اخخخ ياحياة العزوبية ويازينها !! ويامحلى طاريها ....
وش اللي اختلف بعد الزواج ؟!! كثيييير أشياء ولو يرجع فيني الزمن لورى ماتزوجت ..
اول كنت بدون حب ومرتاحه وبعد ماحبيت عشنا فترة حب وبعدها جبنا أطفال ومع الأطفال زادت المسؤولية وتغير الوضع وانقلبت الحياة واختلفت
اول كنت انام وما أفكر بأحد انام والبال خالي اما الحين ما انام لين أطفالي ينامون وإذا حصل ونمت ولنفرض العصر اي نوم أنامه ؟؟! انواع الازعاجات فوق راسي و كل شويه والثانيه ماما ابغى كذا وأقول طيب وأنام ماما فلان ضربني وأقول طيب وأنام ماما جيعان وأقول شف لك صرفه وأنام ههههههه اي نوم انامه ؟!! أقوم وعيوني حمراااء وأقول الله يقلع ابو النوم اللي مثل كذا 😄
اول لو سمعت ازعاج وانا نايمه بكل بساطه أقوم وأغير المكان وأنام بغرفه ثانيه لحالي والحين لما أفكر أسوي كذا اتذكر ان ذا راعي مشاكل وبيسوي اجرام في اخوه او او او وأهون وابلع انواع الازعاجات والنكد 😸
اول كنت دلع في دلع اضبط في حالي اتشيك بدون مناسبه وماعمري صرخت ع احد ولا قد رفعت صوتي عشان احد والناس يقولون ذي من مدلعها ؟ فترد أمي وتقول هي مدلعه نفسها ولا محدن مدلعها ولا هم يحزنون ههههههههه
واتزوج ويزيد دلعي جبت اول طفل وانا كما انا ماتغيرت وأقول اللي تقول ان الزواج يغير الوحده كذاابه 😹😹
وجاء الثاني وكبر شوي وهاتك يامشاكل وانا احاول أمسك نفسي لين الوضع خرج عن السيطرة صرت مهما أتكلم ومهما أقول مايخافون مني الا اذا رفعت صوتي اذا قلت تعال يطنش ويضحك ولا يرد علي اما اذا قلت تعاااااااااااااااال يجي وهو ساكت ههههههه
والله احاول أمسك نفسي حبيبي قلبي لا تسوي كذا لا تضرب لا تفعل وتنطنييييييش اما اذا قلت بلااااااا في شكلـــكككك انا وش قلت هاااااااا ماتسممممع الكلااااااااااام يتغير الوضع تماما ويصيرون معايا كويسين 😹😭
مرات من كثثثثر ماارفع صوتي احس حبالي الصوتية توجعني وأقول يازين زمان اول ما احتاج ارفع صوتي ولا اتعب حالي مع احد

اول كنت اذا صحيت من النوم انسدح ع فراشي ساعه ثم أقوم وأفكر بنفسي وش اكل ووش اتابع واروح المطبخ وأشوف وش فيه من اكل وأخذ اي شيء وأروح اجلس واكل وانا مبسوطة اما الحين أقوم وأفكر وش اطبخ لهم و وش أسوي وأقوم واطبخ ثم ارجع وأغير لهم حفايظهم واغسل أسناني ثم اغسل اسنانهم و تبدأ حلقة اليوم أخذ حقي والكبير يضرب الصغير ومشاكل ثم أحط الاكل ع الطاوله ونجلس وااكل الصغير والكبير ثم اكل انا وهكذا لأنهم ماياكلون زين اذا مااكلتهم !!!
وأقول يازين العزوبية كنت أفكر بنفسي وااكل عمري وانتهينا
زمان كان الاهتمام فردي وخاص اما الان فالاهتمام تضاعف وأصبح عام

