أخواتي العضوات والمراقبات ... لدي تساؤل وأرجو ان اجد الجواب الكافي

سيكون زواجي بعد ثلاثة أشهر من الآن بأذن الله وعندي بعض الغموض في بعض
الأمور اللتي لا أجد من أسأله عنها للحرج فيها ...
هل من المفترض أن تقوم العروس بإزالة جميع شعر الجسم بلا إستثناء... أرجو التوضيح
في هذه المسأله ...
سؤال آخر هل السكين الخاص بكيكة العرس مع الملعقة يوفره محل الحلويات الذي أعد التورته أم الكوافيرة والمصورة يوفرن ذلك وأيهما أفضل ...

أرجوا سرعة الرد لأنه لا يتوفر لي استخدام الانترنت دائما ,,, وشكراً

__________________

بالنسبه للسؤال الاول اتفق مع مسموسي
والسؤال الثاني بتلقين السكين في محلات لايف ستايل ومعاها كاسات وملعقه كبيره تنشال فيها الكيكه
شكلها انيق جدا ورائع
تحياتي

__________________

والله يا مهـــــاوي على بالي بقول لايف ستايل.. والحقي اختي القمه على التخفيضات اللي مسوينها بضاعتهم حلوة وفيها شغلات تنفع لعرس (كاسات حبتين ومزخرفه _تجراف للذكريات _ البومات صور_من غير الاكسسوارات للبيت ) من جد حاجه روعـــــــه..

والله يوفقك..

__________________

اهلين حبيبتي ..

اول شي احب ابارك لك ..الله يوفقك ويسعدك ويكتب لك الخير في حياتك كلها ..

اختي .. انا مثل حالتك .. وصراحة كان ودي اسئل هالسؤال بس ماعرفت اصيغه !! فـ جزاك الله خير على طرحه بدلا مني ..

ولكن وددت ان استفسر عن نقطة .. ما المقصود بالتقشير ؟؟ يعني تقشير بشرة عادي ؟؟ او قصدكم شي ثاني .. لاني صراحة اعاني من وبر ((شعر اشقر مرررة خفيف)) في كل جسمي .. اذا شلته رح يكثر .. واذا خليته مااحس ان شكله كويس .. يعني احسه يغمق لون البشره ..

اتمنى ان اسئلتي تلقى صدر رحب منكم .. زي ماتعودنا في هالمنتدى الطيب .. ومعليه تحملوني .. بس ماعندي غيركم

تحياتي ..

اختي الكريمه ... الاخوات يقصدوا تشقير وليس تقشير .. وهذا طبعاً عباره عن كريم تحطيه على شعر الجسم في الاماكن التي لايمكن ازالة الشعر منها بالحلاوه كالبطن والظهر فيصبغه بلون اشقر يميل للابيض بحيث ان الشعر يصبح غير ظاهر للعيان ...

هلااختي..
طبعاً لازم وضروري تشيلي الشعر
من كل مكان..
من السيقان والافخاذ والعانه..
ومن اليدين والعضدين والاكتاف..
لكن شعر الصدر والبطن والظهر انصحك
تشقرينه بمشقر..
والسكينه حقت الكيك بكل مكان بمحلات الاواني
المنزليه.

التشقير يكثر الشعر اكثر من الشيل فاذا كان وبر ولا خفيف انصحك تتجاهلينه لانه مارح يلاحظه اذا ما نبهتيه له يعني لا تسألينه وش رايك اشيله ولالا؟ لانه كذا بيلاحظ.. ثانيا اذا كان زواجك باوتيل هو يوفر لك السكين وكل المستلزمات اما لو كان بالبيت ماعندي فكره..
واله يوفقك

اختي مشاعر مرهفة ..

مشكورة على التوضيح ..

طيب بشكل عام تنصحون بالتشقير والا لا ؟؟

تحياتي

ياطويلة العمر ... بالنسبة لي انا استخدم كريمات التشقير من عدة سنوات ...
وماشفت انه كان لها أي تاءثير سلبي عليٌ ..سواءً على الشعر نفسه او على البشره بشكل عام ...
ولاكثر الشعر عندي ولا غمق لونه عن ماكان بالاصل ...
لاءن الموضوع ومافيه ان الشعره هي نفسها لاشلتيها ولاشئ ...
وانتي كل اللي سويته انك فتٌحتي لونها شوي ...
لكن في بنات يقولوا انه اثرعليهم بالعكس ...
فاعتقد ان الامر راجع على نوعية الشعر نفسه ومدى سماكته وقساوته ...
انصحك تجربي مره وتشوفي النتائج معاكي شخصياً كيف كانت ...
اهم شئ انك تجربيها بالأول على منطقه صغيره من جسمك عشان تتاكدي ان ماعندك أي حساسيه من مكونات هذه الكريمات ...