يا اخوات يا حلوات:
الكسكسي او الكوسكوس هو طبخة مغربية ويقصد بالمغربية يعني المغرب العربي كله:
ليبيا (اللي انا فيها وصرت احبها كتير ),تونس ,المغرب والجزائر .................
من يومين بس علمتني جارتي كيف طريقة برم الكسكسي طريقة ولا اسهل وانا اللي كنت مفكرتها معقدة.


المطلوب:سميد مش فرخة لانه ناعم كتير ,القياس الوسط يعني .
طحين يعني دقيق قمح.
ماء.
غربال متوسط الفتحات يعني مش ناعم كتير ولا مفتوح كتير .


الطريقة:تاتي بالسميد في وعاء كبير وترشي شوي وتبخيهم بماء .وتبرمي بس لازم تتذكري كيف برمتي باي اتجاه عشان ما تبدليه .
القصد من العملية انو تتجمع اكثر من حبة سميد فوق بعض بس تبلي السميد منيح وتحسيه بدا يكمش على بعضه يعني بتحسيه صار متل البرغل.تقريبا:

بترشي طحين وبتبرمي يعني بتخلي الطحين يلف السميد لف.
وبتجيبي الغربال وبتحطي فيه كل كمشة بكمشتها وبتفركيها حتى ينزلوا من الغربال.

للي ما فهمت علي :بكل بساطة:عمل الكسكسي هو تغليف السميد بحبات سميد اخرى او بدقيق قمح حتى تكبر الحبة.(لان في ناس يعملوه سميد خالص وفي ناس يكتروا له دقيق حتى يصير ابيض)

المهم بنتقل للمرحلة التانية:
لازم يكون عندك كسكاس وهو المصفاة الخاصة للطنجرة يعني مصفاة على قياس الطنجرة والها غطا عشان تطبخي فيها (والله بيطبخوا اللحم بعظمه من دون زيت ولا شي بس مبوّخ عالبخار) طعمة ولا اطيب .

بتحطي ماء منيح بالطنجرة وبتخليها تغلي وبعدين بتحطي الكسكسي اللي حضرتيه بالمصفاة وفوق الطنجرة نصف ساعة.

حبة السميد بتكبر عالبخار وبتتشبع .

بعدين بتنزليه وبتنقليه لوعاء وبس يبرد شوي بتفرديه على قطعة قماش ويا ريت تشمسيه .هذا لو بدك تخزنيه عندك.(زيديله كم عود كبش قرنفل او حب فلفل اسود وحطيه بكيس وعالثلاجة الفريزر على طول).

ولو بدك تعمليه قبل الطبخة مباشرة بيكون كمان كتير منيح برمي وحطي عالنار وطبخي وكلي واسمعي احلى واطيب التعليقات.

على فكرة:
مرة كنت بلبنان وفقت من النوم الساعة سبعة الصبح شايفة بالمنام اني عم اكل كسكسي وانا بمووووووووووووووووووووووت فيه والله ما بتتصوروا طبخته وتروقت منه .
:14: مجنونة صح:؟؟؟؟
بس والله هو روعة.
انتظروني المرة الجاية بقلكم طريقة طبخ الكسكسي...................................

__________________
اذا لم تجد عدلاً في محكمة الدنيا.. فارفع ملفك لمحكمة الآخرة ، فإن الشهود ملائكة والدعوى محفوظة.. والقاضي احكـــــم الحاكميـــــــن

الله يسلم يدياتك حبيبتي و الله الكسكسي لذيذ جدا جدا و إحنا بتونس لازم نطبخوا يوم من أيام الأسبوع فهي اكلة تقليدية بحتة و عندنا الأضفر والأحمر .

__________________

ربي لا تذرني فردا وأنت خير الوارثين

تسلم الايادي حبيبتي


و في انتظار المزيد من الوصفات الرائعة


جزاكي الله كل خير


تحياتي

__________________

يا هلا بالغالية برشا انا من اسمك عرفتك تونسية انا امي من سوسة على فكرة وانا اول مرة بذوقه هي عند بيت جدي ومن ويمها وانا بعشقه بس للاسف امي ما بتعرف تطبخ لهيك انا بعملها ياه.
تصوري امي تونسية ومتزوجة ليبي وصحباتي كلهم تونسيات وجزائريات ومغربيات.يعني مكوشة عالمغرب العربي كله.
بس انتي شو قصدتي بالاصفر والاحمر قصدك اللي بمعجون طماطم واللي مسفوف من دون مرقة؟ولا شو يا ريت توضحيلي ؟
انا بعمله بالحوت او الخضرة او الدجاج او اللحم بس الفرفوش ما بحبه لانه حار والبسباس ما بحبه فيه ورق بس سلطة البسباس والجزر والخس بمووووووووووووووووت فيها.
بتعرفي الملسوقة نموت فيها كمان.

مستكة مستكة حبيبة قلبي شكرا عالمرور.

