مساء الورد
كيفكم إن شاء الله تمام
اتمنى منكم ان تعطوني الحل المناسب لمشكلتي
ابي اسائل المطلقات وعادي الكل يجاوبني
انا متزوجه ولي اربع سنوات في قوقعه المشاكل مو راضيه تنتهي واكثرها يقول زوجي انها مني ويلزق كل مشكله فيني وللامانه انا عصبيه وزوجي مو متفهم لي كثير مايعرف يحل المشاكل الا باالهجر والحرمان من اشيا مثل اهلي ماعنده تفاهم المهم اني دايم اوعده مااسوي مشاكل بس مااقدر لازم تجي المشاكل يعني انا مثلا اغار يقول لي لا ليه الغيره انتي مريضه لا تغارين علي بس انا مااقدر لانها فطره فينا المهم اشيا تافهه تسوي مشكله كبيره ودايم يقول ترى بطلقك لو تسوين مشكله بس مافي حياه خاليه من المشاكل انا الحمدلله انسانه مثقفه قايمه بواجباته كامله من نظافه واهتمام وطبخ ودلع وجمال الحمدلله الكل يحسدني على اهتمامي فيه وحتى هو طيب وخلوق وطلباتي مجابه لي بس مشكلتنا الوحيده اننا مش متفاهمين ابدا ابدا ابد تخيلو قبل يومين صارت مشكله كبيره وقال لي لمي اغراضك كلها ولاتخلين ولاشي لك في هذاالبيت لاني راح اطلقك ماعاد اقدر فيك انتي لسانك طويل ونكديه ابي وحده تريحني تخيلو نسى كل شي حلو بينا ادلعه دايم كانه طفل ومااقول الا ابشر وطيب وكنت مهتمه بكل شي مااتتصورون كيف الاهتمام كل الي يشوف بيتي قمه في النظافه والاهتمام وفي الاخير يقول هذاالكلام المهم اني ترجيته انها اخر مره اسوي مشاكل وماسامحني وذلني وطردني والله اني سلمت على رجله واهنت نفسي علشان بيتي وولدي وقال انه حجزلي في الطياره وقال لمي اغراضك معد ابيك ويقول انه استخار للطلاق وارتاح انا نطلق احسن لنا وانا ماابي لسه صغيره وكل مشاكلنا تااااافه جدا بس هو يكبرها المهم اني حلفت مااطلع من بيتي مهما صار واجبرت نفسي اني اجلس مهما صار الناس بيفرحون بطلاقي الي يكرهوني وتخيلو زوجي حلف انه مايبغاني ويكرهني وقالي ليه ترمين نفسك على واحد مايبغاك وهو الي كان يموت فيني تتوقعون من جد مايبغاني ولا بس يغيضني انا تعبت منه واحس اني مهانه وخلاني اجلس وقال لي هذي اخر مره لو سويتي مشكله مره ثانيه بطلاقك مافيها كلام وانا خاااايفه تحصل مشكله الحين صار ينام باالمجلس وانا في غرفتي لايكلمني ولا اكلمه لنا اسبوع اخاف اكلمه وتحصل مشكله ويطلقني وانا ماابي اتطلق ايش اسوي تكفون ساعوني كيف احفظ لساني كيف اتعامل معاه انا جاهله في فن التعامل سلاحي الدموع وبس ساعدوني وهل لوحصلت مشكله مره ثانيه وقالي روحي بيت اهلك اروح ولا لا سااعدوني وادعولي ان الله يسخر لي زوجي ويلين قلبه ويرده لي ردا جميلا ويجعل مابينا موده ورحمه عاجلا غير اجل امين امين امين


الإشراف :

تم تعديل العنوان ليتناسب مع المضمون .

ياحبيبتي الله يحفظك صحصحي الحريم كثرو والرجال قامو يتشرطو واحنا نلبي الله اعلم ان زوجك يحبك بس انتي عاد روووووووووووووقي ادلعي وطي صوتك والله وانا حرمه انفر واشمئز من سليطة اللسان فما بالك بالرجال راجعي نفسك وعيدي حساباتك وانا اشوف هالفتره ابعدي عن زوجك لحد مايهدا وانتي بنفس الوقت ادخلي مواقع تثقيفيه عن كيفية التعامل مع الزوج وبعد اسبوع صالحيه بحفله بيتوتيه وبينيلو انو مالك غيرو لان واضح من كلامك انو اعطاكي فرص كثيره بس انتي مافهمتي
الله يهدي نفوسكم حبيبتي وبالتوفيق

بصراحه مشكلتك نفس مشكلتي بالضبط بس الحمدلله الله فكني منه وكمان عندي ولد -الزوج اللي كل دقيقه مهدد بالطلاق على اي مشكله هذا انسان قمه في الجهل وماعنده اي مسئوليه --وترى الزوجه اللي ماتعز نفسها مستحيل يحترمها خذي النصيحه من مجربه والله كنت ابوس رجلينه عشان مايطلقني جعل رجلينه الكسر--بس يسالك سؤال زوجك كانت امه مسيطره عليه اول-والله يعينك ويفرج همك -

انا عصبيه اغار
هو طيب وخلوق وطلباتي مجابه لي
مشكلتنا الوحيده اننا مش متفاهمين ابدا ابدا ابد
انتي لسانك طويل ونكديه ابي وحده تريحني
تخيلو نسى كل شي حلو بينا
حلف انه مايبغاني ويكرهني وقالي ليه ترمين نفسك على واحد مايبغاك وهو الي كان يموت فيني
كيف احفظ لساني كيف اتعامل معاه انا جاهله في فن التعامل سلاحي الدموع


