السلام عليكم ورحمة الله وبركاته

أنا أحب خطيبتي جدا وهي تبادلني الحب

الموضوع اللي خانقني أني أنا دائما اسأل عنها وارسل لها الشعر والمدح وووو لدرجة اني اصبحت أألف احيانا من عندي ولكن هي لاتراسلني الا قليل ولا تتحدث معي اصبحت عندما اتكلم معها اشعر ببعض تأنيب الضمير خوفا اني اكون مثقل عليها لانه جات لها فترة دايما تقول لي انها مشغولة وانها وانها
حتى اني كنت ارسل لها على الواتس اب وكثير ماترد رغم انها تكون شافتها بحجة انها مشغولة فمرة زعلت انا وتركتها ففتحت معي المحادثة هي وقلت لها اخيرا فضيتي لي فزعلت مني هي واصبحت ترمي كلام جارح وقفلت جوالها ارسلت لها وارسلت لها رسائل اعتذار والله لو تشوفوها للتفاجئو من الرسايل رغم انو الخطأ منها وهي من تهجمت علي بالكلام وهي من طنشتني وأنا عندما أكون في الدوام ومشغول اتصل عليها وهي تعرف هالشي وحتى لو كانت مشغولة الرسالة اوكلمة شكرا لا تأخذ وقت ولكن انا اعتذرت لها لأجل أن أبين لها كم مقدار حبها في قلبي

مشكلتي مع خطيبتي انه عندها لامبالاة فيني ما عادت تسأل عني زي أول وين رحت وايش عندك ولا ترسل لي رسائل زي أول فيها حب وكذا الا قليييل
أنا اللي أعرفه أن الحب والاهتمام يزيد ما ينقص ابدا
وحتى لو كان الشخص مشغول يستطيع انه يرسل شي لحبيبه اي شي
يا أخوان انا الامبالاة تقتلني والله .. والله اني اتكلم معكم والقهر يملأني
للمعلومية هي مو شايفة نفسها انها مسوية غلط ابدا وامس قالت لي انها عندها رسائل وعبارات مدح وغزل بس انها مخبياها لبعدين وتقولي لي ماتدري متى بعدين
يا أخوان احنا أول كانت دايما ترسل لي وتسال عني وتقول انها رايحة الحين على المكان الفلاني وتصور لي مكانها بس الحين ناااااادر لييه؟؟
ولما اتصل عليها تقول لي مافي شي نحكيه وقدامنا سنة نحكي فيها وما أدري ايش طيب ليييه كذا تقول زهقت مني يعني رغم انه كلامها معي كثيير تحكي انها تحبني ومشتاقه لي

يا أخوان اعطوني رايكم ماذا افعل .. واعذروني على عدم التنسيق لاني والله مقهور وماني عارف اكتب زين
وبصراحة يا اخواني انا ماأقدر أعيش حياتي مع شخص غير مبالي فيني لأني أعرف الشخص لما يكون خاطب يكون فرحانين ومتعلقين مع بعض اما هي كلامها يحسسني كذا اما تصرفاتها فلا تحسسني كذا


وشكرا لكم

كان الله في عونك ..

لعل الاندفاع الزائد من قبلك هو ما كون لديها بعض التجافي تجاهك ..

ولماذا تتعب بالاعتذار منها وهي من اخطئت بحقك ..
بالمعنى العامي .. ابعد عن العاطفه شوي لاجل ان تستمسك بزمام الامور .. فأنت الرجل والعاطفه للانثى ..

حاول ان تهدئ مشاعرك وتتصرف بعقلانيه ..

اتركها على راحتها وخلك ثقل شوي .. بتلاحظ الفرق ..

بعد الزواج تتغير المعالم ..

ربما هي في ظنها ان الاندفاع الزائد فيما بينكما يسبب شيء من الملل او ماشابه ذلك في المستقبل وبعد الزواج .. او ربما رأت فيك ضعفا في الشخصية أدى إلى بعض الاهمال من قبلها بحجة عدم الاستعجال ..



