مرحبا


مشكلتي ابو زوجي واللي دايما نصايحه ما تكون الا بالعصبية والتهزئ

اللي جرحني انه نصحني أمام زوجة اخو زوجي وهذي عادته دائماً ولا مرة هزأ وحدة من زوجاتهم أمامهم ليش انا بس هل اهو مايقدر عليهم او لاني في كل مرة اسكت

سواء كان الشي يخصني او يخص اعيالي دائماً أتهزء رغم اني اكبرهم ليش مايراعيني

من البارحة مانمت محتاجة لحد يساعدني مقهورة خصوصا من نظرات سلفتي مع انها ما تقصد شي

وانا احب اللي ينصحني بهدوء وبالسر مايمون أمام فلان وعلان


اه قولو لي ماذا أفعل ؟

حبيبتي طولي بالك صدقيني انتي الاقرب لقلبه لانه عارف قلبك طيب وناصحك انا معتبرها تهزيئ بالعكس اكسبي وده واذا عصب قدام سلفاتك خذيها برحابة صدر وقولي له امر يابو الغالي اللي تامر فيه
واحتسبي الاجرمن الله وترى هم الخير والبركه
الله يسعدك ويسخرلك

أبدا لا تهتمي أنا أقوللك ليش

لأن هذا أبو زوجك ولا تقدري تغيريه فأتقبليه مثل ما هو وكيفي نفسك

ولا تزعلي أبدا

وبالعكس بإحترامك له راح يرتفع قدرك قدام مرت أخو زوجك

__________________

يمكن مطيح الميانه معاك
قصدي انه عارف انك مارح تزعلين
عندك مثلاً عمي ابو زوجي حبووووووووب مره بس عصبي لكن ما يعصب على ولا وحده فينا
الا الكبيره لإنها لها عمر معاهم و متعود عليها حييل و يعصب عليها عاااادي وهي ما تزعل
و بعد هي ساعات ترد عليه وهو ما يزعل منها
اصلاً يعزها حييييييييل و اتوقع هذا السبب اللي يخلي عمك ما يتحسس انه يقول لك اي شيء من غير ما يفكر انك بتزعلين او بتحطين في خاطرك

الله يعينك هو الموقف محرج بس هذا ابو زوجك ولازم تتحملينه و صدقيني كل ما سكتي و احترمتيه بيحبك اكثر

علاجهم الوحيد الاحسان إليهم وتسميعهم الكلام الحلو وراح اتشوفين السحر بإذن الله.....ولا تنسين الكلمة الطيبة كالشجرة الطيبة ) ياما مرينا بمواقف مع شويباتنا تمنيت الارض تنشق وتبلعني انتي طولي بالك ترا في كل الحالتين انتي مأجورة وربحانه بإذن الله

يلا ورينا الضحكة ترا ما في شي يستاهل في هالدنيا

__________________

مشكورين اخواتي بس مش قادرة انسى نظرات سلفتي مدري ليه

واحب اضيف انه صار مرات يسكر التلفوون في وجهي ويعصب علي جدام الناس في المطار وبنته تغلط وانا اللي يعصب عليها وكانه زوجي

وزوجي ما يحب يتدخل وانا ما ابيه يتدخل ابي احل المشكلة خصوصا اني الوحيدة في سلفاتي اللي يصير لها هالشي

ابي حل

__________________

طيب انتي جاوبي
شمعنا انتي من بين سلايفج؟

__________________

مدري ليش كلنا مثل المعاملة ماعدا هذي يخصني فيها