السلام عليكم

متزوجة لي ثلاث سنوات
حياتي مافيها مشاكل ولله الحمد
زوجي طيب الى أقصى درجات الطيبة
عاش طفولة تعيسة وحاليا قاعد يجتر في الماضي بشكل مخيف
مب قادر ينساه كل شوي يقعد يشتكي ويأكل في نفسه

أهله متسلطين جدا
مع الاسف عانيت منهم أشد المعاناة نكدوا علي وحرموني من ابسط حقوقي في المهر والزواج
الحمد لله ان تغربت والا كان بيتي انخرب

نجي لزوجي
هو طيب جدا مايتكلم ويدافع عن نفسه
أهله رفضوا يساعدونه في امور دراسة وجات له فرصه الدراسة في جامعة واهله ماخبروه عنها الى ان ضاع مستقبله وقالوا له مايحتاج تدرس مَش كل من درس توظف !!
رصيده في البنك وبطاقته والكلمة السرية بيد أهله لدرجة ان مرة اشترى له وجبة من مطعم قاموا أهله سحبوا منه البطاقه مع ان رجال عمره في أواخر العشرينات !
عانى تفرقة بينه وبين بقيه اخوانه لدرجة ان كان ينضرب وينرحم من الطلعات
وقت مرض وطلب مبلغ علشان العملية رفضوا يساعدونه قالوا انت مريض نفسي عالج مرضك النفسي قبل الجسدي
اتصلت أمه تقول لي ولدي مثل اللقيط خليه يروح طبيب نفسي !!!
مع انهم عارفين شقد كان يتألم ان جاته الحاله ويصارخ في الليل من قوه الالم
والي زاد الطين بله انهم سبب المرض وقت مرض قبل سنوات رفضوا يأخذونه للمستشفى الى ان تدهورت حالته

من رجعنا وهو حالته النفسية تعبانه جدا
مع ان يعرفون شقد وقفت مع زوجي وكيف ابوي دفع مصاريف العلاج الي كلفتها عاليه جدا وان زوجي سعيد ومرتاح يفترض ان يكونون مبسوطين له
الي صار وقت كل مرة يزورهم بعد غياب اكثر من سنة بالغربة
يقولون له تزوج بندفع احنا المهر وتكاليف الزواج واهم الي رفضوا يساعدونه وقت مرضه وتركوه يعاني من ألوجع !!

الي صار ان زوجي علاقته مع أهله شبه انقطعت
لازيارات لا مكالمات وصل لمرحلة وقت أهله يدقون على جوالي يبون يكلمونه يطلع من الغرفه
كلمته اليوم ان اقلها اتصال حتى لو مرة شهريا
قال لي كلمة جدا صدمتني عرفي انك تحفرين خراب بيتك وانا حذرتك
رفض اي توضيح او كلام
كلامه يزن في راسي وأعرفه ماقال هالكلام الا ان صاير شي عظيم ومخبيه عني
مع ان سبق خطبوا لي وقت قريب ملكتي وكانوا ناوين يفركشون زواجي
من كلامه وقلبي شاب نار شنو يخططون له !!!
ياجماعة والله العظيم اني ضايعة
تربيت في بيئة تقدس علاقة الأهل وتعتبرها حاجة مهمة جدا ومااحب زوجي يكون عاق
بنفس الوقت اعرف انهم يسعون لطلاقي لو حصل لهم ماقعدت يوم معه

لا تقعدين تاكلين في نفسك و تقولين وش كان يقصد فهذا مدخل للشيطان ..

في جلسة صفاء افهمي منه بهدوء وبطريقتك ؟؟

وعليكم السلام ورحمة الله

هل اهله يعني اخوانه من ابوه وزوجة ابيه هم اهله
ام تقصدين ان امه واخوانه الاشقاء هم من يعاني منهم

على كلا انتي لاتتدخلين فيهم ابدا
ولاتكلمين زوجك عنهم
مادام انهم مؤذين ليش تكلمينه عنهم
شاف منهم وتحمل وخلاص جاء الوقت اللي يقول فيه يكفي الى هنا وخلاص
مرض وتعب ومع ذالك مارحموه

اعتقد فراقهم عيد الله لايبلانا
مادام كل ماراح لهم تعب خلاص اسكتي لاتذكرين له اهله ابداً
عيشي حياتك انتي واياه بدون ازعاجه او تذكيره باهله

