15-08-2010, 02:21 AM
15-08-2010, 02:38 AM
15-08-2010, 02:43 AM
15-08-2010, 03:27 AM
15-08-2010, 04:17 AM
15-08-2010, 05:01 AM
15-08-2010, 11:34 AM
15-08-2010, 12:26 PM
|
المشاركة الأصلية كتبت بواسطة صالح بن صالح
بسم الله الرحمن الرحيم
بارك الله لكم في شهركم وتقبل منا ومنكم صالح العمل . . عدت مرة أخرى لهذا البيت الدافئ لأستلهم منه الرشَد بمشورتكم ورأيكم فلقد نزلت بي المشاكل مرة أخرى في بيتي وليس لي بعد الله تعالى من عون ورأي أثق به بحول الله تعالى إلا أنتم وبعض الإخوة من خارج هذا المنتدى المبارك . عندما أتحدث عن عيوب زوجتي فلا يظن بي أنني إنسان خالي من العيوب كلا فأنا حساس جداً وسريع الغضب ولكنني والحمد لله سريعا ما تطفأ ناري ويبرد ما تلظّى منّي إذا قوبلت بكلمة طيبة حنونة خلافاً لبعض الإخوة الذين إذا غضبوا فلا يرضيهم شيئ . . إخوتي زوجتي إنسانة تحب أن ينفذ رأيها مهما كان وتحب أن يكون لها كلمة في كل شيئ حتى باللي مالها فيه ومنذ فترة وأنا أتحمل بعض التجاوزات أملاً في أن تبتعد المشاكل عن بيتنا ، تمر بنا المشاكل بين الفينة والأخرى ولا ألقي لها بالاً يعني نتهاوش ونتراضى وهكذا دواليك وهناك عندي مشكلة أنني إذا غضبت فقدت أعصابي ( ما أضرب ولا أشتم ولا ألعن ) ولكن يحضر عندي الماضي بكل مساوئه وتعلمون أنتم أن الحياة الزوجية عبارة عن سلسلة مترابطة وبعض المشاكل ربما تنتج عن بعضها الآخر المهم يعني حنقت جدا ً منذ فترة أتيت من خارج المملكة بعد سفر دام تقريبا ً عشرة أيام استقبلتني استقبال جميل ولكن هذا الاستقبال بل هذه السفرة سبقتها مشكلة عويصة جدا ً وهي أنني قبل أن أسافر قلت لها أنني سوف أعطيك مبلغ 600ريال وماعليها من شي أغراض الولد كلها موجودة يعني الــ 600 مصروف بس . أعتقد أن الــ 600 يعني مبلغ مش بطال ولا فيها امتهان واستحقار أو ازدراء سوت من الحبة قبة وقالت أنا يا تعطيني 2000 ريال يا لا تعطيني حاجة وتزاعلنا قبل لا أمشي بيوم المهم والله يا إخوة اضطررت درءاً للمشكلة أنني استلف مبلغ معين وأعطيتها لأنه رايح أسافر بنبسط يعني منب مخلي الدعوى نكد بنكد .. المهم كنت بطلع من الديرة على الرياض الساعة 2.00 الظهر وكنا مانكلم بعض جيت ومديت لها 1500 قالت أنا منيب ماخذه شي أنا بلقى من يعطيني قلت أوكي ، المهم قبل لا اشيلها قالت أبي الصيدلية أبي كذا وكذا والولد يبي حفاظات وأنتم بكرامة قلت لاني بمار صيدلية ولا حاجة إللي يبي يعطيك الفلوس يوديك للصيدلية لأنه أنا إنسان بخيل ولا أستاهل ينوخذ مني شي وعموما لا عاد ترجعين على بيتي ولا تشوفين رقعة وجهي إذا ما أخذتي مني الفلوس المهم رضخت وأخذتها وكان على ال1500 ميتين قلت هذي للولد . اتصلت كم مرة ولم أرد عليها وأنا بالطريق للرياض ولما أردت أن أصعد الطائرة أبلغتها لأن الطائرة في الجو 8 ساعات قلت أحنا طايرين الحين وبس . ولما نزلت في هونج كونج برضه أرسلت لها رسالة وبس ومن بكرا اتصلت وسألت عن