[size=3]بسم الله الرحمن الرحيم...

هاذي اول مشاركه لي يااخوني واخواتي ومع الاسف مشكله او مصيبه اتمنى

تساعدوني في حلها.. يالغالين لاني والله تعبت وبحاله نفسيه مايعلم فيها الا الله..



بصراحه مشكلتي اني مثلي مثل اي شاب فكرت بالزواج والاستقرار والحمد الله

الوالده خطبت لي لكن من بعيد مررره وصارت الخطبه وتزوجت لكن ياليتني ماتزوجتها
تزوجتها وعمرها تقريبا 23 سنه وانا عمري كان 25 سنه تقريبا يعني لي سنتين
متزوج لكنها جحيم بمعنى الكلمه وصبرت كثير عليهااا لكن انفجرت عليها اخر شيء


اعترف لكم حبيتها والله حبيتها لكن افعالها تخليني ابغضها بغض شديد...

اول ماتزوجتها وبعد شهر العسل طبعا سفرتها لباريس وقضينا شهر العسل هناك

وكانت مثل الملاك... لكن بعد رجعتنا طلع كل شيء..واكتشفت الوجه الاخر لها..

يوم رجعنا للرياض سكنا بشقه بافخم احياء الرياض وكنت اعاني بصراحه بسبب اني اشتريت هالشقه كاش يعني تمليك وخسرت فيها مايقارب 300 الف ريال كله لاجل عيونها ولانها مشترطه ماتسكن مع اهلي..

بعد اسبوعين من عودتنا للرياض اكتشفت مصيبه البنت ماتعرف تطبخ شيءاساسا

اقولها ياعمري ياقلبي ياحياتي انا مشتهي اكل من يديك الحلوين ترد علي وتقولي

بكل غباء وبلاده احساس انت جايبني عشان اطبخ لك ياقلبي خلنا نطلع وناكل من


برى احلى واحسن وانا اسايرها اكثر من مره واسلك لها واقول يابن الحلال تكبر

وتعقل لكن مع مرور الايام بدت تطالب بالشغاله لان البيت قلب مزبله الله يكرمكم

هي ماتعرف تسوي اي شيء ابدااا يعني كسووله بمعنى الكلمه لكن انا رفضت

بصراحه وقلت شغاله ماتدخل شقتنا من كثرنا حنا عشان نجيب شغاله وبديت

اتحاور معها لين انقلب حوارنا جدال وقلت لها شغاله مافيه خلاص قفلي على

الموضوع مر يومين وهي ماترد زعلانه يقالها واظطريت اني اودي ملابسي المغسله

وقعدنا على هالحاله اربع ايام لين جيت انا ابفك الازمه التافه اللي بيننا وقلت لها

خلاص غلاتي انا مابي اي شخص ثاني يدخل بحياتنا ابي انا وياك وبس مابي شغاله

او غيره جلست تبكي وتصيح وتقولي انت ماتحبني انت لو تحبني كان ماترد لي طلب انت اناني.. وانا والله بريء من هالشيء يعلم الله اني احبها واموت فيها..

مشت الايام لين نست الموضوع حق الشغاله وبدت تغسل ثيابي والوضع طبيعي

لكنها تمتنع عن اشياء ثانيه تنرفزني مثل الطبخ تطبخ لي واخر شيء تجي الطبخه

محترقه وانا انقهر وامسك نفس ودايم تكررها عشان نطلع ناكل من برى لين

سالتها وقلت لها انتي تقصدين هالشيء؟؟؟ قالت لا والله المصيبه ان الطبخه احترقت 3 ايام ورى بعض يعني كل غداء اجي القاه محترق او الملح زاايد او ماينبلع اساسا.. تعتبني هالادميه والشيء هاذا استمر كثير لاني حسيت انها اذا سوت هالشيء تبي تغصبني اجيب الشغاله..

