيصير لو ماسافرتي ؟؟

و اخواتك و غيرهم اللي يسافروا اللي يسهل لهم و مو معناه انهم يسافروا انهم مبسوطين و سعداء


انتبهي على صحتك و على الي في بطنك و اطلعوا داخل مدينتكم
و نزهة داخليه مع زوجك حبيبك و ابو اولادك و انتو راضييين

احسن من سفرة هو مغصوب عليها

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

الله يجزاك اخوي حال زوجي وظروفه احسن من حااال خواتي اللي يسافرون لكن هو يكره السفر ومايطلع الا نادرا هذا اللي يضايقني فقط
صدقني حاولت اكلمه بهداوه وعصبيه لكن يعصب على طول ومافيه فايده كلامي كله

انا حبيبتي مااقدر اطلع مع اهلي سفر وزوجي بالبيت هو احق انه يطلعني من اهلي واهلي ماعندهم سوووووواق اروح على كيفي واراى من الصعب ان زوجي يرتاح بالبيت وانا اظرب مشاوير مع اخواني

الحمد لله على كل حااااال صدقوني حاولت باقناعه لكن يرفض صح كلامك والله

الله يكون بعونج الحال من بعضه

__________________

شكرا لكم جميعااا زوجي اخذ اجازه 10 اياااام ابتداء من اليوم لكن مو راضي بالسفر حسب اللي يصفى من الراتب وهو 2000 ريال يقول ماتكفي سفر وانا اطلبه بسفر قريب لمده يومن او ثلالثه يعني ماراح نصرف كتير بس هو يتعذر بالضغوط والاحتياجياااات والله اني احترت معاااااه