ياهم لي رب كبير ...من يفرج الهم ؟؟؟؟ أرجوكم ساعدوني
بسم الله الرحمن الرحيم
السلام عليكم ورحمة الله وبركاته
أولا قبل أن اكتب مشكلتي ادعوا لي الله يخليكم
انا متردده كثير اني اكتب مشكلتي ولكن الحزن أكل قلبي ولا أقدر اتنفس أحس أني مخنوقه
مشكلتي انا فتاه عمري 26 سنه ومطلقه
بعد طلاقي بفتره عانيت من حاله مستعصيه من هم وحزن فظيع وبعد سنه و3 او 4 تحسنت حالتي ومرت الايام والسنين ولا أحد خطبني بل استمرت سنه واكثر والناس يتكلمون في سيرتي وطلاقتي وحسبي الله عليه هو اهله طلعوا علي كلام وماخلوني في حالي كل منكر وقبيح قالوه فيني المهم لم يتقدم لخطبتي احد وكأن النصيب وقف على كذا
مرت اربع سنوات وانا كذا احزن مرات كثير على حظي ونصيبي رغم اني ماينقصني شيء والحمدلله
في يوم من الايام والصدفه تعرفت على شخص في النت وكنت ومازلت انصحه في امور الدين واستمرت بينا الاخوه في الله الى سنه ونص وبعدها تطورت العلاقه وصرنا قريبين من بعض
كان دايم يلح على ان اعطيه رقمي وكنت ارفض وسبحان الله في لحظه ضعف اعتيطته ووعدني مايتصل على الا اذا اردت ذلك وفعلا مازال على وعده ولكن من البدايه ابدى اعجابه بي ,أستمرت العلاقه سنه واكثر واتفقنا على الزواج وصار يتصل علي بأستمرار ولكن لما جاء الجد انكر تقريبا نص كلامه وبدا يلف ويدور وقال انه بيتزوج من اهله وانه وعد البنت بكذا
بعد ايش تدرون بعد ماعلقني في حبه وخلاني اموت عليه صرت اشوف الدنيا بعيونه وفي كل شيء اتذكره
المهم صار كل تفكيري
بعدهارفضت ماكلمته وتبت ورجعت لله ولكنه استمر يتصل علي وانا ماارد عليه وبعدين رديت عليه قلت وش تبي اللي بينا انتهى وانت حاجز بنت عمك قال انا ابيك خلينا نصير اخوان وحبايب وانا رفضت
لانه رفض انه يتزوجني رسمي يبي مسيار ويبقى سر ومافيه اطفال ابد وراح يكون طلاق بعد ثلاث او اربع سنوات
انا طبعا رفضت هذا شي لانه صعب جدا جدا حتى الحيوان الله يكرمكم لو يخيرونه بهذا الخيار راح يرفضه
بعد فتره اسبوعين رجع وكلمني وكان في نبره صوته الحزن من اللي سواه فيني ولكن مو مثل موتي وحزني وهمي اقسم بالله اني حبيته اكثر من روحي حتى كنت ادعي له كل يوم في فروضي وصلاوتي مرت بأيام اشتد على فيها المرض وضاقت الدنيا في عيني و صار كل اللي حولي يعمه السواد حزنت اني لما لقيت الانسان اللي اعجبني وحسيت اني بعيش مثل كل البنات في لحظات يضيع
المهم كلمني كلام غريب يمكن رجع الامل فيني وطلب انه يشوفني ولو ثواني ويكون معنا احد او بدون ويعتبرها الشوفه الشرعيه لانه متخوف انه يقتدم لخطبتي وبعدين مايرتاح لي او يصير رفض من الطرفين وهذا يسبب كسر وجرح لي مره ثانيه وصعب عليه
وقال اذا ارتحت لك راح تتغير كل افكاري بخصوص المسيار والشروط اليهوديه انا اعتبرها
المهم قال لي فكري وردي لي خذي وقتك في التفكير وانا محتاره مابين هل اشوفه ويشوفني او ارفض
بس الله يعلم اني عفت الرجال من بعده وهو فعلا فيه مواصفات اعجبتني كثير وكنت اتمناها تكون في طليقي او القى رجال بنفس المواصفات
وانسان طيب بمعنى كلمه طيب
خطبوني كثير متزوجين ورفضتهم بسبب انهم متزوجين وانا لا ابني سعادتي على تعاسه غيري
فكرت الف مره في الانسانه اللي راح اصير ضرتها كيف راح تحزن وتموت من القهر
واكون سبب في ذلك
الحين لي فتره اكثر من اسبوع ماعاد كلمني ولا اتصل ولاشيء مدري يمكن هون من النظره الشرعيه او لا
انا ماابي الا هو وخلاص بدونه مالي عيشه مع احد غيره
وعلى فكره هو اصغر مني بسنه
بس الله يخليكم ادعوا لي وانصحوني هل الانسان الطيب نتمسك فيه بايدينا واسناننا او نتركه لان صعب تلقى الطيب في هذا الزمن
أنا من تطلقت وانا اتمنى الزواج رغم ماجاني من حاله كره لرجال ولكن تظل الامومه والاستقلاليه مطلب كل فتاه
ولاانسى هو السبب اللي خلاني احب الحياه واحترم الرجال وانسى الماضي
لا تسبوني ولاتحتقروني ولكن اخاف من الفراغ العاطفي ونظره الحزن لما اشوف اللي اصغر مني تزوجوا وانا احسن منهم في اشياء كثيره ولكن هذا رزقهم اللي مررت فيه مايحسه الاكل مطلقه تطلقت في عمر الزهور وريعان الشباب
انا يعلم الله اني محافظه على صلواتي وفروضي واخاف الله في نفسي ولكن هل اشوفه او لا
ادعوا لي اذا فيه خير الانسان هذا الله ييسره لي ويسخره لي واذا فيه شر الله يصرفه عني ويصرفني عنه ويعوضني خير منه يارب
آمين
انتظر ردودكم
28-01-2008, 12:16 AM
ضوابط المشاركة
العرض العادي