نجي للشيء الثاني المهم اللي مايستغني عن لازوج ولازوجه.. اللي هو الجنس..

ياناس وربي اني احقد عليها كثير وودي اقفل باب الغرفه واجلدها لين تفقد وعيها..

انا طبيعتي رومنسي واحب الرومنسيه وماقصر معها بشيء ابدا هدايا اغرقها

بالهدايا من جوالات مايمر 3 شهور الا اعطيها هديه جوال او ساعه من ماركه او قطعه ذهب او شيء مميز.. لكنها هي ماعمرها عطتني شيء ابدا انا اسوي لها

مفاجات كثير مثلاا اذا صحيت من النوم قبلها اروح للمرايه حقت الكوميدنه واكتب لها باحمر الشفايف احبك واحط الهديه على الطاوله عشان اذا قامت على طول تشوفها

يعني اسوي اشياء كثيره معها ولايبين بعينها وتقابل الشيء هاذا بكلمات بسيطه

مثلاا مشكور وانا استاهل واذا ماعطيتني اجل تبي تعطي مين... ياناس مادري هي

مجنونه او مغروره او غبيه عجزت لافهم لها

بالجانب الجنسي فاجتني بعد 5 شهور من زواجنا انها تحدد الايام اللي يبي يكون

فيها الجنس تقولي ابي يومين بالاسبوع بس لاني اتعب ولا اكون رايقه قلت انا زوجك لو ابيك بنص نومك تقومين لي قالت زوجي مقالنا شيء لكن انا بعد ماكون رايقه

ومزاجي مايسمح طبعا انا ماوفقت على هالشيء وتهاوشنا وبغيت افقد اعصابي واضربها من القهر لكن مسكت نفسي وكنت اجيها بالاوقات اللي ابي لاني اقولها

هالشيء مايرضي ربي واشوف تجاوب منها بعض الاحيان لكنها من غير نفس وهالشيء يتعبني مرررره

لين حسيت مع مرور الوقت انها تطالبني بمقابل عشان اجيها؟؟؟
وربي انجيت ذاك اليوووم وكان احساسي بمحله لاني جبت معي هديه لها ويوم

عطيتها وبعد نص ساعه دخلنا غرفه النوم وعشنا احلى ليله لكن بعد يومين تقريبا جيت لها ومامعي شيء ودخلنا غرفه النوم وربي ماكلملت العمليه لاني حسيت

نفسي اسوي هالشيء مع جثه هامده مو مع انسانه من لحم ودم ..

وبالسنه الثانيه من زواجنا دخلت الاسهم وربي وفقني ورزقني واخفيت هالامر عنها لانها جشعه جدا ولاشيء يشبعها المهم كنت طالع انا وياها بالسياره موديها السوق ووقفت عند الصراف وسحبت منه وطبعا طلع الرصيد يوم شافته قالت ماشاء الله
وتبخل علي وانا زوجتك قلت انتي بصراحه مايملاء عينك الا التراب وانا صادق جشعه

وطماعه واهلها نفس الطريقه واكتشفت لاحقا انها اذا اخذت فلوس مني تعطيها لامها اصرف عليك؟؟ ولا على اهلك انا؟؟؟
ااه يالقهر مشاعر حب وكره تجتمع بقلبي مادري كيف اوصفها لكم..

قبل 3 شهور تقريبا صارت مشكله كبيره بيني وبينها والسبب الفلوس اخوها مسوي حادث وقالت لي عطني ابعطيه ابساعده يشتري سياره له انا رفضت طبعا وقلت ماني مكلوف باخوك اساعده خليه يساعد نفسه ويتحمل غلطته. قالت هاذا اخوي

من لحمي ودمي وتقول عنه كذا انا عصبت عليها وانفجرت وهزئتها تهزيء موطبيعي وطلعت حرتي فيها وقالت لي كل هاذا بقلبك وساكت قلت عجزت اعلم فيك انتي

