السلام عليكم

اخواني واخواتي اتمنى ان تقفوا معي في محنتي وان ترشدوني الى الطريق الصواب فانا في اسوأ حالاتي

النفسيه والعصبيه ,,

طبعا قبل فتره كتبت موضوع عن زوجي وانه متغير وانا حاسه بشي يدور حولي بس مو عارفه الموضوع
طبعا انا كنت شاكه انه يكلم وحده على الماسنجر والسبب انه صار يفتح المسن بعيد عني مو مثل اول
طبعا انا ما واجهته لا فتحت مواضيع ثانيه الين وصلت لقناعه معاه انه مافي شي واللي حاسه فيه مجرد اوهام لكن جاتني الطامه الكبرى قبل يومين زوجي له فتره وهو يبغى يكمل دراسته دراسات عليا لكن ما حالفه الحظ في الجامعات اللي بالسعوديه حتى بالواسطه ما نفع وهو له رغبه قويه جدا يكمل لانه طموح
طبعا قبل يومين قال جهزي اغراضك بنسافر نغير جو طبعا طلعت السفره عشان يهيئني للموضوع
قاللي ابغى موافقتك اكمل برا المملكه قلتله معقوله تتوقع اني اوقف في طريق نجاحك روح وانا مستعده
استناك قاللي تعرفين اني ابغاك معايه ما اقدر استمر هناك وانتي مو موجوده ولو بنطلع على حسابنا ما راح يكفي المبلغ خصوصا اننا معانا طفلين ,,,,
قاللي اسمعي انا لقيت وحده في منتديات ابتعاث تبغى تطلع وماعندها محرم وانا تواصلت معاها على اساس
انا المحرم بس بلغتها اني عندي زوجه واولاد يعني راح يصير الموضوع على ورق بس وهيه وافقت
وانتي مستفيده معايه حاضيفك على البعثه واخليك تكملي دراسه طبعا انا انهرت وبكيت حسيت في لحظه
انه راح يصير ليه شي ,, تمالكت اعصابي وسالته من فين هيه وكيف راح يصير الموضوع وتفاصيل
تعبتني اكثر من انها تريحني وكرهت السفره وتغيرت الجو ,,,,
طبعا السؤال اللي سالته قلتله فلان تواصلت معاها بالايميل او الماسنجر قال لا قلت اكيد قال اكيد
طبعا انا عارفه انه الموضوع مهم بالنسبه له وهوو قال انا انتظر موافقتك عشان اكمل الموضوع لانه
بدونك انا ما اقدر اسوي شي خصوصا انه ما يبغى اهله يعرفوا باي شي ... وهو في قرارة نفسه يبغاني
اوافق وقلتله ايش يضمن لي انه ماراح يصير شي بينكم مستقبلا هذي 4 سنوات مو قليله قال والله يابنت
الناس انا اهم شي عندي البعثه ما همتني هيه بكبرها اهم شي انا وانتي وعيالنا ,,, قلتله طيب استنى
كتبت ورقه كان مضمونها انه بمجرد كتابت العقد انه ما يكون له علاقه فيها باي شكل من الاشكال واني
انا ما اتضرر من هالموضوع وانه لو جاني ضرر يعوضني ماديا وكتبت مبلغ كبير جدا ومعنويا اني راح
اطلب الطلاق منه ويتم الطلاق لما قرا الورقه قال انا موافق ولو تطلبي اكثر من كذا راح اوافق فقلت له
ماراح اكلم اهلها لاني انا راح اكلم شفتوا العذاب كيف الين تختم لي الورقه وتوقعها قال اوكي ,,,
واتفقنا على هذا الاساس ومشيت المواضيع لكن اقسم بالله من وقتها وانا عيني ما وقفت دموعها وقلبي
مشتعل نار بداخله ,,,, طبعا خلصنا السفره ورجعنا البيت قام فتح الايميل وجلست جنبه وقفل الايميل
قلتله فلان افتح الايميل ما رضي حاولت فيه ما رضي ,,,
اعطاني اللاب توب وارادة ربي اني اكشفه لما فتحت المواضيع اللي دخلها كان من ظمنها الايميل فضغطت
عليه ودخلت ولقيت رسايلها ورسايله لها انها تنتظره الساعه 10 على المسن طبعا لو شفتوا حالتي صرت ما اقدر اتحكم بحركة يدي من شدة ما كنت انتفظ ,,,,
طبعا خليت الايميل مفتوح على واحد من رسايلها وقلتله فلان روح شوف ايش موجود على اللاب توب
طبعا هو انصدم اني فتحت الايميل على باله اني اخترقته ما دري انه حبل الكذب قصير
وانهرت ياناس جاني انهيار عصبي حاول يفهمني وقتها قلتله ابعد عني قاللي تعالي شوفي واقراي قلتله ما ابغى لا اشوف ولا اقرا طبعا كرهته اقسم بالله كرهته صارت كلمة حسبي الله ونعم الوكيل على لساني طول اليوم حاول يهديني مافي فايده ,, المهم جلست عند ولدي انيمه جا وجلس عند رجولي وقالي ياحبيبتي