__________________
اذا لم تجد عدلاً في محكمة الدنيا.. فارفع ملفك لمحكمة الآخرة ، فإن الشهود ملائكة والدعوى محفوظة.. والقاضي احكـــــم الحاكميـــــــن

يا مرحبا يا مرحبا أنا كذلك أمي من سوسة جوهرة الساحلة و إن شاء الله تكون معرفة طيبة .
أقصد عزيزتي بالأصفر هو الي بالكركم بدون طماطم و الأحمر هو الذي نضع فيه الطماطم .
وطبعا يكون لذيذ جدا بالحوت و بالبسباس ايضا والملسوقة بنعملها مالحة وتسمى البريك و حلوة وتسمى صمصة نعملها في الأعياد و أظن انا الوالدة بتعرف هذه الشغلات بما انها تونسية .
أن شاء الله سأضع في هذا المنتدى الصور للأكلات التونسية و لكن لا أدلاي كيف أنزلها فسأبحث في الأمر .
على عموم جزاك الله خيرا حبيبتي و إن شاء الله تشجعينا بطبخات الحلوة وننتظر منك المزيد .

__________________

ربي لا تذرني فردا وأنت خير الوارثين

حبيبتي يا برشا يا ريت تعرفيلي كيف منعمل الملسوقة بتعرفي بحبها موت .صمصة شفتها بدار جدي وخالاتي بس ما حبيتها اللي حبيته من الحلويات التونسية هو الكيزاتا باللوز واشهر مين بيعملها مصمودي بسوسة .
على فكرة هن بجوهرة يسكنوا انتي وين؟
حبيبة قلبي يا برشا يا ربي يعوضني فيكي خير.
ترى لي بتونس جيران وحبايب واهل ما جابتهم الي قرابة دم بس جابهم لي الاسلام.

__________________
اذا لم تجد عدلاً في محكمة الدنيا.. فارفع ملفك لمحكمة الآخرة ، فإن الشهود ملائكة والدعوى محفوظة.. والقاضي احكـــــم الحاكميـــــــن

بقصد بالملسوقة طريقة عملها بالبيت يعني العجينة.

__________________
اذا لم تجد عدلاً في محكمة الدنيا.. فارفع ملفك لمحكمة الآخرة ، فإن الشهود ملائكة والدعوى محفوظة.. والقاضي احكـــــم الحاكميـــــــن

ماشاء الله عليك مبدعة كما عودتينا افتكرتك لبنانيه طلعتي تونسية ولا امك بس وابوك لبناني <<<اسمحيلي معليش ملقوفة شوي<<<<

__________________
اللهم لك الحمد حمدا كثيرا

أختي رانيا أنا أسكن بأمريكا الآن و بيتنا في نابل وأصلي حمامية من حمامات أكيد بتعرفها منطقة سياحية .
عزيزتي بالنسبة للملسوقة أنا اشتريها جاهزة تباع في المحلات و لكن عندنا نوع من البريك يسمى بريك الدنوني و عجينته بنطبخها في البيت و طريقته كالآتي :

المقادير : 500غ فارينة - قرطاس خميرة مرطبات -ملح -فنجان زيت -حزمة مقدونس - 250 غ بطاطا - 50غ تن - بصلة -5 بيضات - زيت للقلي -ملعقتان نشاء - ملعقة صغيرة فلفل أكحل( حسب الرغبة) - ملح .
طريقة الإعداد : أضيفي الخميرة إلى دقيق الفارينة وفقسي عليه بيضة وحمي فنجان زيت واسكبيهما على الفارينة وأضيفي قليل من الماء الدافئ واعجني الدقيق وأعركيه عركا جيدا .

اعداد الخليط : اطبخي البطاطا في الماء وانرعي قشرتها وقطعيها قطعا صغيرة ، اسلقي البيضات الأربعة حتى النضج و قطيعيها قطعا صغيرة ثم قطعي البصل واطبخيه في طنجرة صغيرة في حوالي فنجان ماء وعندما يذبل أضيفي إليه المقدونس وأطبخيهما حتى يجف الماء ثم اجمعي في آنية واحدة البطاطا والبيض وخليط البصل والمقدونس وكذلك التن وقلبي .

اعداد البريك وقليه : خذي من العجينة بقدر بيضة وابسطيها بالقلقال على سطح أملس فوق طبقة من النشاء حتى تكون رقيقة ثم خذي من الخليط بقدر ملعقة واجعليه في جانب من رقيقة العجين واطوي عليها الجانب الثاني حتى تصير مثل البريكة الصغيرة ثم اقطعيها من الرقيقة بواسطة الكركارة واضغطي على جوانبها بأناملك حتى لا تنفتح عند القلي وهكذا حتيى ينتهي الخليط ثم حمي الرزيت وأقلي وحدات البريك وقدميها ساخنة .

أن شاء الله أكون أفدتك و في آمان الله .

__________________

ربي لا تذرني فردا وأنت خير الوارثين

طيب القلب لبنانية انا امي تونسية حبيبتي تسلميلي.
برشا يسلموا عمري واكيد رحت لنابل ولحمامات ونزلت بتاني اشهر اوتيل فيها بس تنذكر وما تنعاد هديك الايام حبيبتي

__________________
اذا لم تجد عدلاً في محكمة الدنيا.. فارفع ملفك لمحكمة الآخرة ، فإن الشهود ملائكة والدعوى محفوظة.. والقاضي احكـــــم الحاكميـــــــن