السلام عليكم ورحمه الله
عندي مشكله واتمنى اجد من يفتيني فيها ويوضح لي الحلول المناسبه
انا متزوجه من ست سنوات وعندي طفل واحد
زوجي منذ مايقارب الثلاث سنوات تغير علي واقدر احدد الفترة بسقوط الاسهم السعوديه
طبعا زوجي كان متضرر بشدة وخسر اكثر من مليون وخمسين الف لكن والشهادة لله ماكنا معتمدين عليها في معيشتنا لانه موظف براتب عالي وهي اصلا كانت ورث بس عاد الحلال عديل الروح
وزوجي تازم وقتها وتعبت نفسيته وتغيييير مرة صار دايم معصب واذا ماكان معصب فهو صااااااااااااامت
وتحملت لاكثر من 4 اشهر ضغط مادي ونفسي وسافرت شغالتي وماقدمت ثانيه تقديرا لظروفه ,,
والحمدلله وقف بعدها على رجليه وجمع نفسه وضغط علينا شوي واشترى ارض وبدا يرجع يستثمر ويشتغل ووو بس نسى انه يرجع لي حقوقي زي اول ؟؟
احس انه قال مادامها قدرت تعيش هالفترة مضغوطه خل نضغطها باقي عمرها ؟؟
وفرض علي
مصروف شهري الف ريال !!!
وفاتورة جوالي ..!!؟ بحد ائتماني 500
واكلي وشربي ..!!
يمكن لاول وهله بتقولون حلو؟؟ وش تبين اجل ؟؟
بس زوجي راتبه 15000
وتجيه بدلات وانتدابات ممكن توصل لثلاثين الف سنويا
ودورات قد تصل لثمانين الف
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,
وبصراحه وضعي الاجتماعي كزوجه رجل مرموق وبنت رجل مرموق مايسمح لي اعيش كذا
لاتحسبوني مفسدة ,,لا انا راعيه سفرات وروحات وجيات ولا انا راعيه تغيير ذهب والماسات وساعات كل سنه ولا كل سنتين ولاكل ثلاث ولا حتى شنط ماركات وبدل غاليه حتى الجوال مايهمني ومااغيره الا اذا خرب ولا اهتم فيه ولا شي من هالقبيل بالعربي مولودة وفي فمي ملعقه من ذهب وماانحرمت من شي ومااحس بنقص يستدعي التعويض ...
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,
زوجي ماهو مقدر هالشي ويشوف اني متطلبه وماديه مدري من اللي مقنعه بهالشي ؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,
بصراحه هالشي ماثر علي مرررة ومتعب نفسيتي ويضايقني لما اطلب منه شي ويقعد يحسب كم صرف علي هالشهر او اتصل عليه يحول لي فلوس ويماطل فيني ويجنني ماحول لي مع ان المبلغ مايتعدى ال500 ويكون لشي ضروري جدا والا مايكلف على نفسه يحول لي ...واذا شديت عليه في الكلام قفل جواله
مع العلم اني هالفترة عند اهلي من العام الماضي لاني ادرس وهو عنده دورة في الدمام ..
يعني ماعنده مصاريف الا هالخميس والجمعه اذا جا اكل وشرب ,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,
انا ماابي اشتكي لاهلي احس هالصفه سيئه في الرجال وماابي زوجي يطيح من عيونهم ,,
ودايم اغطي عليه وماابين انه مقصر وادعي اني انا ماابي هالشي ماانحرمت منه ..كله عشان صورته ماتنهز بس هو عادي عنده مااهتم يحس انه ماقصر في شي ,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,
انا احس انه مايحبني !
مع انه دايم يقول احبك واموت فيك وانتي عاجبتني ووووو يعني موب قاسي معي او مايهتم لزعلي
طيب واخلاااااق وتعامل وذوق ومايدخن وملتزم اقدر اقول عنه ذيبان على قولتهم
بس مشكلته البخل عند المقدرة
عشان مااظلمه باقول هالسالفه وانتم احكموا
في حسابه 20000 سدد فاتورتي 781 ريال شهرين
ورحت لمحل وشريت ب160 ريال
ولما جا يسافر عطاني 500 ريال
وحسابي فيه الف ريال (هذي ممنوع اللمس تحت اي ظرف (للزنقات فقط والضرورة القصوى )
كلمته اليوم وقلت باروح اسوي تلبيسه لاسناني من رمضان بديت العلاج ووقفت
قال لا
الشهر الجاي ّّّّّّّّ!!!!!!!!!!!!!!!!!!!!!
قلت ليش ؟؟؟؟؟؟؟؟
قال ورانا عيد ومصاريف !!!
ضحكتني اشوا اني اول مااوصل الالف بتوقف التمويل تكفى عاد مااعرفك ؟؟
زعل وقفل جواله ؟؟ لاصح قال عاجبك والا طقي راسك بالجدار<<<عادي ترا يمون شوي جرعه الميانه زايدة بيننا
عاد انا انقهرت قلت وش يبي ذا ؟؟

