السلام عليكم

هذي قصة وحدة من صاحباتي انقطعت الاخبار بيني وبينها من فترة وامس جاني اتصال منها بعد ما سلمت عليها قلت يا بنت وينج مختفية عسى المانع خير
شوي والا صوتها يتغير انا ادري انه زوجها مو مضبوط من زمان بس ما توقعت اللي قالته لي وقالت لي تكفين حطيها بالمنتدى ابي كل وحدة تحط نفسها بمكاني بعيد عنكم ان شاء الله وش تسوي ساعتها واي قرار تتخذ
تقول صاحبتي ( أنا بعطيكم صفات صاحبتي قبل لا تقرون مشكلتها هي درست معاي بالثانوية بنت هادية وخلوقه الكل كان يبي يتزوجها لدرجة اني خطبتها لاخوي بس عيال عمها كانوا يبونها وعيوا عليها وهي بعد عيت بعدها عن عيال عمها.. -----)

*******

تقول صاحبتي ان زوجها يعاملها بقسوة شديدة ما يضحكلها اول عرسها كان زين معاها وحتى خواته زينين بس بعدين كلهم انقلبوا عليها الا امه عسل معاها لي الحين وتغليها اكثر من بناتها
صاحبتي تقول ان السبب هو انها طيحت ميانة مع خواته يعني صارت حيل علاقتها معاهم اكثر من خوات والطبع هذا ما طلع يناسبهم لانهم قاموا يمسخرونها قدام زوجها ... مرة وحدة من خوات زوجها قالتلها يا صعيدية انتي ولبسج قدام زوجها وزوجها مع خواته بحق والا باطل
واكثر من هذا يقولون
هي ما همها خواته تقول يكفي ام زوجي انها معاي طيبة وتحبني وتراعيني مثل امي وتدري بسوايا بناتها معاي ومهي راضية
تقول مشكلتي هي زوجي دائما يتلفظ علي بألفاظ قبيحة ويعاملني كأنه يعامل حيوان حتى الحيوان يلقى رحمة اما انا محرومة حتى من اهلي وهم ساكنين قريب مني محرومة من الطلعات مع زوجي او مع اهلي خواتي الله يهنيهم مع ازواجهم بنعيم اما انا بجحيم تقول مرة قلت له وهو كان ماسك بنته يلعب معاها احطلك العشا وانا ابتسم تدرون شقال لي .... قال ما ابي عشا الله يلعنج !!! ومعروف انه ما يناديني باسمي لا يناديني ياالك... باسماء الحيوانات !! واردى من جذي مرة كنت جالسة بشقتي واهله كانوا معزومين وانا قاعدة انا وبنتي عمرها سنتين وكنا داهنين شعورنا فجاني وقال لي امشي بنروح مع اهلي للاستراحة فقلت ما عطيتني خبر من قبل طيب انطر نتجهز انا وبنتي فقال لي تروحين الحين معاي جذي فقلت شلون شعورنا دهن ولبسنا لبس بيت.. لحظة شوي نبدل تقول جرني مع شوشتي قال الحين امشي جدامي السيارة تقول وانا بالسيارة بس بجي شلون اروح لناس ما اعرفهم وانا بهالوضع وغيرها وغيرها من المواقف اللي يدمى لها القلب هذا غير انه يطقها وهي بنت صغيرة ليلحين عمرها 22والكل لا زال ميت عليها ... تقول دايما يسب اهلي مع انهم احسن من اهله وحنا نعرفهم خوانها من خيرة الرياجيل لدرجة انه واحد من خوانها لاحظ انها دايما منقطعة عنهم ما تزور اهلها والسبة رجالها اللي مانعها لاحظ اخوها انها اذا زارت اهلها تكون شاردة والضعف ماكلها ومهمومة حس فيها اخوها فقال لها ما فيه روحة لزوجك تقعدين عندنا اليوم لين يتعدل لكن هي اللي ضغطت على اخوها انها تروح زوجها مروعها بحياتها يدش معصب ويسبها ويطلع وهو مبكيها
والله انا قلت لها حرام عليج تدفنين نفسج مع واحد مو صاحي ربي معطيج كل هالزين ومقابله واحد مو حاس فيج روحي عند اهلج لين يتعدل زوجك ويعرف قدرك تقول اكشخ له وهي على فكرة ذويقة لدرجة كبيرة لدرجة ان بنات عم زوجها ياخذون رايها بكل شي حتى ان وحدة تبي تجهز لعرسها طلبت منها تساعدها بجهازها
بس حتى كشختها مو مأثرة عليه تقول اذا اخذ اللي يبي مني زفني وطقني حتى المصروف ما يعطيني وخلاني في بداية زواجي اترك دراستي في الكلية وكان مو باقي الا سنة واتخرج وتركتها عشانه بس الحين شستفدت منه غير النار اللي بقلبي
حتى جوالي يفتشه ويحاول دائما يحطني بمواقف تنكدني واذا درى اني مستانسه ينقهر تقول دايما يتعمد يقهرني وينكد عيشتي ويتحسر على الابتسامة اذا ابتسمت ويفرح اذا شاف دمعتي .. يا ناس فيه زوج كذا؟؟!!
قبل شهر هي كانت حامل باربع شهور وطيحت تقول قبلها اقوله ودني المستوصف عشان مراتجعاتي للحوامل ويرفض بعدها حسيت بالام وقلت له ودني الطبيب قال حيل تعبانه قلت ايه قال احسن ومافيه طبيب تقول لين بعدها بكم يوم جاني نزيف وطيحت باربع شهور ...
شرايكم بهالوحشية ؟؟؟!!

