السلام عليكم ورحمه وبركاته اخواني واخواتي
محتاجه لمساعدتكم...................الموضوع يخص احدى خالاتي
اهي طلبت مني اني استشيركم لاني كم مره بينت لها مدى انتمائي وتمسكي بالمنتدى وانه ليس للعب واللهو ابدا
خالتي عمرها46سنه متزوجه من3سنوات فقط لم تنجب اطفال حملت كم مره وتجهظ
وكل مره تجهظ تكون لوحدها بدون زوجها ولاحتى يفكر انه يجي لها ابددددددا المشكله هي:
زوجها ليس من منطقتنا وتبعد منطقته عنا 4ساعات بالسياره اهي الزوجه الثانيه لم تكن هناك
فتره خطوبه لحكم السن وظروف تزوجو جلس معها 4ايام وبعدها سافر لمنطقته وحاولت انها
تروح تسكن معاه رفض بشددددددددده وظلت في بيت العائله بعد 3شهور من الزواج اتفقو
على الشقه في نفس منطقتنا على انه يجي لها من الاربعاء للجمعه ووافقت واستاجرت الشقه
وفرشتها واهو يقول لها ادفعي ودفعت كل شي من عندها واهو غني يعني مو محتاج لليوم
ماعطاها فلوس الشقه لانه اصلا حتى مصروف مايعطيها بس المال اخر شي تفكر فيه خالتي لليوم
لم ياتي الى الشقه الا4مرات وكلها يوم ويرجع فقط
كم مره اهي تروح له منطقته بطلب منه وترجع دمعتها على خدها تخيلو مايروح لها يخليها بشقه
لوحدها يروح لها بس ساعه ويطلع والجميع يدري ان زوجته تعلم بزواجه في نهايه رمضان طلب
منها الذهاب للعمره وفعلا ذهبت معاه وبعد الطواف قال لها اسف مضطر اسافر عندي شغل
وتركها عند باب الفندق وسافر عنها قالت له بروح معاك قال لها موفاضي انا ارجعي بيتكم
تخيلو ورجعت لوحدها من العمره تعبت من تصرفاته يكلمها قبل لاينام يقول لها تراني بنام
مع السلامه ويقفل واذا اتصلت له مستحييييل يرد وتظل تنتظرمنه اتصال
منعها من كل شي الطلعه الروحه حتى بيت خواتها لالالالالا خالتي قبل لاتتزوج كانت تسافر مع
الاهل اما الحين تخيلو جوازها صار له سنتين منتهي كل ماتقوله جدد الجواز يقول لها مو فاضي
الحين حتى الى دفتر العائله لم يضفها
الحين خالتي نفسيتها تعبانه بقوووووووووووه وانا متعوده منها انها تفتح لي قلبها وطلبت
مني استشيركم وش تسوي معاه؟؟؟؟؟
انا على علم انكم ماراح تقصرو

الله يكون بعونها والله لا اريد ظلمه ولكن كل ما اخشاه ان يكون زواجه مسيار فكل ما يحدث يدل على ذلك

اختي دام ان ماعندها اطفال الحمد لله وهي مو صغيره خليها تحط حد لحياتها يعني مومعقوله بتظل زوجه بالاسم ولا مع وقف التنفيذ بس حق اربعاء وخميس وجمعه

لابد من وقفه حازمه انا مستغربه سكوتها عليها ان تجلس معه جلسه نقاش اما الحياه الكريمه والعدلبينها وبين زوجته الاولى واماا الله يبدلها خيرا منه

وياويله زوجها منالله ما خاف يجي وشقه مايل اعوذ بالله من قهر الرجال
اختي الحائره خليها تكون قويه واطلب حقها الشرعي في العشره الطيبه والعدل منه واسمحيلي هي عطته وجه ولا ليش تتنازل عن حقها وتستاجر بيت على حسابها وتفرشه هي كذا خلته يتمادى ويظن انها ميته فيه

اسمحيلي الموقف بيدها ولازم هي تكون صاحبه القرار وتطلب حقها منه

والله يوفقها

اختي مشكووره لتفاعلك السريع معاي
يااختي لليوم لم ياتي لها سوى 4ايام فقط واهي الي دايما تسافر له ومثل ماقلت ترجع ودمعتها على خدها
انا جدي وجدتي متوفين يعني اهي لوحدها وخوالي لايعتمد عليهم في شي ابدا علشان كذا صابره وتحاول
ليس زواج مسيار الزواج صار في بيت العائله وبحضور جميع الاهل
موضوع البيت اهو قال لها انا بحول لك ادفعي واهي من طيبه قلبها صدقت ميزه خالتي اطيب واحن قلب شفته في حياتي
الله يعينها

يا قلبي ما قصدته من زواج المسيار انه ياتيها فقط وقت ما يبي وهو مو محرم وفيه اشهار لانه محلل وما قصدتانها كذا بس بقولك نفس الشي الي بيصير في المسيار كذاا

يا قلبي نصيحه قوليلها لا تروح له وتجي على نفسها شوي وتخليه هو الي يجي وادري وربي موقفها صعب خاصه انه جدانك متوفين بس بعد ما ترضى هي بها الحاله

قوليلهاا لا تروح له وتجي مقهوره ولا شي وتشغل نفسها عنه وتخليه لمن يجيها ولا جاء تطلب منه التفاهم مثل ما قلت لك

ويارب يسخر لها زوجها

مشكوره اختي فهمت قصدك
بقولها ماتروح له وتثقل عليه للعلم انها ماراحت له المنطقه الي اهو فيها منذ شهر رجب
وذهبت معاه للعمره وقلت الي صار لها معاه
مع خالص تقديري لك يااختي

غريبة ماسالتو عنو كيف تزوجها وهيا ماتدري عن طريقة اسلوبه او حتى تعرف مين هذا الرجل، او سالت عنه ... اذا كانت بداية غلط .... فالنهاية غلط ..... المهم

هيا تبغاه .................... يعني تبغى الرجال ................ اذا تبغاه تستحمل وتحاول تشوف اي طريقة يحلو المسائل

اذا ماتبغاه .... تحاول تروح القاضي وتشرح له ظروفها ؟؟؟ لانو طريقة الرجال غريبة ... يعني مو سائل عنها .... ومن كلامك مبين انو تزوجو بطريقة غريبة الله اعلم كيف هيا ....

والله يعينها

الولهان

يااخي الرجال تقدم لخطبتها من خوالي وتم السؤال عنه والكل مدح فيه ولم نجد فيه عيب
فعلا طريقته غريبه واكرر لك يااخي لم يكن فيه شي غريب ولم نسمع عنه قبل الزواج اي شي غريب
مع خالص شكري لك