بسم اللله الرحمن الرحيم
والسلام عليكم ورحمة الله وبركاته

أشكركم يا أخواني وأخواتي على تعاونكم الجميل


متزوجين منذ أكثر من سنتين ونصف الحمدلله،
حياتنا مستقرة وعلى ما يرام بفضل الله.

زوجتي مقصرة تقصير كبير من ناحية الطبخ، فمعدل طبخها يصل الى مرة واحدة في الاسبوع.
وأحيانا يصل الى اسبوعين بدون طبخ !!

الـ ٦ شهور الأولى من حياتنا أعطيتها حريتها الكاملة في عدم الطبخ كونها عروسة.
بعد كذا لمحت لها بأنه حان وقت الطبخ، ولازم تدلعنا وتذوقنا من لمساتها الجميلة.

اعترفت لي انها لا تحب الطبخ، وأنها ما دخلت المطبخ أبداً عند اهلها قبل الزواج.
قلت الموضوع بسيط جداً وبني آدم يتعلم.

وفرت لها كل أساليب تعلم الطبخ من كتب ومواقع انترنت وبطرق ميسرة وسهلة.
وفرت لها مطبخ كامل ومتطور من جميع النواحي وفخم جداً ( والكمال لله تعالى)
والمطبخ مجهز من أول يوم زواج.
ووضحت لها أني ما أبغى الطبخ يومياً، ٣ مرات في الأسبوع تكفي وتفي.


تحمست أسبوعين لطلبي وبعدين طنشت الطبخ ورجعت لعادتها.
حاولت فيها واطلبها من فترة لفترة، وامتدحت طبخها كثير وتغزلت في طبخها ولكن لا فائدة.
المواد الغذائية تخرب وترمى في القمامة باستمرار لعدم طبخها !

دخلت معاها المطبخ وساعدتها، واستخدمت طرق تربوية علمية في التحفيز والتشجيع بود وحب ومرونة وشد وحزم.
ولكن للأسف تتحمس من اسبوع إلى اسبوعين ثم تتكاسل وتترك الطبخ.
وخلال فترة حماسها، نصف الأكل خربان ومحروق و….الخ، وهذا بسبب عدم وجود الرغبة في الطبخ أصلاً.

في يوم من الأيام اصبت بتسمم بسبب أكل المطاعم اللي ما يقطع البيت.
وصار بيني وبينها مشكلة كبيرة وصلت إلى أهلها، تأسفت مني وندمت أشد الندم ووعدتني أنها راح تقدم لي أكل خمسة نجوم.
وضحت لها ولأهلها أن الأكل مو أكبر اهتمامي، الهدف أكل بيت نظيف وأحس اني متزوج ومستقر، وتقدم لي مثل ما أقدم لها.
أهلها تفاعلوا معي وتأسفوا مني، ولكن يبدوا أنهم ما يقدروا يتحكموا في رغبات بنتهم.


عموماً .. بدأت تطبخ مباشرة بعد المشكلة وبإحترافية كبيرة (وهذا يدل أنها تقدر تبدع في الطبخ اذا أرادت) واستمرت لثلاثة اسابيع فقط.
والآن لها شهرين متوقفة ورجعت لعادتها القديمة لا طبخ ولا دخول للمطبخ، وصحتي تدهورت بسبب أكل المطاعم ونفسيتي تعبت.
وقلبي كرهها جداً ولا عاد أطيقها، طبعا مطنش ويائس منها ولا قلت لها شئ..
فهي متطمنة أني ساكت ومتوقعة أني رضيت بواقعها.
وسبحان الله أحيانا تنكر تقصيرها في الطبخ وتعدد لي طبخاتها اللي تنعد ع الاصابع كفضل منها وكقناعة أنها مو مقصرة (شئ محير والله) !!!


وللمعلومية: زوجتي جامعية ومثقفة، ومتمكنة من البحث ع الانترنت واستخدامه (لأجل تعلم الطبخ)
ومن ناحيتي مو مقصر معاها بشئ من تمشيات وسفريات وتعامل.
وهي متمسكة فيني جداً.
ومعدل طبخها خلال فترة الزواج كاملة تقريباً ١٠٪ و ٩٠٪ مطاعم.


أرجوا ايجاد حل ينهي هذه المشكلة لأن صبري نفذ وممكن أتهور وأخرب بيتي
والموضوع تفرع إلى مسألة تحدي وعناد وعدم احترام أكثر من كونه موضوع طبخ .