افهميني انا ليش ابغى اكمل دراسه مو عشاني وعشانك وعشان الاولاد مستقبلا بالله وش بقي على التعاقد
وانا ما حققت شي ,,, طبعا انا ما همني كلامه وقتها حاول فيه انام بس ما قدرت افكار توديني وتجيبني
بدون تفكير رحت جمعت ملابسي وملابس الاولاد باروح بيت اهلي بس لو اروح وش اقول لهم ايش ابرر
خروجي من البيت والساعه 4 الفجر ,,, طبعا رحت عند زوجي وهو نايم قلتله ابغى الكونكت لاني كنت
ابغى ادخل اشتكي لكم وهو على باله شي ثاني جلس يقوللي نامي الصباح قلت له مافيه نوم كنت راح انجن
يومها ولو نمت وانا على هذيك الحاله اقل ماراح يصير فيه جلطه ,,,
المهم حاولت فيه ومارضي قلتله اجل اسمع الموضوع انا مو موافقه عليه وبلغها ست الحسن بالامر
واذا مو حاب تبلغها انا راح ابلغها لانه ايميلها الان عندي طبعا انا من صدمتي لا اخذت ايميل ولا شي
بس ورقة ضغط عليه وقلتله لعلمك راح تجي بكره من الدوام وانا مو فيه ولا تتصل عليه ,,,
طبعا ولا تهديد تم تنفيذه من جهتي جا اليوم الثاني دخل عليه وهو خايف يقول كلمه طبعا شاف شكلي
تعبانه جدا جدا يومين ابكي ويومين ما نمت ,,,
فجلس يبرر لي الموضوع انه كان بيمهد لي الموضوع شويه شويه عشان ما انصدم واتفهم قلتله ليش ماقلت
كل شي بوضوح ليش تكذب لو انك مو مسوي غلط ما تكذب حلف ايمان واقسم انه الموضوع مو اللي في
بالي وقلتله لو انك كنت صريح بكل شي كان الوضع تغير بس انته قطعت حبل الثقه بيني وبينك
واقسم انه مابينه وبينها الا المسن والايميل لانه كنت شاكه كمان بالتليفون حلف وقال عساني ما اتحرك
من مكاني لو كان بيني وبينها اي اتصال ثاني ,,,, الان بعد ما هداني وقال كل اللي عنده ورجع لموضوع
البعثه وقاللي لا تفكري بعاطفتك خليك عقلانيه انتي لو كملتي دراستك برا ما ترجعي الا والوظيفه تستناكي
وبافضل جامعه وانا كذلك والاولاد يكونوا درسوا هناك لغه ,,,طبعا حاولت اقنع نفسي بكلامه بس مو قادره اثق فيه ما عدت احس معاه بالامان وقلتله هالكلام وكانت اجابته انه ما ينام بالبيت الا وانا موجوده
فهل اتوقع انه يتخلى عني ياناس هذي 4 سنوات يصير فيها اشياء واشياء ما احد يدري عن القدر
طبعا اللي وصلت له انه مضطره اني اوافق على كلامه واني ادق على اهلها ويصير كل شي على ورق
طبعا بعد ما يوقع الورقه اللي طلبت انه يوقعها وراح اضيف عليها بنود ثانيه لانه وبصراحه ما عدت اثق فيه مثل اول ,,,,, هو الان يقوللي انتي الاساس وما انسى وقفاتك معايه ولو تم هالموضوع لك اللي تبغيه
وطبعا صاير حنين زياده عن اللزوم لانه خايف مني لا افركش له الموضوع او اني اتصل باهله مع اني
عمري ما دخلت اهلي واهله باي مشاكل بيننا ,,,,,
ادري طولت بالكلام والكلام مو مرتب لاني انا ملخبطه انا خايفه ومرتبكه ومو عارفه اتصرف
لا اقدر انام ولا اكل ولا حتى اتصرف بطبيعتي مع عيالي ,,, ياناس دلوني كيف اتصرف انا تعبانه
وكل ما افكر في الموضوع دموعي تسبقني ,,,
الان هو يبغاني اكلم مرة ابوها يوم الثلاثاء على تلفون بيتهم وابلغها اننا جايين نخطب واذا تمت الموافقه
نسافر لهم عشان يصير الموضوع رسمي بحيث انه حتى البنت ما تعرف اني انا زوجته انا رايحه على اساس اخته وهيه راح تفهم اهلها انها ما تبغى زواج ولا شي انها حتسافر على طول عشان دراستها
وبمجرد ما تستكمل الاوراق وزوجي ينضاف على البعثه ما يصير له اي اتصال او تواصل معاها بس تبقى على ذمته مدة الدراسه ,,,
ادري انه مو منطق واعرف انه الموضوع صعب بس ايش بيدي ساعدوني طول الايام هذي وانا ادعي
وطول الوقت وانا اتحسب ماني قادره اهدأ ماني قادره اثق بزوجي وماني قادره اشتكي لاحد لا من اهلي
ولا من اهله لانه الموضوع صعب ينقال ,,,
انتظر ارائكم ارجوكم انا في امس الحاجه لمشورتكم ...

