الله يحفظكم يارب ... ويخليكم لبعض ...

سما حبيبتي كان ودي اساعدك لكن ماعندي فكرة ... بس انا مثلك ...

صحيح ما اتزوجت .. لكن مااطبخ ولا اشيل ولا اسوي اي شئ .. بس جالسة في الغرفة .. اتحجج بالمذاكرة او على الكمبيوتر

يبقى سنة واتخرج .... الحمد لله ...

شدي حيلك ... تراني حاسة فيكي فعلا تعب .. الله يعينك .. ومبرووك على البيبي ان شاء الله تقوومي بالسلامة

محور الأمر:

1. كيف أتهيأ لأتسلم البيت؟ طبيعتي ما اتخيل الشي ملكي أحس نفسي ضيفة فكل وقت!!!

2. كيف أرتب جدولي وأنظم وقتي؟ أتمنى إعطائي جدول اعمال أمشي عليه أو أعمل شبيه له
3. مسألة الطبخ وأشغال البيت هل سأتعود عليها ولا اهملها؟؟ هل انجح فيها؟؟ وكيف؟؟
4. هل الأمر بسيط لمثل حالتي؟ وطبيعي؟


جدا خائفة الراجاء النصيحة وأرشدوني وراعوا طبيعتي أقصد ما تعودت عليه


أعرف ان روح قلبي جدا متفهم ولكن مهما كان لو قصرت لا يعجبه كل الرجال هكذا

ولا أريد أن أقصر بشيء

-------------------------------------------------------------------------------------------------------
حبيبتي

أول شي اخذي الأمور فبساطة واستهدي بالله

لازم تفرحين وتستانسين لانج الحين بتكونين مع زوجك

ردا على تساؤلاتج :

1. عشان لا تحسين نفسك ضيفة حاولي تنزلين السوق مع زوجك وتشتري شوية اكسسوارات للبيت ، يعني شوية تحف للصالون على شوية نبتات داخلية ، كفر وشراشف جديدة لغرفة النوم ، طقم لعدة الحمام مع شموع ، غيري باضاءات البيت . لما انتي تضيفين لمستك الخاصة على ديكور البيت ماراح تحسي نفسك ضيفة ابدا ابدا.

2.3 /بالنسبة لترتيب وقتك وتنظيف بيتك أقولك أنا شكنت أسوي .. طبعا انا نفسك كنت حامل وماكو خدامة ودوامي من 8 الصبح الى 4 العصر .شوفي شكنت أسوي كنت كل نهاية أسبوع أنظف البييت كله يعني مسح الأرضيات غسل الحمامات غسيل عدل تغيير شراشف غرفة النوم وكنس البيت بالمكنسة الكهربائية + غسيل المطبخ وجرد الثلاجة. ( طبعا هذا كله بمساعدة زوجي حبيبي ) لاني حامل وكان وحامي نفسج كله نوم بنوم.
اما أيام الأسبوع كنت أرتب غرفة نومنا - أغسل المواعين أول بأول علشان مايتراكمون - أشطف الحمامات عالماشي - هذا الشغل كله ماكان ياخذ ساعة / بعدين كنت كل يوم بالليل أدخل المطبخ أسويلي طبخة حق ثاني يوم علشان لما أرجع من الدوام بس أسخن وراح أدرجلج طبخات سريعة وسهلة وماتاخذ وقت :
- قالب دجاج بالفرن / كنت أتبل الدجاج من الليل وأخليها بالثلاجة عشان تنقع بالتتبيلة عدل وثاني يوم اذا زوجي وصل قبلي يولع الفرن لحد ما انا ارجع )
- معكرونة بالبشاميل أسيها كاملة واحط الصلصة فوقها وأدخلها الفريزر وثاني يوم بس أسخن
- حميسة روبيان بالكاري ولا أسهل منها وثاني يوم بس تسخين
وعندي بعد أشكال وأنواع ثانية زوجي الله يرضى عليه أكله موصعب/ انا أحب المطبخ نهاية الأسبوع أحب أسوي حلويات نوع او نوعين وشرط مفاجأة عشان يفرح المسألة مو مسألة نفخ كرش بس الرجل يفرح لما يشوف زوجته مهتمة بكل تفاصل حياته .ولا تخافين بتنجحين وبتصيرين أحسن طباخة لأن الطبخ (نفس طيب ) جربي ولا تخافين وانا راح أساعدج والله على ما أقول شهيد.

4. بالنسبة لمثل حالتج اي نعم الأمر بسيط وطبيعي ولازم انتي تساعدين نفسج وتعودين نفسج على نمط هالحياة - حبيبتي لعلمج الخاص المرأة تتحمل أكثر من الرجل لهذا السبب لازم بيتك تخلي جنة واياني واياك تهملين وصدقيني كل شي بأوله صعب وبعدين يصير اعتيادي وسهل .

