السلام عليكم و رحمة الله و بركاته
أنا أختكم في الله وبدرو علي نصيحه لاني شكلي هديت كل حاجه وهطلق
أنا اعترف اني غلطت و انه مهما كان ما يجوز اللي سويته بس اللي حصل حصل وبضرب نفسي علي اللي حصل
يا جماعه الخير أنا متزوجه من4سنين تحملت فيهم أشياء كثيره من حماتي وبنتها لاني عقيم لا أنجب وجربت كل شئ عملت حقن مجهري لكن مفيش فايده دا قضاء الله وقدري
وزجي بيحبني والحمدلله قالي أنا راضي باللي كتبه ربنا وربنا مش كاتب لنا الخلفه فعادي الحمدلله
لكن حماتي وبنتها مش راضيه بالوضع دا وتعمل معايا مشاكل كتير وخاضتفي عرضي وشرفي
علشان جوزي يطلقني ويتجوز
وجوزي وضح لها انه مش هيتجوز وهو راضي كده
تقول يبقي انتي عامله لابني عمل وسحر وتروح لدجالين علشان تزيل العمل اللي انا اصلا مش أعرف عنه أي حاجه وكل دا تخاريف من دماغها علشان جوزي يطلقني
ومشكله تانيه انها شتمت والدي مع العلم ان متوفي بألفاظ بشعه
الله يسامحها بأه هن مقدرتش أسكت لها ورديت عليها لكن من غير ماأغلط
وحاولت تمد ايدها عليا هي وبنتها كنت هموتها هي وبنتها لولا اني عملت خاطر لجوزي
هي مش كانت تعرف اني بلعب تايكوندو الي الان
بسبب المشكله دي جوزي أخد شقه بعيده عن والدته وفي المقابل هيزورها 4أيم في الاسبوع ويشوف طلباتها هي وأخته لانها مطلقه
برضه فضل الكلام وتشويه سمعتي أنا وأهلي مع ان والله مفيش كلام من اللي بتقوله صحيح
وجوزي يقولها ياأمي حرام عليكي انت كدا بتدمري حياتي تقوله طلقها وأنا أجوزك
ومفيش فايده مع العلم ان جوزي بسبب المشاكل أصيب بمرض الضغط
ولمده ليست طويله حياتي استقرت مع جوزي لان جوزي بجد انسان طيب ومحترم ومش غلاط وفوق دا ملتزم ومتدين جدا
لكن حصلت مشكله تانيه أنا لياأخت وحيده بتدرس في الجامعه وكانت مخطوبه
وجوزي اله يكرم أصله هو قالي أنا متكفل بتزويج أختك لانه أحنا بعدوفاه والدي والحاله الماديه صفر والحمد لله اتفاجئت انها تقولي خطيبي تركني
المهم جوزي راح اتكلم معاه وفهم ان حماتي اتكلمت معاه وفهمته انها بنت أخلاقه مش محترمه وان جوزي هيطلقني لاني أخلاقي مش كويس
جوزي فهم الكلام دا وعرف خطيب أختي ان كل دا كدب وبالفعل الولد رجع لاختي علشان يعتذر لكن أختي رفضت أعتذاره
وكنت ي حاله ننفسيه صعبه والله من ضيقتي فضلت يومين مش قادره أتكلم والله الكلم مش راضي يطلع مني ومخنوقه جدا
وجوزي يعتذر عن أخطاء ملوش سبب فيها وأنا مش مستحمله أي حد حتي جوزي
لكن أفاجأبجماتي تيجي تزورنا في البيت بعد المشكله دي ب4أيام أنا ؟أول ما شوفتها مقدرتش أمسك نفسي وكنت هضربها فعلا لكن جوزي هداني وأخد أمه وروحها لبيتها
وبعد كدا جوزي رجع وبيقول لي كدا عيب مهما كان زي أمك
وأنا مش عارفه ايه اللي حصل ليا كنت في غير وعي وفضلت أزعق فيه وأشتمه وفجأه بضرب جوزي ومش ضربه بسيطه لا ضربته بركبتي في رأسه قع علي الارض ومل ضرب فيه أغمي عليه وهو أصل مريض
بعد كدا حسيت أنادنيا بتور بيا وني أزاي أعمل كدا فيه دا جوزي اللي عمره ما قالي كلمه واحده تأذيني
بسرعه كلمت اختي وجب ادكتور قال لازم يروح امستشي حصل نزيف داخي
لولا ستر ربنا أعرف دكتوره في المستشفي اهتمت بيه
ورجع لوعيه لكن وشه متعور وحصل كسر في المفصل بس مش بيتلم لانه لسه تعبان جدا
حتي من خوفي كدبت وقولت ان ناس بلطجيه هما اللي ضربوه
أدعولي
مستجدات الرد 43
http://66n.com/forums/showpost.php?p...5&postcount=43