يشب الشيح ويقفل جواله وانحمست مرة
ترا انا غالبا في الاخر ازعل واخذ حقي غصب بس ماودي اسوي سالفه وزعل وتشين النفوس عشان كلام فاضي
ولاني مؤمنه بمقوله اذا اردت ان تطاع فاطلب المستطاع فانا اتوقع منه يوافق ويقول ابشري ياقلبي ولايهمك ,,بس للاسف
وقد اسمعت اذا ناديت حيا ,, ولكن لاحياة لمن تنادي
اللي يقهرني انه مايسوي هالحركات الا اذا صار بعيد يعني اكيد بعيد عن العين بعيد عن القلب..
وش ذا ؟؟ماقد شفت رجال كذا عنده ومايبي يصرف
وش اسوي معه ؟؟
طبعا طولتهامرررة بس وش اسوي عمري ماشكيت لاحد حتى امي <<شكل هذا اللي خرب رجلي من امن العقوبه اساء الادب ؟؟

صراحه صرفيتك عاديه يعني صرفية وحده راتب زوجها تقريبا 4000 ريال


ولاكن اذا كان دخله مثل ماتقولي فهو بخيل جدا

و الله كنت ابي اكتب هالموضوع بس سبقتيني

انا نفس الشي زوجي الحمد لله عنده خير بس احس اني عايشه في فقر
ما يعطيني مصروف و لا اشتري ملابس الا من عيد لعيد و لا اطلع من البيت الا يوم واحد في الاسبوع اروح بيت ابوي يعني كللللللللش ما اصرف بس فاتورة تلفوني توصل 1000 و بصراحه قمت اتعمد اتكلم بالتلفون وااايد لان من حقي ما يعطيني مصروف
و احن عليه ابي اشياء ضروريه و يقول لي احنا مب محتاجين هالشي
و نفسج ما اقدر اشتكي لأهلي، بس احسهم عارفين انه بخيل حتى ابوي في العيد اللي راح عطاني 3000 ريال عيديه

سوري دخلت عرض في موضوعج بس صج مقتهره وقلت مره وحده نلقى حل لمشكلتنا ما دام مشكلتنا وحده

__________________

والله مالو حق المفروض يعطيكي مصروف 15000 ريال

نفسي أعرف سبب بخل الرجل

والله العظيم يا بنات إن الزوج لو كان ما عنده كان تهون

بس لو كان عنده هنا المصيبه

يعني الفلوس بيشيلها لميييييين ؟؟

الحمد لله على كل حال

__________________

قولوا الحمد لله ، و الله يعين أزواجكم ..

و الفلوس إذا كانت كثيرة فأصرفوها لشئ ينفعكم في آخرتكم

و ترى ما يعرف قيمة الفلوس غييييير اللي يتعب عليها

يعني الزوج موظف و راتبه فوق الـ 20000 ريال و أكيييييد ما أستحق الراتب إلا إنه شغله بحاجة لمجهود
فهو أكييييييييييييييد حاس بقيمة القرش

و أنا هنا مع زوجك أختي الكريمة و أتمنى ما تزعلي

اذا كان يكفيج قولي الحمدلله !!

