السلام عليكم ورحمة الله وبركاته

انا في حيره كبييره بصراحه ..
زوجي جاله عرض وظيفي في دبي و الكويت بمنصب قيادي الوظيفه جيده والراتب جيد
لكن محتاره في امر ولدي قلبي احس ما حيتحمل ابعد عنه 😢 قسم بالله
طبعا احنا ماقررنا الموضوع تحت النقاش لسا ..
يعني انا حأبعد عن ولدي و زوجي حيبعد عن ولده ..
لو كنا في المنطقه الشرقيه كان قلت اهون قريبه من الخليج وسهل اروح واجي
لكن احنا بجده ..

تتوقعو بيكون الموضوع سهل عليا كل ويكند نجي للسعوديه نجلس مع اطفالنا ( بتكون شقتنا طبعا موجوده مثل ماهي ) ولا بيكون الموضوع صعب ومكلف علينا ؟!

والاهم من دا خاف اتخيل ان الموضوع سهل و اوافق ونتوكل على الله وبعد ما نروح .. اعمل رجه لزوجي واطلع ما اقدر اتحمل البعد عن ولدي
يعني القرار بيكون مصيري 💔😢

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

مرحباً أختي

مكسبكم سيكون بشيئين :
1- راتب أعلى
2- خبره وظيفية في منصب قيادي تفيد في المستقبل

فرأيي الشخصي

أحسبيها أنتِ وزوجك هل الراتب سيكفي نفقة السكن والمعيشة وسيفيض بنسبة عالية أم سيكون الفائض قليل ..؟؟

لأنه حسب ما أسمع والعلم عند الله أن دبي والكويت المعيشة فيهما أعلى من السعودية

لذلك ..
إذا كان الفائض كبير .. فتوكلو على الله وأختارو إحداهما وأتفقو على أن تكون زيارة أبنائكما كل شهر أو شهرين لمدة يومين أو أكثر .. حتى يفرجها الله ويستيطع زوجك الرجوع مرة أخرى لبلده بمنصب قيادي

وأما إذا كان الفائض قليل فأنصحكم بالبقاء


أعانك الله

استخيري اختي
الله يكون بعونك افهمك انت بين ارضاء زوجك وامومتك انا عمرة ما قدرت اروح مع زوجي ما اصبرعلى اولادي خاصة على الصغير
لكن اعتقد بما انه لا يعيش معك الي يصبرك عليه اسبوع يصبرك عليه شهر حتى تتعودين طبعا ان كان المكسب يستاهل تتغربين من اجله

الفلوس مو كل شي، اظن انكم مو محتاجين لهالدرجة، هي زيادة في الخير وبس، مش كدح عشان لقمة العيش



يكفي ابنك انه انحرم منك، لاتزيديها عليه بالسفر.. الله يكون بعونه صراحة بزعل عليه بيصير يشوفك بالقليل ويعرفك ساكنة بعيد ومايقدر يجيك كل ما احب وكمان لما اخيرا تجيلوا تجيبي معك نونو جديد ان شاء الله هذا الشي راح يأثر فيه، واتعجب انك فقط تسألي اذا الموضوع صعب عليك انتي، كانك مو شايفة الالم الي بتسببيه له لا تفكري اذا انت راح تقدري تتعودي على البعد او لا واذا كثر الروحات والجيات راح تتعبكم وتكلفكم كثير ليش ماتفكري فيه هو هذا القلب الصغير والروح البريئة كيف شعوره المسكين ولدك انحرم منك صغير والحين متعود على الاقل ينام بحضنك اخر الاسبوع بانتظام حتى هالشي لازم ينحرم منه ليش؟ ؟

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

اذا زوجك راتبه كوييس ببلدكم
انا افضل تجسلوا غند عيالكم
سللفه تيجو كل ويك اند صعيه

كلام يكتب بماء الذهب

الأطفال في حالتكم ضحية ضحية

إن كان بأستطاعتكم أخذهم معكم فهذا جميل لكم مضر للأطفال أيضاً و للطرف الآخر

إن لم تستطيعوا أخذهم مضر للأطفال و مضر لكم و الطرف الطرف الآخر أقل خسارة

هم الآن في أمر واقع هم بين البيوت يتنقلون

أسأل الله أن يربط على قلبك و قلب طفلك

و لكن أود من هذا الموضوع أن أوجه رساله لكل رب و ربة أسرة أن يحافظوا على أسرهم مهما كان الثمن إلا إن كان الأمر سيؤثر على الدين