مو انسانه انتي حجر حسبي الله عليك وطلعت لاهلها وقبل لاتطلع قلت لها بلحظه غضب انتي طالق وخوذي اغراضك بس والاغراض اللي اشتريتها والذهب والجوالات

اللي اشتريتها لك خليها بالبيت ... ولها 3 شهور تقريبا عند اهلها انا طلقتها طلقه

وحده وتجيني افكار الايام هاذي اتزوج وانسها بس فيه بقلبي حب لها مادري وش

سببه؟؟ وافكر اني ارجعها يمكن تعدلت وحست بغلطها ؟؟؟

اتمنى تساعدوني يااخوني واخواتي وتعطوني رايكم خصوصا اني انا ماني خبير بهالامور وانتم اكبر مني وعندكم خبره بالحياه اكثر اتمنى تردون علي باسرع وقت

واسف على عدم الترتيب بالموضوع لاني متوتر واول مره اتكلم عن مشكلتي فالعذر والسموحه منكم يالغالين

اخوكم فيصل



*
الاشراف /عفوا : ما شاء الله تكتب على هذا النحو

أخي فيصل إذا كانت الأمور مثلما ذكرت فأنت بعتقادي لم تقصر

وانصحك بتركها بعض الوقت كي تشعر بافتقادك وتحاسب نفسها

وأتوقع أن تسعى هى لاسترجاعك وعندها عليك ان تنبهها لأخطائها

وتكون وسطى وحكيم في تعاملك فلا دلع زايد ولا قسوة 0

وأن مر وقت طويل ولم تبادر هى أو أهلها بالإصلاح فابحث عن زوجة

أخرى وفي كل الأحوال يجب أن تكون تلك التجربة مفيدة لك في

التعامل الزوجي الصحيح 0 وفقك الله لما فيه خيرك وسعادتك

تقديري وأحترامي



-

__________________

لايوجد رجل عاقل من أهلها يكلمها ويوضح لها خطأها ؟

زوجتك اعتادت عليك بأنك لاترفض لها طلب مهما رفضت في بداية الأمر

لذلك هي متأكدة بأنك سترجع لها وتبدأ من جديد معك كما كانت

الحزم في هذه الأمور مطلوب ولا أقصد الغلظة وإنما التصرف بحدود العقل والمنطق

من حقك كـ رجل على زوجتك أن تهتم بك

ومن واجباتك أن تكون ذا تصرفات متزنة من أجل حياتكم غداً حينما يرزقكم الله الذرية

لاتستعجل الزواج من أخرى تفتح باب آخر من المشاكل واصبر حتى تشعر بغلطتها ويتعدل سلوكها

ولاتنسى أن تكلم أحد من طرفها بأن ماتفعله سيؤثر على حياتها ولن تصبر كثيراً عليها

المهم أن لاتظهر ضعفك وحاجتك لها إلا بالوقت المناسب بعد أن تعرف قيمة زوجها وحياتها معه

كان الله في عونك ..

اخوي فيصل
كلامك طيب وصراحه ماقصرت معها ان عندي نصيحة وعتاب

1-انت في بداية الامر مدلعه واجد الهديا لهاوقت
2-هي مدلعه من اهله
3- بعدين الامور حبحبه يعني امور الطبخ والاخرى
4- عدم تدخل الاطراف المعنيه
5- اتركها عند اهلها شوي
6- اذ ارسلت مسج ودقت تلفون اثقل الاترد او جيب شريحه ثانيه
يعني علقها تعرف المعنى
7- اوصيك بدعاء والصلاة

