أبي ومعاملته المريبة لنا !!
السلام عليكم ورحمة الله وبركاته
والله خجلانه جداااااااااا جداااااااااااا أكتب في الموضوع هذا
لكن اللي شفته خلاني في شتات وضياع وصراع مع نفسي
الموضوع هو ( والدي ) الله يهديه ويحسن خاتمته عمره فوق الستين وقريب ع السبعين
أتكلم لكم في البداية عن أخلاق ابوي .. هو يصلي الفروض ويصوم رمضان بس
يتابع القنوات الفضائية بشراهه مايغض البصر عن الجارة ولا القريبة
فضلاً عن الغريبة مايصون لسانه عن الذم في أخلاق الرجال وقذف النساء
ويدّعي العكس تمااااااااااااماً حياته كلها سهر على الورق ( البلوت ) ومتابعة الدش
كانت أمي دائماً تمنعنا نجلس معاه لوحدنا ( هذا لما كنت صغيره )
ولما جابت خواتي الصغار لاحظته يلاعبهم لعب مره مره يفشل
والله ماني عارفه كيف أوصف لكم وصعب علي أكتب هالشي عن ابوي
المهم .. يبوسهم في أماكن حساسة وأمي تزعل منه ويقلب عليها
وانتِ شكاكة وانتِ موسوسة وانتِ وانتِ وانتِ .. الخ
ولما كبرت اختي الصغيرة عمرها الحين 11 سنة وبدأ صدرها يبرز يحاول يمسك صدرها
واختي تخاف منه وتحاول تروح منه .. امي شافته مرة وسحب يده على طول منها
يعني مثل اللي عامل عمله وخايف أحد يشوفه !!
امي رااااااااااافضة وجود الشغالة في البيت مع ان حالتنا المادية جيدة نوعاً ما
ومو صعب نجيب خدامة بس ترفض ولما أناقشها وأشد معاها بالنقاش تقول :
تبغيني أشوف الخطأ وأسكت ؟!
عرفت لما كبرت قصدها وهو ابوي ..
مع انه زمان جبنا خدامتين وراحوا بمشاكل ما أذكرها لأني كنت صغيرة
طبعاً الخدامتين وراء بعض مو بوقت واحد جبناهم ..
القشة اللي قصمت ظهر البعير
قبل فترة رحنا للبحر وكنت ماعرف أسبح وبغيت أغرق على الشاطئ
يعني مره مره ماعرف ..
قلت بحسن نيّة لما ابوي يسبح بأسبح معاه ..!
لأني خفت أغرق فيكون معاي
بعد يومين دخلت المسبح في الشالية وشوي نزل ابوي معاي
وصار يحاول يقرصني في أماكن حساسة بدعوى المزح وأنا أرشه بالموية في وجهه ويبعد ويرجع
بعدها صار يناظرني نظرااااااااااااات الرغبة اللي كنت أقرأ عنها لاتقولون تتخيلين لا والله
أنا كبيرة وفاهمه .. لما شفته زودها بعدت عنه وتسحّبت لحد ماطلعت من المسبح ..
الحين الموضوع له فترة وانا في حالة مايعلم بها الا رب العباد وحده
صرت أكره ابوووووووي وادعي عليه بالمووووت
والحين تأكدت ليه مايجوني خطّاب كثير ومافيني عيب ولله الحمد ..!
ولبسي ولبس خواتي في البيت محتشم مره مره .. مانلبس البناطيل ولا العاري
عمري الحين 25 سنة وأنا أكبر أخواني
ماني عارفة كيف أتصرّف وكيف أمسح من بالي النظرات اللي شفتها
والله بس أغمض عيوني أتخيله قدامي هو ونظراته
أدعوا لي بظهر الغيب والله والله محتاجة دعوة صااااااااااااااادقة
التعديل الأخير تم بواسطة $ منى $ ; 15-08-2007 الساعة 03:11 AM
15-08-2007, 03:07 AM
ضوابط المشاركة
العرض الشجري