تقول بالنهاية ابي راي البنات لانها تفكر بالطلاق وتقول انا كرهت شي اسمة زواج خلاص ابي اعيش عند اهلي مثلي قبل بنعيم وراحة بال لكن تدرون فيه ناس ليلحين حاطين عينهم عليها يعني هي تتطلق مني راح تنخطب بعدها لانها خلووووقة وفوق هذا ما فيه احد مثل زينها وجسمها

وهي تنطر مشورتكم لا تخلونها

حرم الشيخ حمد

اختي الكريمة

اوصي صديقتك .................................

انها تدخل اهلها في الموضوع ................................


تجمع اخوانها في البيت

وتخبرهم بكل الذي حدث لها من يوم ما تزوجها إلى الحين .....................


وتروح معاهم ...........................


وإذا يبيها ترجع له ................................


ترجع بشروطها هي واخوانها .............................


لأنه حقيقه ..........................


ما يستاهلها ..................................


مو لصفاتها إلي ذكرتيها >>>>>>>>>>>>> هذه أشياء ثانوية


هذا ما يستاهل احد يعيش معاه ....................


إذا تعدل



ولا ...................... الطلاق



والطلاق .......................... هو ابغض الحلال إلى الله


ولكنه رحمه لكثير من الناس








فهذا الحل في نظري


أسأل الله ان كان زوجها فيه خير


ان يصلحه ويرجعها له


وإن كان مافيه خير


إنه يفكها منه


تحياتي

__________________

----

كفايه تقولين لنا زوجها يناديها باسماء الحيونات ويستهتر حتى بصحتها لدرجه انه تسبب بقتل نفس بريئه والعياذ بالله سبب كافي نقول هذا حثاله ومايستاهل يكون زوج واب وانسان اصلا

فالافضل تكرم نفسها وتحشم نفسها عنه وتتركه وتروح بيت اهلها وتشرح كل شي لاحدى اخوانها الثقات ويكون باله طويل وعاقل وحكيم ويخليه يتفاهم مع هالزوج

إذ فهم غلطته وبين ندمه واعتذر لها ووعدها انه يكون زوج كفو ترجع له وان شاء الله مع الوقت يحسن من نفسه لان التغيير مايجي كذا فجأه

اما إذ كابر وزاد فهي الكسبانه ان تركته هذا الحياه معه جحيم ودمار

والشكوى لله

مع احترامي لها كيف تطلب الطلاق وهي لم تحاول معه .. الطلاق غالبا يكون اخر الحلول وهي لم تحاول بأي حل واول الحلول :

انصحها الذهاب الى اهلها وايقاف هذا الزوج عند حده

__________________

__________________

كان الله في عون صاحبتك

يثبت الموضوع تضامناً مع الاخت الفاضلة ولتحقيق التفاعل المنشود

عزيزتي صديقتي تعاني من ضعف شخصية غير طبيعي وإلا كيف تسكت كل هذه المدة ليست بلا أهل حتى نقول أنها وحيدة مثل هذا الرجل لاينفع معه إلا وقفة رجل حازم تشعره أن وراءها رجال يستطيعون ردعه عن غيه وإلا فالعيش بدون رجل طوال العمر خير من العيش مع رجل يفتقد لأبسط معاني الرجولة .. فلتحزم أمرها ولتكن قوية ولا تتخاذل فما جرءه عليها إلا سكوتها ..
أعانها الله وسددها
محبتكم بنت طيبة الطيبة

والله صدق دنيا عجيبة ... معقولة في بشر زي زوج صديقتك أختي مثل هالانسان مستحيل انو ينصلح حاله خلها تفك نفسها منه قبل مايمر عمرها وتلقى نفسها بروحها .

اضم رأي مع الجميع واقول اليها ان تتفاهم مع زوجها اولا ثم مع ام زوجها ثم مع اهلها


يتفاهمون معاه ويعرفون السبب الذي بجعله يعاملها هذه المعاملة ويشترطون عليه واذا


رفض تتركه كم اسبوع اذا ارتدع وطبق الشروط ترجع اليه مع تعهد خطي يوقع عليه

معقول في ناس بهذه الوحشيه
لازم تروح بيت اهلها على طول ... مايصح يناديها
باسماء الحيوانات
وش هذا الرجال والله حرام فيه نص مره
.......
اول مره بصراحه اقراء هيك قصه

الله يساعدها
واذا بدها تتطلق تصلي صلاة الاستخاره قبل
ولازم يربوه اخوانك وابوكي حتى يعرف قيمتك بنات الناس مو لعبه عنده
حرام عليه
اشكرك اختي على اهتمامك بقصه صاحبتك

__________________
صلــــــــــــــــــو على النبـي الغالـــــي]