أختي العزيزة كلماتك تدل على أنك إنسانة طيبة وعاقلة كل مايخصك هو فن التعامل مع الزوج
لقد لخصتي مشكلتك عصبيتك وزوجك يقول أن لسانك طويل ونكدية إذن تشخيصكم أنتما الآثنن متطابق عندما تحسين أن صوتكا بدأ يعلو أو على وشك الشجار آسحبي نفسك بهدوء وآذهبي وتوضئي وصلي ركعتين لتهدأ أعصابك طبعا بعد أن تستأذني منه بأدب (حبيبي أعصابنا مشدودة بعدين نتكلم بالموضوع على رواق )ترى بأدبك ولينك سيتعلم منك ويعاملك بنفس المعاملة .
تتسائلين كيف نسى كل شي حلو بينكما علم النفس يقول أن العقل يبني على آخر تجربة والرجل غيرالمرآة يستخدم أكثرالتفكير بينما نحن العاطفة، لهذا ترينني الآن أبكي على الأطلال
حبيبتي آخلِقي جو فرح في بيتك ترى الدنيا ماتستاهل تضيعيها في هم ونكد،والحمد لله قلتي بعضمة
لسانك (هو طيب وخلوق وطلباتي مجابه ) زوج بهذه الصفات ماشاء الله يجب أن تقدريه وتحترميه
أسأل الله أن يألف بين قلبيكما و يرطب قلبه عليك

الله يعطيكم العافيه ويرزقكم من حيث لاتحتسبون

لا امه مو مصيطره عليه باالعكس دايم تنصحه وهو الي عطاني فرص كثيره بس قال انه مايداويني ويوقفني عند حدي الا الطلاق وهو صادق صبر كثير بس الي قاهرني انها ااااااااااا تاااااااااااااااااافهه المشاكل انا تعبانه باالمره والله بعض الاحيان اقول مو انا الي رديت عليه ولا اذكر ردودي عليه احاول بس مااذكر زين احس ان مو انا الي ارد عليه مدري الله يهديني ولعلمكم اني انا محسوده ودايم ارقي نفسي باالاذكار وتعبان جسمي ورجلي اليسار مريضه منتفخه مره من غير اي سبب هذي عين الي فيني متااكده حتى الكل يساال عمتي يقولون لها كيف علاقت ولدك وزوجته بينهم مشاكل ولا لا ناس مااعرفهم الله يكفينا شرهم حسبي الله ونعم الوكيل

اسأل الله لكما التوفيق والسعادة

نقل إلى مكانه المناسب .

__________________
فـيْ آليومَ الوآحِد نستطيعَ آن ننسـْى الف لحظه نريدَ الإحتفَآظ بــهآ

وبـِ نفَس اليومَ نِستَعيَد لحظَهَ نُـريد نِسيـآنهآ ..

انتي حاولي تمسكين لسانك عند الغضب الحليم من مسك نفسه عن الغضب عدي للعشره قبل ماتتصرفين بعصبيه في اوةاج يطفشون من المشاكل ويتخلى عن زوجته حتى لو هو يموووووووووت فيها راح يدور راحته في الاخير كل ماشفتي انه راح تصير بينكم مشكله تذكري ولدك وتعوذي من الشيطان وروحي لزوجك قولي له انا بتغير انت ساعدني كل ما جيت ازعل منك ذكرني قولي انتبهي على نفسك صدقني كذا راح يذكرك وتنتبهين وانتي حاولي تقلبين اي مشكله بهدوء يعني لاشفتيه معصب اضحكي مو تطنزين لا قولي ابشر بس انت هدي ومايصير الا اللي تبي

__________________

غاليتـي............قمـر...........
أسأل الله العظيم رب العرش الكريم أن يقرج همـك..

صراحة أنا يفضل هالأياااام ماتكلمينه لأن شكلك ماتمسكين لسااااانك..

وخليه يشوف الدمعة وهي تنزل من عينـــــك,,,,لأني مرة قريت مقال
أن الزوج في هالحاااالة يضعف""""وعن تجربـــة""""


زوجـك الوضح إنه يحبـك...لاتفرطين في هذا الحب ...وأعجبتيني إنك
جالسـة في بيتك ونصيحة تمسكي فيه ولا تسمعين كلام أحد...

وحااااولي تغيرين من حاااالك ...وأشربي داااائم عصير ليمون طااازج
*** الله يوفقك ياأختـــــــــي ***

السلام عليكم ...


أختي العزيزة ان تشخيصك للوضع بأنه عين هو اعفاء لا شعوري لنفسك من المسؤولية ....

أنتي لخصتي وضعك بانك تسوين مشاكل مع أنك لم تذكري لنا مثال عليها .. حتى نستطيع الحكم بدقة اكثر ...

كما أنك ماشاء الله شخصتي سبب المشاكل ... وهي الغيرة ..

أما الآن وقد عرفتي التشخيص وما أدى اليه فعليك الضغط على نفسك ... ولا تقولي مشاكل تافهة ...

المشاكل احنا نكبرها وحنا نصغرها ....

وياما بيوت طاحت بسبب مشاكل تافهة ... لأنه لم يحسن التعامل معها ...

وسألتي هل ممكن ان يكره الرجل بعد حب كبير ؟

نعم اذا كانت زوجته منغصة عليه عيشته وما يشوف منها الاالمشاكل ...

إذن الله يهديك عليك معرفة كيفية التحكم بغيرتك وأعصابك ... واستعيذي من الشيطان ولا تلحي عليه بالمواضيع التي يكرهها وأنتي أكثر واحدة تعرف ماذا يحب وماذا يكره ولا احد غيرك ولا حتى أمه ....



الله يصلح حالك ويسخره لك ويسخرك له ،،،