السلام عليكم ورحمة الله وبركاته

مشكلتي هي بسيطة بس زوجي مره مكبرها ابغاكم تنصحوني ايش اسوي ..

زوجي جلس يمزح معايا مزح ثقيل فالبدايه مشيت عادي فالاخير زودها ويحط يدو على وجهي ويدفني انا هنا اتنرفزت وبعدها كمان واحنا طالعين البيت يقلي قولي لو سمحت عشان افتحلك الباب لو اني مو زعلانه قلتها عاادي بس كنت مرره متنرفزه منو وجلست ساكته ما فتح الباب لين قلتلو لو سمحت* وبعدينا لما شاافني زعلت راح زعل وما يكلمني من اسبوع بدل ما يراضيني يزعل دحينا ما همني هوا بس عشان نفسيتي واسلوبو زفت معايا* وحامل فالشهر الاول ولاهو مهتم* قلت دحينا اقلو عالحمل يفرح شاف وجلس قالب وجهو برضو ورحت اراضيه اكتر من مره مع انو هوا الغلطان مره يقلي قومي بس ناقصك انا ومره يقلي سيبيني لا تمسكيني و ارسلو ما يعبرني احس خلاص كرهتو من جد بس مو عاجبني وضعي قالب وجهو ويعاملني مدري كيف و من يوم ما يصحى يخرج ما يرجع الا لما ينام كل يوم على دا الوضع واحنا فغربه على فكره* ..

تم تعديل العنوان ليتناسب مع المضمون

وعليكم السلام..

للأمانة انتي اللي مكبرتها من البداية..
الدعوى كلها مزح.. 😅 ما فيها شيء يزعل يا اختي
😂 لو انه يسوي لي چذي ارد له المزحة بمزحة واعض يده
وحتى لما قال لج قولي لو سمحت اكيد مو قصده يذلج
قصده يطلف الجو بطريقة دفشة
😅 كبرتي الموضوع وايد
والحين هو كبره اكثر لمن زعل !

شكلكم توكم متزوجين

__________________

حاجة الناس إليكم من نعم الله عليكم ، فـ لا تملوا النِعم ☁✨

لنا سنتين متزوجين و داخلين التالته ..
طيب انا زعلت يومها وخلاص
هوا لليوم زعلان و اللي قاهرني رحت اراضي فيه مو راضي كمان

عليكم السلام ..
كرهتيه! ي ساتر!
الأمور بسيطة وانا خوك .. مزح الولد يختلف عن مزح البنت .. شوي فيه دفاشه .. وفي النهايه يبقى مزح ..
ع أي حال هذا ما يعني ان مزحه دفش .. هالحركه بالعكس الغالبيه تسويها .. وأنتي ممكن تسوينها!
لو نظرتي للأمر من جهه أخرى كان بإمكانك تقولين لو سمحت! وتدخلين ع طول!
ومن ناحيه أخرى كان يوم قلتيها ودخلتي! سويتي فيه نفس المزحه!

ما توصل لدرجة الكره ولا الاذلال..
المهم - استهدوا بالله خيراً - وحتى لو كان رافع خشمه! نزليه بالطيب وبالاسلوب وبكل لين ..

الله يجمع ع قلوبكم ..
بيجي يوم تندمون ع هالتغلّي : )

هي مو مكبره الموضوع هي بس لانها حامل ..
وقالت لهم سنتين متزوجين يعني اكيد هدا مزحو من اول ويمكن كانت متقبله
بس مع الحمل ترا الوحده ماتطيق اي كلمه من احد ..

انا نفس وضعك حامل ف الشهور الاولى وزوجي مزحو الان نفس مزحو قبل الحمل بس الان مو قادره اتقببببل مرا احس دمو سار تقيل ..
ولما اجلس مع نفسي اقول مزحو هو هو ماتغير بس ليش مو قادره اتقبل .. ف اعرف انه بسبب الهرمونات مو قادره اتقبل شي .. وجاتني فتره اي كلمه خلااااص سرت احسها تطلع منو وتنرفززززني وكماان احس مزحو تقيييييييل ااااااه ..
وفي الاخير زعل وهو عارف في نفسه انه بسبب الحمل .. بس يقول انا ليا طاقه وانا انسان بتحملك فتره عشان حملك بس في الاخير ليا طاقة تحمل وانا مو زعلان منك بس ابغى ابعد شويه واجلس فتره لوحدي الين يهدأ ..

ع العموم انتي قوليله على حملك وانك مو طايقه تصرفاتو بسبب حملك ولازم يحاول يساعدك ويتحمل وان ماتحملك يبعد عنك وقتها يخرج مع اصحابو او يخرج لوحده برا البيت الين انتي تهدي وهو يهدأ .. <<< مع ان الحامل ماحتهدأ بس ع الاقل يخرج يهدا ويشحن طاقه ههههه


الموضوع بسيط ولازم يعرف بحملك ادا ماكان يعرف ولازم يعرف تقلبات نفسيتك

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

الله ياجرك يا أختي أنتي وبقية الأخوات، ويهدي لك زوجك.

__________________
ياصبحِ لاتِقبل !!
عط الليل من وقتك..

__________________

فعلا فترة الحمل المرأة تصبح حساسة

خلاص هذا هم الرجال لازم نتحمل

أهم نقطة أن المرأة لا تفجر غضبها على الزوج

عاتبيه باسلوب حلو

من جدك؟ ماصار شي كبير يستاهل الزعل
صح انه مزح ثقيل لو انك بينتي له انزعاجك فقط
او اذا مزح ماضحكتي او سكتي ماسوييت ردة فعل على مزحه احس رح يبطل
بدون زعل بدون ضيقه , ولانك حامل انتي ماتحملتيه انا اعرف
بس ولو المفروض الزعل ما امتد لايام الموضوع مو مستاهل
كلميه وشوفي الوضع ولا تعتذرين لانك ماسوييت شي غلط
لكن بيني له وجه نظرك بهدوء واسلوب ووممكن تدلعي بالاخير

بسم الله الرحمن الرحيم
نبدأ بحل المشكلة
اول شيء راح تكبر لمن يعرف أنك حامل وما بلغتيه
راح تكوني غلطانة وراح يكبر الزعل ويتفرع
اجلسي معاه وقولي له وديني الطبيب عشان احس اني يمكن اكون حامل
وروحي الدكتور وراح يعرف موضوع حملك وترجع الأمور تمام
بعدين حاولي تذوبي الأمور اذا كان الزعل مزح مو شيء كبير أو يمس كرامتك
بالتوفيق