وآخر كلامي عسى الله يوفقكم ويسهل عليج واذا تبين اي شي انا اختج وموجودة تحت أمرج

__________________

حبيبتي أنت

فعلا تعب

( بعدني ما جربت )


الله يرزقك الزوج الصالح الحنون

بس شدي حيلك
تدربي من الحين على الشغل

لا ترى مايفيد الدلع عند الازواج في شغل البيت


وعقباااااااااااااالك قريب


فرحت بمشاركتك


الله يجزيك خير

حبيبتي احلى بيبي


مشكورة جدا جدا جدا على كلماتك كثير طمنتيني

ولو اني بسرعة اتعب يعني لما ارجع أكون مرهقة وبدي انام كيف بعدها اشتغل؟

وفوق هذا بطيئة جدا في مذاكرتي وفي الشغل

وعلى فكرة كل الطبخات إلي كتبتيها ما جربت اعملها

فيا ريت تعلميني كل شي خطوة خطوة


وفي وقت الحاجة ركض لك هاااااااه وعد


جزاك الله كل خير

مبروك مع انها متأخرة بس توني ادري انك تزوجتي
وكمان حامل.. مبروك مرة ثانية :14:
والله وضعك ماهو سهل طالبة وحمل وبيت
بس ان شاءالله المتزوجات راح يفيدوك واهم شي الحمد الله زوجك متفهم..
بالترتيب والتنظيم والارداة كل شي يتعدل بإذن الله

__________________
اللهم لك الحمد والشكر
"ولئن شكرتم لأزيدنكم"

شوبارد وين انتي عن الدنيا؟؟؟





ان ممتلكة من 4 سنوات وقبل 4 شهور زففت لزوجي بعد عناء وفراق ودموع وتوني حامل في الشهر الثاني



وضعي صعب بس أنتي معلمة

وانا ساكون مثلك ان شاء الله

كيف التدريس صعب؟؟ أقدر أوفق بين مسؤولية الأسرة والعمل؟؟

أنت تعملي وجربتي وانا لسه

وإن شاء الله تتزوجي قريب حبيبتي

الله يرزقك الزوج الصالح الحنون عاجلا غير آجل إنه على كل شيء قدير


جزاك الله خيرا

ياريت اقدر اساعدج انا طالبه متزوجه و عندي بنت اكلنا من برع بس الويك اند انا اسوي بعض الاحيان
الملابس نغسلها مع بعض و ما اعرف اكوي قمصان و لا جينز اللهم شيلتي ملابس زوجي يكويها راعي الدوبي اللى تحت شقتنا

و انا ادرس في الكليه كلش ما ادرس فى البيت بس المراجعه ادرس كل شى اول باول و افهم ..

الله يعينك معذوره عندي لك حل خوذي اجــــازه هههههه امزح !!!!!
عادي حبيبتي انا زيك اول ماتزوجت كنت كسلانه مرررره حتى زوجي يقولي انتي كسلانه اكيد من اهلك ماعودوك على الشغل.......
الله يسامحهم هههههه هذي ضريبة الخدامات في البيوت والله اني اقول ياحظ الي ماكان في بيت اهلها خدامه ومتعوده على الشغل.....

اهم شي رتبي جدولك مثلا: اول ماتقومي رتبي المنزل بشكل سريع والطبخ مثلا الفطور اشياء خفيفه بدون طبخ
بعد ماتيجي تحضري الاكل وتنظيف المطبخ
ام غسيل الملابس كل اربع ايام مثلا والكي ايضا وغسيل الحمامات قبل النوم او عند الاسيقاظ وهكذا

واوقات الاجازه حاولي تسوي اكل وتحطيه بالفريزر....

الله يعينك والله اني حاسه فيك لي ثلاث سنوات وكل يوم اقول لزوجي ابي خدامه خخخخخ

__________________

يهمك تعرف اوضاعي *انا مستانس وطيب
انا مثل البحر تدري * يثور وتركد أمواجه
ابد لايزعجك حزني * تاكد خاطري طيب
حبيبي هذا هو طبعي *أحب الحزن وأحتاجه
وتسألني عن أوضاعي *أرد أقول أنا طيب
مع إني صدق في غيابك .... (لاطيب ولا حاجة) ..

صباح الخير سما

حبيبتي صدقيني عاتعود تصيرين سريعة ... ولمجرد التفكير بنظرة الفرح بعين زوجج راح تشدين حيلج وبتنظفين وتطبخين وتصيرين ست بيت شاطرة ... لما تنوين عن جد تطبخين سأليني شتبين وأنا أساعدج ..

بعدين تعالي هني قسم الطبخ ماشالله في بلاوي وانا وحدة من الناس وايد أخذت وصفات منه.

سويلج فايل وطبعي الطبخات اللي تشوفين انج قادرة تسوينها وزرجج راح يحبها.

يلا شدي حيلج وعن الدلع :14:

__________________