السلام عليكم ورحمة الله وبركاته ..
أختي ( لحن المعاني ) أنا ماني مصدقه الكلام اللي أقراه ـ إسمحي لي ( إنتي بكامل قواك العقلية ) !!!
ليه توافقين ؟؟
هذا باطل وما بني على باطل فهو باطل ..
الله لا يجعله يحقق حلمه ، الى هالدرجة وصل الحال ؟؟ والله احياناً وأنا أقرأ بعض المواضيع ما أصدق أن الناس وصلوا لها الدرجة من التفكير والتحايل على عقول أقرب الناس لهم ,, طموحه إنتي واياه حققوه أما بالطريقة الملتويه هذي ما أظن إلا ورى هالطموح بلوى كبيره أبعد الله عنك البلاوي .
لا توافقين لا توافقين لا توافقين ـ 4 سنوات وبتكونين معاه هناك لا سند ولا ملاذ الا من الله سبحانه وتعالى ـ زوجك كذاب مع ( إعتذاري ) صدقيني المسألة ماهي مسألة تحقيق حلم وبس ، والله بتكتشفين أمور ثانيه أكبر من كذا ــ لا حول ولا قوة إلا بالله العلي العظيم ..

__________________

__________________

طيب ايش اسوي امس قلت له مو موافقه رد عليه قال بتوافقين ان شاء الله انا تعبانه والله تفكيري منشل
مو قادره افكر كلامك مشابه لكلام وحده من صديقاتي انا عارفه المساله ممكن تتشعب لشي اكبر ومو متأذي
منها الا انا ,,, هو الان يبغى يدرس برا وطبعا اللي وده يوصل لطموحه بالسعوديه يموت وهو ما حققه
واقسم لي انه لو المساله مسالة زواج وانه يبغى وحده ثانيه ماكان مشي بالموضوع لانه انا اكفيه ..
والله من يوم ما صار الموضوع وانا ادعي انه ربي ما ييسره ,,, وما تركت الاحتساب والاستغقار