(مستجدات الرد142)


http://66n.com/forums/showpost.php?p...&postcount=142

ممكن سؤال

اهلك حولك اقصد امك وبوك وخوانك
اذا جوابك نعم بعطيك حل مايخرش المية
لو تبيها تطبخ ذبيحة طبختها هههههههه
انتظرك

__________________
سبحان الله وبحمده سبحان الله العظيم

نعم موجودين وقريبين

بالنسبه لوضعها في بيت اهلها كلنا تقريبا طالعين من بيوت فيها خادمات وعن نفسي بيتنا فيه 3 هههههه وكنت افشل واحده بشغل البيت وتعبت بداية الزواج وكنت اصيح قبل ابداء بالتنظيف والطبخ لما اعانيه والله معاهم بعد سنه بسبب صبر زوجي مرا وغضبه مرا اخرى وخوفا من تدمير حياتي لانه صار يعصب مرا علي وتصير بيننا مشاكل واهلي معه لان هذا العرف عندنا الزوجه تقوم بزوجها وببيته طبعا حاولت اجزء الشغل واستفدت من خبرات صديقاتي وصرت اطبخ كويس الان انا شيفه ومابي اجيب خادمات والحمدلله اخرر مشاكلنا صارت عالطبخ والترتيب بدال ماكانت قبل هي اولها ...
نسيت انو زوجي اذا ناطبخت يرفض طلباتي الكماليه حقت الدلع يعني طلعه او تمشي او اجتماع لصحباتي او قريباتي بيت اهلي وبس لما شفت انه صارم للامانه التزمت بواجباتي وبعدين صارت سهله لدرجه لا تذكر اما بالبدايه والله اني ابكي كل يوم ماعرف اعمل شيء لذلك اصبر عليها شوي مع الاصرار وقلها ترى بكلم والدك لا تسكت وان شالله تتغير

__________________
أستغفر الله العظيم واتوب اليه

أشكرك أختي ع اهتمامك
والله يباركلكم ويديم عليكم السعادة
الصبر جميل، ولكن اذا طال لأكثر من سنتين يبدأ بالنفاذ.
وسبق واشتكيت لاهلها، ولكن للاسف مالهم سيطرة عليها.

حلو

قلها حبيبتي انا حاولت معك كثير وتمنيت اني اكل من يدين زوجتي
ولكن كل محاولاتي معك فاشلة سبوع سبوعين وتبطلين طبخ
ما ني قاعد انا وياك نقرة على هالمطبخ انتي زوجتي وحبيبتي
ولا ابي اخسرك عشان لقمة برغم اني لما اكل شي من يدينك
لة مذاق خاص ...... تعرف حريم لازم ترفع فيهم شوي ههههه

ولكن انا الان ذبحتني المطاعم لان مافية طبخ بالبيت
عشان كذا من اليوم باكل في بيت اهلي انت لاتروح لبيت اهلك كل يوم خلها يوم ورى يوم
عشان مايعرفون مشكلتكم خلها مرة عند اهلك ومرة بالمطعم
يعني الفطور بوفية والغداء مطعم والعشاء عند اهلك
ولا جيت بالبيت نقش سنونك واذا قلت تعشيت قل الحمد الله
جعلها تسلم افلانة او الوالدة طبخة لنا اليوم كذا وكذا
حتى وزني زاد وصحتي صارت زينة وخلك ابرد من الثلجة وطبيعي جدا معها
لاتستعجل النتائج واذا قلت ليش ما تاكل معي قلها ماحب
اكل المطاعم وانت وفر لها كل شي بالبيت لاينقصها شي
وشف النتائج بعينك قسم بالله ان يصير وزنك 100 من طبخها هههههه بس الموضوع يبي له برود اعصاب

__________________
سبحان الله وبحمده سبحان الله العظيم

حل جميل وذكي الله يعطيك العافية اخوي الغالي
اقترح علي صاحبي قبل فترة مثل حلك تقريبا
وفعلا كان له أثر واضح، ولكن للأسف التأثير كان لعدة أيام وبعدين تركت الطبخ
ولو كررت نفس الطريقة ما راح يكون لها تأثير.
أشكرك مرة أخرى

فعلا كلام شاطيء الراحه حقيقي اذا زوجتك تحبك راح تتألم لفراقك وقت الأكل ومن اكثر الاشياء اللي تحزني لما يتغدى زوجي بالدوام مرا اتأبم لانو حابه ناكل سواء
جربها اذا واثق من حبها لك ... برضو عندي فكره
اخترع انو ذقت اكل عند اهلك كان قمه في اللذه واللي طابخته وحده عزباء عشان تحرك مشاعر الغيره شوي هههههه بس اخاف ان النتائج تكون عكسيه فخلها اخر الحلول

__________________
أستغفر الله العظيم واتوب اليه

كثرةُ الدَّقِّ تفُك اللحام ....

ادخل الله السرور الى قلبك...
فعلا الحِيَلُ تجدي ما لا تجديه الجدية !!!