أستشيركم لأني محتارة،،
زوجته ما انتهت عدتها وتبي ترحع له بأي شكل وبأي طريقة..
لها 3 أيام ترسل لي رسايل مختلفة مرة تدعي علي،ومرة تذكرني بالله،،ومرة تترجاني أتوسط لها عند زوجي(وكأن أمرها بيدي)،ومرة تهددني إذا ماسعيت لرجوعها بتخرب بيتي.

أنا طنشت رسايلها،ولا خبرت زوجي لأن المرة السابقة لما خبرته غضب غضب شديد منها وانتهى حالهم بالطلاق..

أنا بفضل الله كنت مقربة أتجاوز الصدمة والألم اللي بقلبي،
لكن رسايلها رجعتني لورا،
ثم لو قلت لزوجي مدري كيف بيتصرف معها،،، أبيها تبعد عني وعن حياتي بدون ما أضرها ولا تضرني..

للعلم ترسل رسايل نصية لأني حاظرتها من الواتس.

انصحك تستمري بالتزام الصمت عن الجميع

لا تردي عليها ولا تخبري زوجك ابداً ابداً

اتركيها ان لها نصيب بتاخذه ولكن انتي لست مغفله تغدر بك والان تستعطفك

مو انتي الي تعطيها رقم زوجك بيوم لاجل انها شغل ومصلحة ثم الان تطلب منك اعادتها لعصمته

لا يُلدغ المؤمن من جحر مرتين!!

__________________
لن أحلل و لن أسامح من يتابع معرّفي بغرض التجسس على شخصيتي

مع هالاجهزة الذكيه ما فيه اسهل من حظر الرسائل النصية و الاتصالات المزعجة

لاتردين عليها

خليها ولاتسوين حظر من جوالك.. رسايلها تدينها

هي ماتقدر ولا لها وجه تطلب الرجوع بعد مارمت الولد اللي حسبته ورقة رابحة تهدد بها فتبيها منك انتي عشان هي تطلع بموقف القوة وتبان راجعة مكسورة يرجعها بشروطه

حيلة ساذجة جدا



عموما انتبهي يا خالة ام دان انتبهي تحذفين رسايلها

خليها عندك ممكن تحتاجينها بعدين لما تاذيك باي شكل

ايش مضمون الرسايل؟

__________________

اختلافي عنك لا يعني اختلافي معك

مع البقيه لا تردين عليها كان الاجدر ترسل مسج لزوجك او توسط اخوها اللي زوجها ، تقدر مثل ما قدرت ترمي ولدها و تروح .

ايوه لا تخبريه
زوجك لما عصب قبل ممكن لانها كانت زوجته

الان لانه طلقها ممكن لو خبرتيه بالرسايل يحن لها ويحس انها لازم ترجع عشان الولد

فخليك ذكيه لا تخبريه
وهي ولا كأنها ترسل لك لما رمت الولد اعتقدت انه ورقه تربح فيها حقوقها وخاب ضنها
والان تعتقد انك ممكن تتسببي في رجوعها لزوجها

مع هذا الرأي

مع رد باقي الاعضاء
ما هذا الاستهبال يعني كانت تظن انك راح تصلحي بينهم!
لا تردي
ولا تقرئيهم اصلا حتى ما توجعي راسك
ولا تقولي لزوجك
تزوجت زوجك بشروط عشان يقبل بها وبس بعدين لما جابت ولد صارت تطالب بحقوقها
حقوقها هي تنازلت عليهم وما احد ضربها على ايدها
ولا تخافي من دعواتها لانك ما ظلمتيها
لا يلدغ المؤمن من الجحر مرتين

__________________
ربنا هب لنا من ازواجنا وذرياتنا قرة اعين واجعلنا للمتقين اماما

الله يرزقك الصبر الجميل ...

تقولكم لها 3 ايام ترسل ولو بتطنشها بتستمر ترسل
مافيه الا انك تحضرين رقمها من الرسايل

وزوجك اكيد انها مزعجته تبغى الرجوع


ومازالت تحاول ترجعه ...



ما اقول الا صبرا جميل والله المستعان
اكثري يام دان من قول حسبي الله ونعم الوكيل كرريها دوما

بعيد عن اللي سوته واللي انا ارفضه رفض تام " وهو زواجها بزوج زميلتها"

لكن هي قبلت بشروطه على اساس (((ما فيه عيال))) بتاذون من هذي الشروط
لكن حملت "بقدر من الله" وحلفت له عند الكعبة انها ما تقصدت الحمل

يعني طبيعي الوضع يتغير صار فيه طفل بريء ما له ذنب شروطك كانت عليها لوحدها
الحينه فيه ولد لك شءت ام ابيت " تحمل تبعات تجربتك ونزوتك اللي تقول عنها "
"وتذكروا عيالكم انكم ما ترضون لهم هذي العيشه "

كيف يرضى زوجك ان ابنه يكبر ويشوف امه تعامل بهذا الشكل بدون حقوق؟!!
كيف يرجوا بره وصلاحه وهو بيشوف مع الايام كيف امه عايشه؟!

ارجع واذكر اي وحده تقول هي رضيت بشروطه
رضيت على اساس مافيه عيال
جابت من الله هالولد نقول لا. يتم الحال على ماهو عليه!!