حاليا لاتجعل المشاعر تطغى على العقل .. تصرف على عفويتك الى أن يحين الزواج .


استطراد : عرفت نتيجة منع بعض القبائل التواصل بين الزوجين قبل الدخله .. لو انها "اكشط واربح" لكن بالمقابل فيها خير وراحة بال

واحد من اثنان ممكن اهلها مانعين تواصلها معك او فاهمة الثقل غلط

اترك تواصلك معها لفترة شهر و انظر ماذا يحدث

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

الظاهر إنكم مملكين من زمان ولسة قدامكم سنة على الزواج
فعشان كدة برأيي إنك تخخف من التواصل وبنفس الوقت لاتكون مندفع اتغلا واثقل عليها حبتين..

انت المخطي ومبالغ بحبك لها ومبين انك تبي تعيش دور الحبيب بأي طريقه كانت لانك تعتبر هذا هو الشي الطبيعي وهذا هو الغلط
تدري ليش ؟!
منين جا كل هالحب لمخطوبه؟ !!! خلك واقعي اكثر
ومبين انها ملت من تصرفك او انها خايفه انك تمل منها فهي تثقل عليك

اثقل علشان ما تنصدم مستقبلاً

يابعدي انت والله
اشكوا لله يابعدي اشك له وادعه وارتجيه
احفظ عاطفتك يابعدي لاتكسر خاطرك والله اني حاسن فيك
مابي اكثر عليك الكلام والقرق لكن المهم انك تحفظ عاطفتك وعاملها بلين وهداوه كانك تحبها
لا تقولها ليه ماترسلين كذا وكذا
فقط ان كان ودك عبر لها عن قيمه الحب قيمه البنت الي بتسكن قلبك عبر لها عن الانسجام طموحك في الود الخالص والانصهار بجسد يحوي روحين امدحها مدحات خفيفات بدون تكلف عبر لها عن خوفك عليها طمنها دايم
وكانك مره تحبها مره مره فبكل جراءه فجر حبك وعاطفتك
ماظنك كذا لكن لو كنت كذا فانت هايم
وهذا الي صار لي
ففجر كل ماعندك من حب
تدري ليه لان قلبك يستاهل انك تخليه يتنفس لو مره وحده بحياته
ولو ماكتب لك الله نصيب لا تندم لا مشاعرك مذهبه خالصه مخلصه
بذن الله انها تقدرك يابعدي وبذن الله انها خالصه مخلصه لك
وان صار ماصار لاتتندم لانك صافي وحبك يشع معها ومع غيرها

اتوقع انها خايفه تهيم فيك وتنكسر من شي ولاشي
فطول بالك ابدارتاح
وتابع ايكارت تولي و صلاح الراشد لهم محاضرات قيمه عن معنا الحب
فيه كتاب اسمه سايكلوجيه الرجل والمراة تراه مهم ومفيد جدا لك ولها
وفيه اصدار اسمه كيف تكسبين محبوبك و ميف تكسب محبوبتك للراشد اعتقد موجود بلنت ولا اشتره
وغيره كثير انت وهي وكلنا بلاشك بحاجه لمزيد من الوعي والادراك بذات في هذي المرحله

خطيبتك من النوع شديد النانية .. انا و فقط ..
انصحك الا ترتبط بهذه النوعية .. نصيحة لوجه الله تعالي .. لا ترتبط بهذه النوعية
ان كنت تحبها .. فسيأتي اليوم الذي تكرهها فيه ..
اما لو ارتبط بأخري لا تحبها و لكنها خلوقة هادئة طيبة حسنة الطباع .. فبالتأكيد ستحبها .. و الاهم ان الحب سيدوم ان شاء الله
اخي العزيز ..
قليل دائم خير من كثير منقطع

مع هذا الرأي وبشدّة !

لاتعلم مابداخلها وأعذرها !!!

وفقكما الله لكل خير ....