السلام عليكم...

اعاني مع زوجي انه انسان مبذر بشكل فظييييييع

اول بداية زواجنا قرر ياخذ سياره لان كانت عنده سيارة اهله

وبعد سنه عيبته سياره ثانيه واقنعني يشتريها وكان شرطي ان ما يغير فيها شي لارينقات ولا جزوووز ولاشي

وبعد ما كملت السنه واحد من ربعه (مب متزوج ولا ناوي يتزوج) اشترى سياره ب ٣٥٠،٠٠٠ ريال

هني ريلي قال لي ابا اشتري السياره... يعني اقساط سيارتين ...

اول شي رفضت بعدين قلت الفلوس فلوسه وهو كيفه .. بس خليته يمشي لي مصروف شهري لي ولعيالي ...

احس صار عنده مرض سيارات... انا كل ما قال بشتري شي ماتكلمت واقول خله كيفه فلوسه وهو حر...

من شهر ١١ لين الحيين وهو صارف فوق الثلاثين الف عالسياره ..هذا غير الدفعه المقدمه عشرين الف

مره جزووز ومره فالف ومره دبه ومره رينجات واليوم يوم قال بشتري تواير يداد احس اني انفجرت

تعرفون ليش لان اذا طلبت منه نعدل شي في البيت قال لي ماعندي فلوس... اذا قلت اشتر الشي الفلاني لا عندي تجدييد السياره

حتى مصروفي انا وعيالي يعطيني وهو عافس ويهه ومستخسر علي يقول انتي مصروفج وايد ويبالي اعطيج اقل ...

اقول له خلنا ننتقل من البيت .. البيت ظيق يقول لا مانقدر ندفع من جيبنا عشرين الف كل سنه

ماهو يدفع عالسياره عشرين الف كل كم شهر واصلا كل شهر في حدود ال٦٠٠٠ تروح في الاقساط .. الحيين حق راحتنا صار مايقدر !!!!!!!!!!!!!!!!

والله هذا كله مب وايد يظايق .. اكثر شي يظايقني انه مايفكر يجمع فلوس عشان نشتري بيت او اي عقار

صار لنا اربع سنوات تقريبا لين الحين مب مجمع ولا فلس احمر

أختي

أنا زوجي مثلك زوجك و أسوأ كمان

أنا اللي أصرف على نفسي و ولدي و هو يبخل علينا و كريم على نفسه و على سيارته

و كل اللي تقوليه بيعمله معاي

لو عندكم علاج فأتمنى الصراحة لإني صرت ما أطلع و لا قررررررررررررررررش و بردت قلبي

و نصيحتي لك ، لا تبخلي على نفسك و تحزني عليه و تقولي ( خليه يوفر ) لإنه ما راح يوفر أبدا

بس اطلبي مصرووووف لك و لعيالك و أي شئ ينقص في البيت اطلبي منه و الفلوس إنتم اولى بها من السيارة

و إذا تورط مع الديون ، وقتها ( جمدي قلبك ) عشان يعرف قيمة القرش

هو متطمن لإن عنده زوجة راح تصبر على اسرافه و تحرم نفسها و عيالها عشانه

أنا هذا اللي عملته و حسيت إنه جاب معاي نتيجة أفضل من قبل

عندي وعندك خير .....

تصدقين زوجي متوظف من 10 سنوات اقسم باالله ان ماعنده ريال واحد في البنك عايشين على

المرتب اذا جاء يوم 25 هجري نزلت عندنا الرواتب في السعودية طبع يصير زوجي

واذا جاء تاريخ 5 واذاجا تاريخ 20

وهاذي حياتي ......

__________________
حققت حلمي ...ولازلت انثى طموحه ....

ممكن تضغطي عليه وتخليه يزيد من المصروف والمبلغ الزايد هذا اجمعيه ولا تخبريه بالشي هذا
روحي محلات اثاث وحطيه قدام الامر الواقع وقولي ابغى اشتريه
موفقييين يا رب

__________________
يارب ...والباقي وحدك تعلمه

اه ياقلبي والله جيتي على الجرح ... نفسي يكون لنا رصيد بالبنك وفائض من الراتب مانحتاجه بس زوجي يقول ماودي اقصر عليكم وفي نفس الوقت كل شي نار ... الله يعين ...

بس حرام لما يضيع فلوسه على سيارات وخرابيط ... يعني انتوا اولى ... انا اقول حاولي تضغطين عليه واطلبي مصروف اكبر وجمعي منه

انا اقول لصاحبة الموضوع حاولي تضغطي عليه بالمصروف وجمعي منه .... لاانه حارمكم ويصرف على اشياء تافهه ... اسمحيلي حركات مراهقين...

اسمحولي ما رديت عليكم بس لاني كنت مشغوله هاليومين...

نفس اليوم اللي كتبت فيه الموضوع هو راح يشتري تواير ..
يوم رجع كنت وايد معصبه لدرجة اني ماقدرت اكلمه وفعلا تميت ما اكلمه لين سرنا بيت اهله
ويوم رجعت كلمته بس بعد ما هديت ورتبت شو ابا اقول له

كبدايه قلت له انا ااعرف انك تقول الفلوس فلوسك وكيفك وانا دايما اقنع نفسي انه معاشك وسيارتك وكيفك ..

لكن دامك مب راضي اني اشتغل معناه هالفلوس فلوسنا نحن الثنين ويحق لي احاسبك عليها

كلمته ان الفلوس كلها للسياره وان يوم انا اطلب تغيير شي في البيت يقول لي مافي فلوس (( مع العلم ان زوجي من النوع الكريم نوعا ما ))

طبعا ما عيبه كلامي وقال بطريقه يحاول يكسر خاطري ان خلاص ما بيستمتع ومابيشتري اللي في خاطره قلت له لو ايام اول كنت بقولك لا وانا اسفه بس الحيين لا احسك تماديت وماعدت تكسر الخاطر نفس اول

وحاولت اني ما اطول السلفه وانهيتها

طبعا اتوقع كلامي يسري مفعوله لين شهر شهرين بالكثير

الله يعينا جميع

وشكرا