السلام عليكم ورحمة الله وبركاته..

اسمحولي أشكيلكم من نفسي ,,,أومن طبع شينن فيني..

أنا فيني صفة الأستعجال أو التسرع (يعني دايم أمشي ميتين)يبيلي ساهر^_^

سواء ذا الشي في قرااارات مصيريه..أو حتى
في مواقف يوميه حياتيه..

لدرجة صار الكل ينعتني المطيوره(هاه لحد يعاير

صراحه أنا مدري وش الأسباب:

هل يمكن لأني أنفعاليه وعاطفيه فكثير أنساق ورا مشاعري ولاحكم عقلي؟!..

فألقى نفسي أتصرف بسرعه باالي يمليه علي قلبي؟!

بتقولون هذاك عارفه السبب :ليه ماتريثين وتمسكين بريك..

بقولكم حااااااولت,,بس ذا الطبع يغلب علي

يعني أنا أحاول كثير أقنع نفسي وأشعرها ببشاعه ذا الطبع ,,,لأني أشوف أنعكاسات وتأثير تصرفاتي المتسرعه أحيان حتى على غيري وأهلي..

لاتبخلون علينا بحلولكم السديده

او باركن بيب


الغاليه هالصفه موب زينه تراها تقدرين تسوين كنترول وتعودين نفسج لانه مثل هالتصرفات الخوف انها تنعكس عليج مستقبلن وخصوصن حسب المواقف او غيره فانا اقول عودي نفسي على التحكم بالاعصاب وهدي ريلاكس .. هههه الموضوع وحله بايدج ...


ترى حاسبي باجر بيقولن بدل المطيورة .. ساهر ( القناص/ رادار ) .. بالاماراتي

والسموحه

هلابك خيتو حصه
هههههههههههههههه

لا أبشرك شكلهم بيقولونها لي بالسعودي والأماراتي وبكل لغات العالم ههههههههه

والله أدري أن الطبع هذا شييييييييين ..
وبيأثر علي بالمستقبل ,,أدري أن البنت لازم تكون تصرفاتها مدروسه ومايصدر شي منها الا مثمن

وعلى قولتك سوي كنترول الحجار مخلص عندي^_^

وهو صح الحل بيدي بس ابي الي ياخذني بيدي ويدلني كيف أتخلص منه لأني حاولت

من جد خيتو مشكوره على ردك المفيد ,,وتواجدك اللطيف..

ابنتي الكريمة :
ابحثي عن السبب هل هو وراثة أو بتأثير سلبي من الطفولة أو نصيحة خاطئة أو غيرها وإذا عرفتي السبب بطل العجب
والعلاج الآن كما أتوقع ما يلي :
ما تستعجلين فيه قسمين
قسم تكون العجلة فيه محمودة واتخذتي القرار المناسب ونفذتي بسرعة وكانت النتائج ممتازه فهذا (خوذي راحتك فيه).
وقسم تكون النتائج سيئة وتدل على عدم تحكيم لا العقل ولا حتى العواطف وهنا تقفين وتسألين نفسك ما المانع من الركادة ولو بالتجربة؟.
سأضع لك التمرين التالي :
كل نتائج سلبية تقفين بزاوية المجلس خمس دقائق وتفكرين خلالها بما يجب أن يكون فعلتيه بها الاستعجال. ولمدة أسبوع وتأكدي بأني بكون لك ساعهر.
ربي معك وربي يطامنك باسمه العظيم.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

ياغاليتي وليش تتسرعي ايش وراكِ اجلسي فكري براحتك وعلى روااقه .,~
في التأني السلامه وفي العجله الندامه .,~

الله ييسر لك امورك ان شاءلله : )

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

صحيح كلام زهره

لاتتعجلي في اتخاذ قرارات هذا اهم شي ولا تنجري ورا عواطفك

الله يحفظك

اخ رجل الرجال ذكرتني بالوالده لما قلت الله يطامنك باسمه (جزاك الله خير)

‏*‏)صراحه مادري عن السبب,,أستبعد نصيحه خاطئه ..ومدري هل هو وراثه؟ ولكن أرجح التأثيرالسلبي في الطفوله..
بس الذي أعلمه ان هذا الشي له سطوه علي ويكون غصب عني..


‏*‏)بخصوص قسم ذا المردود الأيجابي:
نعم انا أحب أنجز أعمالي بسرعه,,, ولاأحب التأجيل وهذا يجعل نوع من التنظيم أو النظام في حياتي..
كذلك لما كنت أدرس ....(زين طلع فيه جانب مشرق من ذا العجله^_^

‏*‏)أما الجانب المظلم:أمس مسكت زاويه بسريري وقعدت أفكر بنتائج تسرعي صراحه خنقتني العبره ماكنت أظن ذا الطبع مستفحل كذا وبذا السوء..
وبنفس الوقت حسيت بصعوبه لأني حسيت كأني بأجمح قوى داخليه مسيطره علي ,,بس أن شاء الله بنتصررر..

*)وأن شاء الله راح أسوي التمرين كل يوم,,وراح أقول النتايج..

وأذا بتصيرلي ساهر هاه أرفق علي لامسكت مخالفه لاتعلي علي الغرامه هههههههه

جزاااااك الله خير ياعم وجعلها بميزان حسناتك ..

والله ياختي حتى أنا أجهل ليه أتسرع

وفعلا فالعجله الندامه,,أن شاء الله استوعب ذا الشي وأطبقه

ويسهل أمورك,,تسلمين على الدعوه خيتو..

كثير الشكر جزيل الأمتنان على فضل تواجدك

هلا بك أخوي..

فعلا هي قرارات وعليها تترتب كثير من أمور حياتي يجب التروي والتريث فيها...


ويحفظك,شاكره لك تواجدك

عزمت أن شاء الله اتغير والله يعيني

أكثر من الإستغفار فهو علاج لكل مشكله :
من ثمار الإستغفار :
1- إنشراح الصدر والراحة النفسيه .
فيه الطمائنيه والراحة النفسيه لأنه من ذكر الله قال تعالى (الا بِذِكْرِ اللَّهِ تَطْمَئِنُّ الْقُلُوبُ ) .
2- أنه حل لك مشكلة ولكل هم .
قال رسول الله صلى الله عليه وسلم ( من لزم الإستغفار جعل الله له من كل هم فرجا ً ومن كل ضيق مخرجا ً ورزقه من حيث لا يحتسب ) .

3- الرزق ( المال والولد ) .
قال تعالى :
(فَقُلْتُ اسْتَغْفِرُوا رَبَّكُمْ إِنَّهُ كَانَغَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا) .

__________________