عليك بالدعاء والاستغفار وفقط
هو عمل اللي عليه وماشاف خير منهم وانتي بعد ماقصرتي زرتيهم بس شفتي الوضع
علشان كذا التزمي الصمت ولاتجيبين سيرة اهله على لسانك

ازرعي الثقه في زوجك ساعديه لاكمال دراسته
اجعليه الزوج الطموح المتفائل القوي القادر على حل كل مشكله
فيه دورات تقام لمستشاريين معروفين
وتكون الدوره عن النجاح وتحدي الفشل
عن القدره في التحكم وضبط النفس ..الخ من الدورات
سجلي انتي وزوجك
كل الناس يحضرون تلك الدورات طبعا اغلبها بمقابل مادي اذا تقدرون عليها افعلو
اقرئي كتب عن النجاح وتحد الفشل عن الثقه بالنفس وبما حولك ..الخ من الكتب
زوري المكتبه انتي واياه واختار من الكتب اللي تعجبكم بعد تصفحها في نفس المكتبه


اما بطاقته وحسابه لابد ياخذ البطاقه من اهله ولاحد يقدر يتصرف بالحساب إلا هو
ايضا في مستشاريين لهم حسابات على تويتر ولهم ارقام
اطلبي من زوجك يتواصل معهم ويفضفض لهم
اكيد المستشاريين لهم نظره خاصه


متابعه لك

عزيزتي

تعلمي مني ، مالك دخل ما بينه و بين اهله ..
هو و اهله يتفاهموا .. و خرجي نفسك منها ..

اللي مثلهم ما يرتاحوا غير لما بيتكم ينخرب

ابتعد عنهم ... ما تزعلين من كلامي بس يبدو هم كراهينه زياده عشان متزوجك ، و صاروا يشملوه بالكراهية و الجفاء

Bkar44441

حاولت افهم ايش الي صار وخلاه يقول هالكلام
بس مع الاسف كل مرة يقول ان نفسيته بتتعب لو تكلم!!

بقايا انتظار
أهله أمه واخوانه وابوه الي علاقتهم سيئة معه
بالعكس علاقته مع زوجة ابوه قوية هي الي كانت تهتم فيه وبدراسته
دايما يجيني خوف ان الله يمكن يعاقبنا بسبب عدم بر باهله مع ان الي شافه منهم شي مب طبيعي
ومهما والله العظيم حاول معهم لازم ينكدون عليه وعلى حياتنا
بحاول ان اشيل يدي من كل شي
مع الاسف صار زوجي يعتبرني وحدة اجيب الهم والغم لحياته !!!!!

روح الطيررررر
بحاول ان ماتدخل ولأقول شي
تعرفين شنو المضحك المبكي في الموضوع
اني انا الي احن على راسه يكلمهم والله مايقبل يروح الا بعد مااحن وازن على راسه
وهم يحرضونه ضدي ويقولون للناس اني خربت علاقتهم مع ولدهم !!!!

ومض القمر
فعلا كلامك صحيح انهم يكرهوني بس كون احد يكره زوجة ولده ويجلس يعاقب ولده على حساب صحته ومعاناته من المرض ودراسته هالشي غير مقبول تماما

حل مشكلتك بسيط

1.تقطعي علاقتك باهله ( شرعا منتب ملزومة بصلتهم )

2. تبتعدي عن الزن على زوجك بالتواصل معهم.. اللي عليك سويتيه بالنصح ورايتك بيضاء

من جد كلامو انتي تدوري خراب بيتك بيدك ماغلط ولا بحرف

حاولي لاتتدخلي فيه فهو أدري بما حصل له وهو أدري بما يفعله وهناك نوعية من الأباء والامهات حقودة مهما فعل الأبن لهم فمثل هؤلاء وجب تجاهلهم تماماً إختصار للشر والمشاكل
ليس دائماً الاهل يكونوا على حق

لا تتدخلي بينه و ببن اهله
ااي عليك ان تهتمي فيه و بنفسيته
و خلاص ذكرتبه بواجبه تجاههم ،،، وانتهى دورك

دام حذرك ،،، اسمعي كلامه
و اقطعي علاقتك فيهم و امنعي اي تواصل بهم



حافظي على بيتك و علاقتك بزوجك
فقططططططططططط

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~