اقول عندي ثلاث و إن شاء الله الرابعه
عم قريب

ولكم جزيل الشكر

يل اخوي لا تستعجل بالطلاق والزواج من أخرى
الحياه بين الزوج وزوجته لازم تكون اختلافات
ومع الوقت يبتدون يعرفون لبعض
وأنت مخلي زوجتك بيت أهلها كتأديب لها
وتقدر تتفاهم معاها بكل صراحه
وتعلمها بأطباعك
أنها تغير من أطباعها وتتعلم الطبخ وتغير اسلوبها معاك وتعاملك برومانسيه وحب
وما تقعد تكلفك كل يوم بمصاريف ما لها داعي
أو أنها تختار الانفصال
لاتستعجل خيرها بين الانفصال أو اذا رجعت لك ترضى بشروطك
لانك الصراحه مو مقصر معاها بشي
وفقك الله

__________________

أخوي صراحة ما شاء الله عليك

انت ما قصرت معاها

أقول لك أخي شئ

انت دللتها زيادة شوي
و بالأخص إنها لا ترد لك بالمثل

بس أكيد راح تكون هي ندمت كتير

ابعت لها واحدة من العيلة بس ما تعرف أنها من طرفك

و تجس النبض و تشوف إدا كانت ندمانة عليك

و رجها أكيد ما راح تعيد نفس الأغلاط

لأنها جربت الطلاق و مرارته

__________________

اهلا بك اخي فيصل في المنتدى ......


الصراحة اللي سويته ما يسويه زوج في هالوقت ..... ما قصرت معها .....


لكن هي يبدو لي انها تتغلى ..... تدري انك تحبها ومستحيل تتركها ..... لكن انت اثقل شوي وحط حدود للي سوته



بعدين خل المبادرة منها لا تدورها انت ..... اتركها خلها تحس بغلطتها .....


ولو كتب ربي وكلمتك هي خلك ثقيل معها ...... وكلمها برسمية ......


وقل لها ايش ما يعجبك فيها وايش ودك يتغير فيها ....


هي اكيد لانها ذاقت مرارة الطلاق بتوافق على كل اللي تقوله .....


اسأل الله ان يلم شملكم ويسعدكم بالدنيا والاخرة .....

اخي الفاضل
احس ان زوجتك تتصرف عن جهل وبدون قصد
ربما كانت في بيت ابيها كل شي متوفر لها
وكان كل شي جاهز لها
لا تلوووومها
البنات اغلبهن هكذا هذه الأيام
انت اتبع اسلوب الأقناع ثم الأقناع
لامانع مثلا ان تشتري لها كتب طبخ
وتغلفها بهديه
وتقولها بصراحه ان لم يفد احب ان اذوق من يديدكي
يجب ان تكلم اقرب شخص لها عن طلباتك وما تحبه وما لا تحبه
بالنسبه عن اخيها هي تشعر انك جزء من عائلتها لذا اصرت على ان تساعد اخيها واسمح لي وان لم تكن تريد مساعدته كان يجب ان يكون كلامك اقل قسوه

المشكله تكمن انها لا تعرف ما تحب
وانت لم تقول لها قبل الزواج ما تريد

الآن يجب ان يكون تصارح بينكما
الله يلم شملكم يارب

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

اخي صاحب الموضوع ماعندي خبرة وان شاء الله الاخوة يفيدوك الي لفت انتباهي الاخ الكريم من صدق متزوج 3 ممكن اسالك كم عمرك وهل مبسوط الله يبارك لك

__________________
سبحان الله وبحمده سبحان الله العظيم

بصراحه اللي كنت بقوله قالوه اللي قبلي

لكن انا اؤيد هنا النقطه وبقوه :

لان بصراحه ولاتزعل مني معطيها وجه اكثر من اللازم

كل شي تطلبه انت تجيبه لها

وخصوصا هي عرفت انك تحبها اكيد بتقول مايستغني عني وراح يجيب اللي ابي
وتدلع عليك ..

وانا اخوك هذه مقولة للشيبان عندنا .. اذا جاء يتزوج ولدهم يقولونها له :
" المره لاتعطيها كل قلبك .. عطها نصفه او اقل "

الله يوفقك ويسهل امورك وان شاء الله ينصلح الحال وترجعوا احسن من اول

اخوك
شوق والم