الأحوال ومع السلامة وهكذا نقريباً أربعة أيام . بعد كم يوم أرسلت لها رسالة تقطر عذوبة وإحساس مضمومنها إنه لو أزعلتيني ببقا أحبك وقلبي يفتقدك وياشينها الليلة اللي أنام فيها وأنا ما ضميتك لصدري ووالله أنا صادق أنا أحبها لكن للإنسان كرامة . وكانت هذه الرسالة لعله يحيا ضميرها وتستحي على قفاها من الحركة اللي سوتها . جيت وكان استقبال جميل ، ملابس جديدة وأغراض حلوة ومشترية لي هدايا جزمات ومحفظه حلوات والله يكثر خيرها وجزاها الله ألف ألف خير . رايح تنبسط !! طيب ليه مااخذتها ؟؟ اذا انت رايح لوناسه وتارك أهلك ماالومها واذا شغل ودراسه كلام ثاني برضه أنا رحت بها وكان الوقت صباح بوفيه مفتوح فندق موفنبيك إفطار بــ 150 ريال وأنا والله مانمت لي يومين كاملين ولمن كنت أبغى البوفيه كان باقي ساعة ويفتحون ومع هذا أدوّر بالشوارع ليمن ابتدأ البوفيه . بعدها كنت برضه باقي على إجازتي أسبوع وتنتهي اتصوّروا طول الأسبوع ولا يوم زيّنت لي غدا . اذا ماصحت هي قعدها وقت المنبه وقعدها بتتعود مع الوقت ,,هالشغله يبي لها حزم ( هههههههه شرّ البليّة ما يضحك ) أقوم الظهر ألقاها نايمة وما تقوم إلا على العصر . هذي خوذوها بإيديكم . بيّنت لها كثير أنه أنا أكره إنها تتكلم بالتلفون وأنا موجود وتتكلم ولا همها وإذا شافتني مرررررة خلاص قامت وسكرت السماعه وهي مب راضية يعني . ليه تكره ,, مافيه شيء يخليك تكره انها تكلم احد انا معك انه من الاحترام والذوق تقعد مع زوجها وتقهويه وتهتم فيه بس احيانا يكون شيء اضطراري لاتدقق على هالنقطه لها أخت مسيطرة على زوجها بشكل عجيب هي تحاول أن تتقمص شخصيتها وأنا لا أتقبل هذا الشيئ أبدا ً وهذا مما يحمقني منها دائما . . لما نرجع من استراحة ولا من عزومة وتكون لسّا شايفة خواتها علطول تفسخ عباتها وعلى التلفون هل هذا عقل يا إخواني. مايعقل  غير مهتمة نهائياً بموضوع الفراش وهي تعرف أنه أنا وكل رجل لنا شهوة لا نريد أن نضعها في الحرام وصبرت لين تزوجت وتحسسني أنه هالشيئ عبئ كبير وأنها تعاني ومن هالكلام . ما يعجبها العجب ودائما تحسسني أنه باقي لسّا ما قمت بحقها كويس ولو كلمتها وفاتحتها بهالموضوع قالت لا وش دعوى ما قصرت ولا ولا بعد إيش بعد حومتي كبدي من قولتك فلان ماشاء الله سوى لحرمته وفلان سوى لحرمته . بما انها تقول هالكلام فهي مو راضيه على تصرفاتك والله ياابن الحلال مافيه اسهل من الدلع والكلام الحلو والطيب والهدايا هو اللي يخليها تشوف ملك وانت مااتسوي شيء الشهر الماضي قالت منب ماكلة حبوب مانع برتاح منها قلت لها خلاص ويعرف الإخوة ما يعانيه الرجال من العازل أو من القذف خارج الرحم فهو يعرض الشخص لمشكلة لا أدري كيف أصفها المهم هي معروفة المهم ويعلم الله صبرت في سبيل أنها ترتاح ولما رجعت قبل أسبوع من الآن للحبوب . وكنت متشوق لها مع ما أجده في نفسي عليها من الأسباب آنفة الذكر المهم لم أقترب منها كم يوم لأنني حمق عليها صراحة ويوم قربت