الله يسعدك حبيبتي على ردك ولا تعتذري لانه عارفه شعورك

خبلة إنت ؟؟؟؟؟؟؟؟؟؟؟؟؟

لا تزعلي مني و من كلامي ، اصحي و لا تخليييييييييييييه يستغفلك ؟؟؟؟؟؟؟؟؟؟

بلا بعثة ، بلا دراسة ، بلا غربة و كلام فاضي ؟
لا تسمعي لكلامه و خليك قوية و لا تصدقي كلامه

كل الرجال كذا كلامهم إذا يبغوا شئ لنفسهم
إنت و إنت وو إنت ................ إلخ

لا تصدقيه و قولي له اعطيني رقمهم عشان اخطبها لك
و كلميهم من وراه و قوليلها أنا زوجته و ماني موافقة على الموضوع
و شوهي صورته عندهم و خليهم يخافوا منه

تعلمي الكيد يا بنت

ماراح اوافق طيب وبعدين ,,, راح يعتبرني انا العقبه وانا اللي خليت الموضوع ما يتم انا قلتله من قبل
بيع السياره واثاث البيت وخذ لك قرض واطلع كمل ما عندي مشكله بس هو يقول انا ما اقدر اطلع وانتي مو
معايه ايش الحل ؟

لا توافقي على اي شي
حتى سفر زوجك 4 سنوات بدونك حرام !!
لو انكم باقيين بدون خبز ممكن يطلع و يتركك مع اولادك
لكن اذا حالكم ماشي و مدبرين لقمو عيشكم انسوا البعثة
بلا طموح بلا هم
يا اختي انا جربت اقعد عند أهلي و أهل زوجي (اجازة ) مدة 3 شهور تعبت تعبت تعبت بدون زوجي كتير
كيف 4 سنوات ؟؟؟؟؟؟؟
و شو قصة فعل الخير مع بنت غريبة تواصل معها عالمسنجر و مثلوا عليكي هالفيلم ؟؟؟؟
اذا بدها تسافر تدبر حالها بمحرم حقيقي و بدون كذب و لف و دوران !! بتسرق لك زوجك و انتي رايحة تخطبيها بايدك ؟؟!!

هي بنت دخلت على حياة زوجك من التشات يعني مافي خير منها
و الله أعلم شو بصير بينهم
اذا الآن في حاجز الحرام بينهم و آخدين رايحتهم بالايميل و المسن ، كيف لما يكونوا زوجين شرعا ؟؟؟؟؟؟
الشيطان شاطر
و زوجك ما شكله موثوق 100%
لو كنت مكانك ما بقبل بسفر زوجي بدوني و لو شهر واحد !!
و لا يمكن أقبل بعقد كهذا !!


انقذي نفسك و أطفالك و عائلتك التي أسستها بكل جهد و عناء و الآن قبل فوات الأوان !!!!!!!!

__________________
.
.

استودعتك أهلي في سوريا يا من لا تضيع ودائعه

ويني ويين الكيد ,,, حبيبتي لو سويت كذا البنت راح توصل له الكلام اكيد اللي انا قلته ترا اهلها مو عارفين انه بيخطبها عشان بعثه وغيره هم متفقين على هذا الاساس هيه تبغى تسافر وبس وزوجي على
قوله انه بلغها مهر وبيت وحفل زواج مافيه وهيه موافقه اهم شي البعثه ياناس اقسم بالله من شدة توتري
ودي اكسر اللاب توب في الجدار نفسيتي مدمره ..
و

__________________

حبيبتي لو سوا معاها علاقه بالسفر فانتي اعطيتيه الاشاره الخضراء لانها زوجته ولو على ورق تبقى زوجته واهلها عارفين مدري كيف تفكيرك ؟انتي بتزوجيه بنفسك وبترسليه مع عروسته هذا هو اللي انتي تبغي تسويه في النهايه زوجك لو حس بشهوه في بلاد الغربه بيروح لزوجته الثانيه مابيروح لحرام وفهمك كفايه

__________________
ربي اجعلني مقيما الصلاة و ذريتي ربنا وتقبل دعاء
يارب ارزقني واختي الاولاد الصالحين تامين الخلق والخلقه يااااااارب
اتمنى كل من يشوف توقيعي يدعيلي ويدعي لاختي