ع الأقل كنت اشوف ذا انسان عادي وذا جماله ممُش عادي اما الان احس الرجال كلهم مثل بعض مافي اختلااااف 😄
يعني حتى لو وحده علقت وقالت ماشاء الله شفتي زوج فلانه جمييل أقول وش الجمال اللي فيه ؟!! هههههه ويقولون شكلك ماتشوفين احد غير زوجك جمييل وارد لا والله مو عن كذا بس انا مدري احس مافي احد يجذب وأحس اشكالهم زي بعض مافي فرق ههههههههه والسبب صرت احس ان الرجال مصدر للكرف والشقاء 😄😅

مرات أفكر واقارن بين حياة العزوبية والحياة الزوجية احس حياة العزوبية هواء عليييل انتعااااااش انطلااااق متعه شيء شيء جميييييل ماني قادرة اوصفه 💔

اما الحياة الزوجية يوم جمييل ويوم تعيس ويوم منحوس ويوم اسبيشل ...
الهواء مختلط و الكتمه لابد منها 😸 + الكرف والجهد لا ينتهي

هع هع الخلاصة لو يرجع بي الزمن لورا ماتزوجــــت الله يقلع الزواج وأبو الزواج حتى الحب ماعاد ابيه 💔

مشاعر متزوجة عشرينيه 🙊
زوجي لو يدري بكلامي ذا ذبحني خخخخ 😹😹😹

مرات ابكي من شدة الشوق ترى 💔

ولئن شكرتم لازيدنكم… اشكري الله دائما علي ما انتي فيه من النعم… غيرك يتمني يتزوج يتمني اولاد يتمني اسره يجلس معها

الحياة سَنَن و مراحل 🌾
المفروض تستلذين ب انعم الله مش تتبكبكين ع الاطلال 🤗

__________________

كلامي لك طبق اصل هذا التعليق...
فاحمدي ربك و اشكريه على ما انت فيه من نعم !!

__________________
أشهد أن لا إله إلا الله و أشهد أن محمدا رسول الله صلى الله عليه و سلم

انا مو متزوجه حره😜
ههههههه


بس كلامك مره يضحك الله يسعدك
طالع من قلبك💓

تخيلي ... لو الله اخذ امانته وراح زوجك واطفالك..بعيد الشر ... راح ترجعي للانطلاق والمتعه والهواء العليل ...

قولي الحمدلله ... شوفي الحوادث الي اخذت عائله كامله ومابقي غير الاب .. في غمضه عين البيت فضي عليهم ...

الحمدلله تهتمي باأطفالك وانتي وهما بصحة وعافية ... استمتعي بحياتك

__________________


سبحانك اللهم وبحمدك، أشهد أن لا إله إلا أنت، أستغفرك وأتوب إليك

الاطفال والزواج والمنزل كلها
نعمة من الله قد حرم منها البعض
الانسان خلق في كبد سوا رجل او امرأة
فلنحمد الله ولا نتذمر
الاطفال متعت الحياة ..اليوم اطفال وغدا رجال
يحملونك على كفوف الراحة وتنسين كل تعب من اجلهم
لا يبقى لك سند بعد الله الا اولادك لازوجك ولا اخوك ولا ابوك

تخيلي لو كنتي بدون زواج
تخيلي لوكنتي متزوجة ولكن عقيم
تخيلي لوكنتي متزوجة وعندك اطفال ولكن معاقين
تخيلي لوكنتي متزوجة وعندك اطفال ولكن ارملة او مطلقة

فرددي دائما وابدا اللهم لك الحمد والشكر على نعمك التي لا تعد ولا تحصى

__________________
سبحان الله وبحمده سبحان الله العظيم

العيب ماهو في الزواج

الزواج جنة لكن فيه حب و سعادة

العيب في عدم تنظيم النسل

الأطفال يكنون في عمر بعض تكون مشاكلهم و مسؤولياتهم كثيرة و كبيرة

هههههههه لا حول الله السندريلا صارت قندريلا

تربية الاولاد صعبه غير عن البنات

عندش روح الطير ام الوسطاني اكبر مثال

وينش روح

__________________
وهل من مصير اخر ؟