منها قالت إنه لازم 15 يوم ما يكون قذف داخل الرحم لأنه ممكن يكون حمل ولأنه المانع ما يأدي دوره إلا بعد هذه المدة هنا ثارت ثائرتي لأنني أعرف أنه هالكلام هراء وأنه من أحد خواتها حسبي الله عليها هي اللي تعبيها بهالكلام اللي ما أدري من وين تجيبه وما حصل جماع تصوّروا لي أكثر من 12 يوم، المهم تأكيدا ً لمعلومتي من الغد رحت وسألت وطلع الكلام كلام فارغ . ورجعت وأنا والله لا أكلمها ولا حاجة من شيئ أجده في نفسي وحتى هذه اللحظة وكان هذا ثاني ليلة من رمضان وحلفت ألا أمسّها إلا بعد دورتها القادمة. ذكرها بالله وباللعن يمكن تنردع من قبل رمضان بشهر كامل وأنا أقول يابنت الناس ماودي أصير برمضان زي السواق خلينا نخلص شغلك حق العيد وحق زواج أخوي ونرتاح برمضان ومطنشة وتحاول تحرف الموضوع وأنا للمعلومية معطيها حق العيد وحق زواج أخوي 5000 ريال . واضح انك دقيق بالفلوس  المهم قالت أنا حاجزة عند خياطة لزواج أخوك ولا أخيط إلا عندها وحاجزة للعيد عن الخياطة الفلانية وبخيط عندها وهنا نشأت مشكلة جديدة قلت يابنت الناس الخياطة ذي مسافرة ولا راح ترجع إلا برمضان المهم خذ ياتطنيش وأنا كل يوم يقرب رمضان يرتفع عندي المؤشر الأحمر . . حتى أتت هذه الليلة التي نحن فيها قالت أنه الخياطة قايلة لي اليوم تعالي قلت خلاص قلت لها بعد التراويح مباشرة ولما صليت التراويح جيت لها وأخذتها على الخياطة ونزلتها عند الخياطة وانتظرتها 45 دقيقة ولا حس ولا خبر المهم دقيت قلت يا بنت الناس أنتي وش سويتي أنا عند الباب قالت خلاص شوي وأخليها حتى تمينا ساعة ودقيت قالت عشر دقايق وطلعت بعد عشر دقايق زعلانه قالت دوري ما جاء وانت كل شوي داق أنت أصلا متقصدني وأنت وأنت . . قلت 45 دقيقة أنتظر ماكل تبن ويوم دقيت صرت متقصدك يعني وش تبيني أسوي أسكت ليمن تقضين حضرتك أغلب المشاغل والخياطات سرى ,,مره ثانيه من يوم تنزل قول لها ردي علي كم يبي لك وقت .. خلها تحدد بعد ماتدخل وأنا ساكت المفروض يوم دخلتي خبرتيني أنه يبي لك وقت على أساس ما أنتظرك وأروح أقضي أشغالي المهم تشادينا في الكلام قالت أنا بروح أقضي أشغالي من غيرك قلت إذا أنتي بنت أبوك تحركي من البيت من غير ما تقولين لي قالت أنت ودني للبيت وشف . رحت وجبت ولدي من بيت أهلي والولد يبي يركب عندها قالت له وين كنادرك وإلا هي في إإيدي رميت الجزمات على مكان الرجلين في السيارة وأنتم بكرامة قالت أنت متقصد تضربني بالجزمة وما هي أول مرة . قلت الله يعطيني الكسار إذا أنا متقصدك لكن أنتي الله يعطيك العمى إذا أنتي قايلة هالكلمة عشان تحطين فيني شيئ مهب بي قولي آمين قالت لا ما اقول آمين قلت بانت . المهم أنا متضايق جدا ً من كثرة مشاكلها وإن كان لها في قلبي شيئ من الحب لكن حب بدون احترام وتقدير لا أعتقد أن له قيمة . . فكري مشوش جدا ً وأحتاج مشورتكم . . |
15-08-2010, 12:41 PM
15-08-2010, 12:42 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