تخيلي انا زوجي دكتور ومعاشه قوي ويعطيني 600 ريال فقط تشمل فاتورة التلفون !لا وبعدها يقول انتي مسرفه !
ويقط نغزات لي الراس يبيني اشتريله جوال اقول استريح بس

لكن الأكل والشرب عليه ,, (حتى الأكل والشرب نجي على آخر الشهر اقوله الثلاجه فاااااااضيه يقول نطري المعاش !! )

بس الحمدلله على كل حال

القناعه كنز لايفنى يا اختي ودام عندج لقمة يومج قولي الحمدلله حالج احسن من غيرج

السلام عليكم

طالما تعرفين كيف تخليه يصرف عليك و عن رضا
فاتبعي كل اسلحتك و مهاراتك للحصول على ما تريدي
دون افراط او تفريط

حقك عليه ان يمرضك و يدفع لك قيمة تلبيسة ضرسك !!
ولا تؤجل لانك مريضة

فقط احب ان اقول شىء حتى اكون منصفه له ايضا
طبيعي من يتعرض لازمة مادية كبيرة
ان يصبح حريص
وهو كان لدية مليون و خمسين و اصبح لديه اقل من ذلك بكثير
وها هو يحاول ان يستعيد ما فقده

و خذي بالك الاول كان هذا المبلغ ورث ( اي لم يشعر به و لم يبذل فيه جهد للحصول عليه )
الان هو يجمع بغية تعويض المبلغ من جهده و عرقه و سفره و سهره في عمله

فطبيعي ان يكون حريص لانه ببساطة ذاق طعم الجهد و التعب ليجد المال
و بالتالي طبيعي ان يصبح مثلما وضحتي انتي

لكن كما قلت في البداية طالما تعرفين انه معه و ان ما تطلبيه لا يفسد ميزانيته
و لا خطته في جمع المال لتعويض ما فقد

اذن افعلي كل ما تقدري عليه حتى تحصلي على ما تريديه
والاهم ان يكون برضاه و دون مشكلات ..

وربنا ييسر لكم و يفرج عليكم و يطرح في اموالكم الخير و البركة ..

ولا تنسي التصدق حتى لو بالقليل
فهو يزيد المال بركة و سعة و لا ينقصه ..

تحياتي ..

__________________

السلام عليكم ....

أختي الحبيبة الصدمة والخسارة المادية اللي تعرضلها هي سبب رئيسي في اللي قاعدة تشوفينه منه ..

يا اختي غيرك ما يشوف ربع أو نصف اللي معطيك اياه زوجك فاحمدي الله واشكريه ...

يا اختي لا تزعلي من ردي ...

ولكن أنا من رأي روح الطير ..

اللي يتعب على القرش وحتى ولو كان راتبه أكثر من ممكتاز بيكون حريص جدا في التفريط به ..

ويا اختي قولي الحم لله أولا وأخيرا ان زوجك الله يحفظه لك ما مات يوم خسر المبلغ الكبير هذا يعني الحمد لله اللي لطف فيه وجات على نفسيتة بس ...

مع ان وللإنصاف الاتفريط بالقرش يختلف عن البخل ...

التمسي له الأعذار ...

حاولي تحددين احتياجات الشهرية بطريقة متزنة ...

وحاولي تتفقي معاه على تحديد ميزانية كل شهر تلتزمين فيها ومبلغ محدد يكون في الحساب للطوارئ فقط ,,
التجديد حلو ...

يعني لو تعتمدي انك تشتري مثلا لبسة وحدة كل شهر مع الملابس اللي موجودة عندك أصلا وتقتصدي بالجوال والفواتير تثبتيله انك مقتصدة ومو مسرفة ومبذرة ...

لكن اذا كان شرائك لاحتياجات بغرض انك تشتري لأن عندك فلوسفهذه بصراحة تعتبر من التبذير لانك لست محتاجة ...

أما ما يخص العلاج فمن حقك المطالبة به بالهداوة ...

أختي زوجك يحاول يرجع اللي راح بالإقتصاد الزايد شوي ...

خسارة الأسهم بالنسبة لزوجك مو شوي أبدا ...

أعذريني على الأطالة وعدم الترتيب حاولت أوصلك الأفكار اللي في بالي بسرعة ...

أعذريني لو كان في كلامي بعض القسوة ...

أم حمزة

انا زوجي مثل زوجك خسر في الاسهم كثير

وكنت العب بالفلوس لعب والان الحمد لله على كل حال حاسه بتقصير منه بس لازم نصبر حتى تفرج

__________________
موقع للقران جدا رائع تصفح واستمع
http://www.tvquran.com/abkar.htm