و اخيرا تجرأت و بدي احكي..
السلام عليكم
بصراحه صارلي فترة بقرأ بالمنتدى و أسلوب طرح المواضيع شجعني علشان احكي اللي بقلبي ..
انا متزوجه من 3 سنوات و مش عارفه المشكله من مين, مني ولا من زوجي و يا ريت تساعدوني ...
انا من قبل ما اتزوج كنت جريئه و كنت احس اني جرئة في الامورالجنسيه او بحس اني لما اتزوج اني راح ابدع و اخلي زوجي يعشقني..
المهم تزوجت و الحمد لله زوجي انسان حسن الخلق و ما كنت اتمنى احسن منه ....بس... مش مثلي , مواضيع الجنس كانت بتشغل بالي اكتر منه مع اني بعرف و من خلال قرأتي ان الرجال بيحبو هاي المواضيع اكتر منا ..و انا الحمد لله جريئه و بعمل لزوجي كل اللي بيتمناه اي حد و كل ما بقرأ في هادا المنتدى عن مواضيع كيف تثيري زوجك او كيف تكوني سعيده بحياتك الزوجيه بصير اقول كل هادا بعمله شو ناقصني ...
انا ما بقول انه زوجي لا سمح الله بارد جنسيا او عنده ضعف و لكني بتمنى ان ارى الشوق للجنس بعين زوجي او ارى انه يتمنى ان يلاقيني.. فانا جميله (بشهاده الجميع) و انيقه و دائمه التعطرو مهتمه بمظهري و لكن معظم الوقت بحس انه زوجي لا يراني حاولت في ساعات صفا احكيله و افهمه اني بحب هادا الشي و بيتفهم وقتها لكن بعد فترة بيرجع زي الاول بينساني بالايام و ما بيتزكر الا ازا طلبت منه و اكتر شئ بيتعبني لما البس الملابس المغريه اللي لا تدل الا برغبتي لممارسه الجنس و يضع رأسه و ينام و تاني يوم عندما اعاتبه يقول (انتي ما حكيتي بدك) شو اعمل للاسف اني صرت احس بالغيره عندما أقرأ عن رجال يطلبون زوجاتهم للفراش او عندما اعرف انه هنالك رجال يقومون بممارسه الجنس مع زوجاتهم مرتان او اكثر في اليوم الواحد او مرتان متتاليتان بنفس الوقت اصبحت انظر لزوجي نظرة مختلفه مع حبي الكبير لهو حبه لي و لكنني اشعر بالنقص ..
رجاء لا تقولي عني طماعه ..مع العلم اني استخدمت جميع الاساليب من الكلام الهادئ و الجلسات الرومنسيه و مازلت احاول..و اطلب المساعده و المشوره من هذا المنتدى الطيب وكل المشاركين فيه و ارجو ان تفيدوني
(أأسف لاستخدامي العاميه بالكتابه و لكنها اسهل للتواصل)
وشكرا