الأخت الفاضلة meemaa أحسبك من النساء الصادقات أسأل الله لك التوفيق و لا تزعلي من كلامي في الأعلى فأنا وضعته بشكل عام للجميع حتى يصحى و يفيق كل أب و أم فالحياة لا تصفوا لأحد و لن يجد المرأ السعادة الأبدية الا في الجنة

وفقك الله و كتب لك خير الدنيا و الآخرة

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

آه ي اختي ميميا مواضيعك عن طفلك توجعني دايما افكر به لاتقارنيه بولد زوجك لان هذاك بحضن امه ولايؤثر عليه غياب الاب كثير اما ابنك اخذيه الحضانه من الام لام الام وطبيعي لن كانت لامك حيكون معاك ليشش متشتت هالولد وكمان الحين تفكري بالسفر يارب ارحمه قلبه الصغير وكيف لو شاف النونو دايم معاك ع طوول بتتعب نفسيته نصيحتي خلي زوجك لو يبي العمل يسافر وانتي قولي حامل تعبانه ومنها جيبي ولدك عندك خليه يرتوي من حنان الام مو الامومه تضحيه ضحي عشانه ياارب ارحم ضعفه وقلة حيلته ..الله يسهللك امورك ويعينك

__________________
مضى مامضى والله على المقبلات يعين ..! وعسى الله يزينها على القلب لاشانت~

__________________

جزاكم الله خير على الردود ..المنصب هنا وهناك هو نفسه مايفرق غير بالراتب ..

فكرت بالموضوع وللأمانه كنت محتاره جــــــدا جــدا .
لكن حصل شي دا الاسبوع خلاني اغير فكرة السفر من بالي نهاااااااائي ..

الويكند الي راح قررنا انا وزوجي نسافر لاحدى الدول العربيه يومين نغير فيها جو وتعب الحمل والضغط ونرجع .. وماشفت ولدي في الويكند الي حسافر فيه وبنص الاسبوع ابوه رفض يجيبه عشان اشوفه قبل اسافر ..
يعني تقريبا ليا الان اسبوع ماشفته اقسم بالله قلبي يعورررررررررني كل ماشفت صورته لاني حاطه صورته خلفيه بشاشة الجوال و الواتس فكل مافتحت الجوال واشوف امووت من البكا واشتاقله وادعي ربي ان ابوه يديني حضانته ..

فقلت هي اسبوع ماشفته وماقدرت اتحمل كيف بالعيشه في الخارج ؟؟ ..
ولدي كبر صار عمره 3 سنين بدا يتكلم ويفهمني وكل مرا قبل يروح لأبوه احضنه عند الباب وسار كل ماحضنته بأي وقت يقولي ليش ماما فين اروح ؟؟ على باله اني حضنته عشان بيروح مع ابوه وانا اكون حاضنته بس كدا بدون سبب ؟؟ ( لاحظت بسفري ان احساسي بفترة لما كبر وصار يفهم مؤلم اكثر من هو صغييير وافتقده اكثثثثر والله احس بألم بقلبي او ممكن يكون بسبب الحمل والأمومه عندي مشتاقه مرره بزياده عن كل الشهور الي راحت ) .

وانا الى الان رجعت السبت من السفر وماشفته لأنه مريض وابوه رافض يجيبه وهو مريض ف الله يصبرني الى الخميس ..


وبعد موضوع السفر هدا شلت موضوع الانتقال للخارج نهائي وتفاهمت مع زوجي وقالي خلاص براحتك ونفضل هنا وربي يعوضنا ان شاء الله ومايحرمنا من اطفالنا ويصبرنا ويصبرهم وكل من فصلين

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

والله يا ميما دمعت عيوني وانا اقرأ ردك
وش تجي شوية فلوس امام فلذة كبدك احسن ما فعلت
الله يخليه لك ويخلي زوجك ولا يغير عليكم